Fier/Informacion paraprak
Në Spitalin Rajonal Fier, është dërguar për të marrë ndihmë mjekësore, shtetasi J. K., 23 vjeç, banues në Fier, i cili dyshohet se ka konsumuar lëndë helmuese fotoksinë.
Grupi hetimor vijon punën për sqarimin e rrethanave të këtij rasti.
– Një ngjarje e rëndë u shënua sot në fshatin Bodrishtë Bashkia Dropull. Çifti i të moshuarve Kosta Ilia 84 vjeç dhe Kleoniqi Ilia 88 vjeçe janë gjetur të pajetë dhe me shenja dhune në trup.
Dyshimet e para flasin se kemi të bëjmë me krim.
E moshuara 88 vjeçare u gjet e pajetë në banesë, ndërsa Kosta Ilia u gjet i vdekur në oborr.
Policia ka shkuar në vendngjarje ku po merret me hetimin e këtij krimi.
Dropull/Informacion paraprak
Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.
Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.
Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes.
Drejtori i Përgjithshëm i Policisë së Tiranës Tonin Vocaj ka dhënë detaje nga megaoperacioni “Tempulli 3”.
Në një konferencë për shtyp ai ka bërë me dije se janë vënë në pranga 20 persona, ndërkohë që janë arrestuar edhe pesë persona të tjerë, në zbatim të masave të dhëna ndaj tyre “Arrest me burg”.
Ai ka renditur edhe materialet e sekuestruara gjatë operacionit.“Rezultatet e koduar Tempulli 3 ku u godit një grup që shpërndante kokainë në lokale nate dhe shkolla.
Sekori për narkotikët, në vijim të operacioneve të njëpasnjëshme, bazuar në inteligjencë informative, në janar referuan materialet në gjykatën e shkallës së parë.
U siguruan prova për veprimtarinë kriminale të 35 shtetasve.
U arrestuan 20 persona, u zbatuan masat arrest me burg për 5 shtetasve të tjerë, vijon puna për kapjen e 10 personave të tjerë.
U sekuestruan:
3.5 kg kokaine
50 doza heroinë
100 doza kanabis
27 celulare
5 automjete”, tha ai.
Sot, më 02 maj 2024, dollari amerikan blihet me 93.7 lekë dhe shitet me 94.6 lekë.
Euro blihet me 100 lekë dhe shitet 100.9 lekë.Franga zvicerane këmbehet në blerje me 101.5 lekë, ndërsa në shitje me 102.7 lekë.
Franga zvicerane këmbehet në blerje me 101.5 lekë, ndërsa në shitje me 102.7 lekë.
Paundi britanik blihet me 116.6 lekë dhe shitet me 117.6 lekë.
Dollari kanadez sot në blerje këmbehet me 68 lekë, ndërsa në shitje me 69.3 lekë.
Konflikt brenda repartit zjarrfikës në Kavajë, ku një zjarrfikës është konfliktuar me kolegët e tij dhe dyshohet se ka goditur me thikë dy prej tyre. Këta të fundit kanë marrë dëmtime në këmbë dhe ndodhen në spital jashtë rrezikut për jetën.
Ngjarja ka ndodhur mbrëmë rreth orës 20:00 në repartin zjarrfikës të Kavajës.
Policia e Kavajës ka shoqëruar në komisariat personat e përfshirë në konflikt dhe ka ndaluar personin e dyshuar si autor të sulmit ndaj kolegëve. Gjithashtu zjarrfikësit e përfshirë në konflikt janë pezulluar.
Një ngjarje e rëndë ka ndodhur mbrëmjen e sotme në Tiranë, në rrugën “Selaudin Bekteshi” pasi dyshohet se është vetëhedhur nga kati i 5-të i pallatit ku banon, shtetasja E. A., 26 vjeçe.
Sipas deklarimeve të familjarëve të saj, dyshohet se vuan nga probleme të shëndetit mendor.E reja është dërguar në spital dhe aktualisht ndodhet nën kujdesin e mjekëve, ndërsa grupi hetimor po punon për sqarimin e rrethanave të ngjarjes.
Njoftimi i policisë:
Më datë 01.05.2024, rreth orës 21:25, në rrugën “Selaudin Bekteshi”, dyshohet se është vetëhedhur nga kati i 5-të i pallatit ku banon, shtetasja E. A., 26 vjeçe, e cila sipas deklarimeve të familjarëve të saj, dyshohet se vuan nga probleme të shëndetit mendor.
26-vjeçarja është dërguar në spital dhe aktualisht ndodhet nën kujdesin e mjekëve, ndërsa grupi hetimor po punon për sqarimin e rrethanave të ngjarjes
Policia Kufitare dhe Roja Bregdetare shpëtojnë 12 shtetas, nga të cilët 11 turistë nga vende të ndryshme, të cilëve ju rrezikohej jeta në mjetin lundrues që kishte pësuar defekt në det.
Pronari i mjetit lundrues u ndëshkua me masë administrative 100 000 lekë, ndërsa mjeti lundrues i tij u bllokua, pasi nuk ishte i pajisur me Çertifikatën e Operatorit Turistik Detar.
Shtetasi E. L., 30 vjeç, banues në Vlorë, ka kërkuar ndihmën e Policisë pasi përballë porit të Vlorës, mjeti i tij lundrues, kishte pësuar defekt në motorr.
Shërbimet e Policisë Kufitare të SPK Triport, me marrjen e njoftimit, u nisën menjëherë me një mjet lundrues dhe në bashkëpunim me mjetin lundrues të Rojes Bregdetare, bënë të mundur të shpëtojnë 12 shtetasit që ndodheshin në bordin e mjetit lundrues, ku 11 prej tyre ishin turistë, nga vende të ndryshme si Polonia, Franca, Izraeli e Belgjika.
Shërbimet e Policisë Kufitare pasi kanë tërhequr drejt portit mjetin lundrues ku ndodheshin turistët, kanë kryer verifikimet nga të cilat ka rezultuar se mjeti lundrues i dalë në lundrim nga SPK Triport, është mjet lundrues për përdorim personal dhe nuk është i pajisur me Çertifikatën e Operatorit Turistik Detar.
Mjeti lundrues u bllokua dhe shtetasi E. L. u ndëshkua me masë administrative gjobë në masën 100 000 lekë, bazuar në Ligji Nr. 43/2020 “Për operatorët turistikë detar”.
Turistët të cilët janë në gjendje të mirë shëndetësore kanë falënderuar shërbimet e Policisë dhe të Rojës Bregdetare për ndihmën dhe reagimin e shpejtë.
Punëtorët dhe aktivistët në të gjithë Europën dhe Azinë dolën në rrugë të mërkurën për të shënuar Ditën e 1 Majit me protesta kundër rritjes së çmimeve dhe politikave qeveritare të punës dhe thirrjeve për të drejta më të mira.
Policia në Stamboll përdori gaz lotsjellës për të shpërndarë mijëra njerëz që po përpiqeshin të çanin një barrikadë dhe të arrinin në sheshin kryesor Taksim të qytetit.
Punëtorët dhe aktivistët në të gjithë Europën dhe Azinë dolën në rrugë të mërkurën për të shënuar Ditën e 1 Majit me protesta kundër rritjes së çmimeve dhe politikave qeveritare të punës dhe thirrjeve për të drejta më të mira.
Policia në Stamboll përdori gaz lotsjellës për të shpërndarë mijëra njerëz që po përpiqeshin të çanin një barrikadë dhe të arrinin në sheshin kryesor Taksim të qytetit.
Qeveria e Presidentit Recep Tayyip Erdogan ka shpallur prej kohësh ndalimin për mitingje dhe demonstrata për arsye sigurie, por disa parti politike dhe sindikata janë zotuar të marshojnë në shesh, i cili ka vlerë simbolike për sindikatat.
Në vitin 1977, persona të armatosur të paidentifikuar hapën zjarr në Taksim, duke shkaktuar një rrëmujë dhe duke vrarë 34 njerëz. Të mërkurën, policia ngriti barrikada dhe mbylli të gjitha rrugët që të çojnë në sheshin qendror të Stambollit.
Transporti publik në zonë ishte gjithashtu i kufizuar. Vetëm një grup i vogël përfaqësuesish të sindikatave u lejuan të hynin në shesh duke vendosur një kurorë në një monument në kujtim të viktimave të incidentit të vitit 1977.
Në Athinë, disa mijëra protestues iu bashkuan marshimeve të 1 Majit, pasi grevat e lidhura me punëtorët ndërprenë transportin publik dhe shërbimet hekurudhore kombëtare në të gjithë Greqinë.
Grevat mbarëkombëtare u drejtuan nga sindikata më e madhe e vendit, e cila ka kërkuar një kthim në negociatat kolektive pasi të drejtat e punës u hoqën gjatë krizës së rëndë financiare të Greqisë 2010-18.
Në Paris, protestuesit u mblodhën në Place de la Republique për të marrë pjesë në një marshim të udhëhequr nga sindikatat kryesore të Francës, duke kërkuar paga dhe kushte më të mira pune.
Grupet pro-palestineze dhe aktivistët kundër Olimpiadës pritet t’i bashkohen marshimit nëpër kryeqytetin francez.
Situate në Francë mbetet e tensionuar, me protesta nga mësuesit, oficerët e policisë dhe fermerët pas demonstratave të mëdha vitin e kaluar kundër rritjes së moshës së daljes në pension.
Në Indonezi, punëtorët shprehën zemërim ndaj një ligji të ri që ata thanë se shkel të drejtat e tyre dhe dëmton mirëqenien e tyre dhe kërkuan mbrojtje për punëtorët migrantë jashtë vendit dhe një rritje të pagës minimale.
Mijëra punëtorë nga Xhakarta, Bogor, Depok, Tangerang dhe Bekasi pritej të bashkoheshin me marshimet në kryeqytet, tha Said Iqbal, presidenti i Konfederatës së Sindikatave Indoneziane.
Në Seul, kryeqyteti i Koresë së Jugut, mijëra protestues valëvitën flamuj,duke mbajtur në duar slogane pro-punëtorëve në fillim të një mitingu të mërkurën. Organizatorët thanë se tubimi kishte për qëllim të rriste kritikat e tyre ndaj asaj që ata i quajnë politika kundër punëtorëve të ndjekura nga qeveria konservatore e udhëhequr nga presidenti Yoon Suk Yeol.
Anëtarët e sindikatave të KCTU dënuan veton e Yoon në dhjetor të një projektligji që synon kufizimin e të drejtave të kompanive për të kërkuar kompensim për dëmet e shkaktuara nga grevat e sindikatave.
Në Japoni, më shumë se 10,000 njerëz u mblodhën në parkun Yoyogi në qendër të Tokios, duke kërkuar rritje të rrogave, Gjatë tubimit, Masako Obata, kreu i Konfederatës Kombëtare të Sindikatave me prirje të majtë, tha se ulja e pagave i ka bërë kushtet e jetesës më të vështira për shumë njerëz dhe ka shtuar pabarazitë e të ardhurave.
Në kryeqytetin e Filipineve, Manila, qindra punëtorë dhe aktivistë të krahut të majtë marshuan dhe mbajtën një tubim duke kërkuar rritje të pagave dhe sigurinë në vendet e punës.
