Ditën e sotme në Gjykatën e Fierit do të zhvillohet seanca për ish-deputetin e Partisë Demokratike, Ervin Salianji, i cili kërkon lirinë me kusht.

Argumenti kryesor i Salianjit për lirimin e tij, është se ai ka shlyer pjesën më të madhe të dënimit të tij

Kujtojmë se kjo është tentativa e disatë e Salianjit për t’u liruar nga burgu. Në mars të këtij viti, Gjykata e Lartë i rrëzoi rekursin e demokratit, i cili kërkonte rrëzimin e vendimit të 27 shtatorit 2024 dhe fitimin e lirisë.

Ai u dënua nga Gjykata e Tiranës për kallëzim të rremë në lidhje me një denoncim ndaj vëllait të ish-ministrit socialist Fatmir Xhafaj.

Bëhet fjalë për rastin që u njoh publikisht si “Babalja”, ku pretendohej se vëllai i Xhafajt ishte i përfshirë në trafikun e drogës.

Nga hetimet rezultoi se e gjitha ishte një material i montuar, dhe biseda me dëshmitarët e rremë ishte e tëra e simuluar për të ngarkuar vëllain e ish-ministrit.

Për këtë arsye, Salianji u dënua me një vit burg.

KQZ nis sot rinumërimin e votave për katër qarqe, përfshihen edhe 85 kuti votimi të diasporësPas vendimit të KAS-it, KQZ nis zyrtarisht rinumërimin e 2323 qendrave të votimit (përfshirë 85 kutitë nga votimi jashtë vendit).

Rinumërimi zhvillohet në Pallatin e Sportit “Farie Hoti”, Tiranë me transmetim LIVE në rrjetet sociale të KQZ

24 grupe/24 tavolina numerimi

Qarqet e përfshira: Tiranë, Fier, Durrës dhe Elbasan

Vëzhgues do të kenë vetëm subjektet e legjitimuara gjatë procesit të shqyrtimit të kërkesave ankimore konkretisht:
1. Qarku Elbasan, Koalicioni PD-ASHM dhe Partia Socialiste;
2. Qarku Fier, Koalicioni PD-ASHM, Partia Socialiste dhe Koalicioni Nisma -Shqipëria Behet;
3. Qarku Durrës, Koalicioni PD-ASHM dhe Partia Socialiste;
4. Qarku Tirane, Koalicioni PD-ASHM, Partia Socialiste dhe Mundësia;

Vera, përveçse sezon pushimesh, është edhe stina ku shënohet një rritje e ndjeshme e rasteve të vjedhjeve në banesa, biznese dhe automjete.Teksa shumë qytetarë largohen për të shijuar ditët e nxehta në bregdet apo në vende turistike, hajdutët përfitojnë nga banesat e lëna pa mbikëqyrje duke targetuar kasafortat, paratë kesh apo sendet me vlere.

Kryesish të rinj dhe përsëritës të veprës penale të vjedhjes shfrytëzojnë çdo hapësire për të kapërcyer dritare apo thyer dyer dhe futen brenda shtëpive që kanë targetuar.Por edhe 5 muajt e parë të këtij viti kanë qenë të mbushur me raste vjedhjesh ku në sitë janë raportuar në polici gati 3 raste të reja.

Vetëm gjatë periudhës janar-maj, në shkallë vendi janë regjistruar 411 raste të vjedhjeve. Policia ka ndërmarrë një sërë veprimesh hetimore dhe operativo-policore, duke finalizuar 102 operacione për zbardhjen e këtyre veprave penale.

Nga këto, 17 operacione kanë qenë për vjedhje të kryera me dhunë, ndërsa janë goditur gjithashtu 4 grupe kriminale që vepronin në mënyrë të organizuar, duke kryer vjedhje me thyerje në banesa dhe në subjekte tregtare.

Si rezultat i këtyre hetimeve, janë zbardhur 278 raste vjedhjesh të ndodhura në banesa, lokale dhe automjete në zona të ndryshme të vendit.

Policia e Shtetit vijon thirrjen drejtuar qytetarëve që të marrin masa shtesë sigurie gjatë largimit nga banesat  dhe një formë mbrojtëse është të mos postojnë në kohë reale në rrjetet sociale kur janë në udhëtim.

Makina bie nga ura, shoferi niset me urgjencë drejt TraumësNjë automjet i tipit ‘Toyota Auris’ ka dalë nga rruga dhe ka rënë nga ura, duke lënë të plagosur drejtuesin e mjetit, 62-vjeçarin Nishan Ballaci, i cili udhëtonte i vetëm.

Sipas dëshmive të banorëve të zonës, ata ndërhynë menjëherë për të ndihmuar dhe për të nxjerrë shoferin nga kanali, ku kishte përfunduar automjeti.

Fillimisht, Ballaci është transportuar me urgjencë në Spitalin Rajonal të Sarandës, ku pas marrjes së ndihmës së parë, është dërguar me ambulancë në Spitalin e Traumës në Tiranë për trajtim të specializuar, për shkak të plagëve të rënda, raporton korrespondentja e Top Channel, Kristina Fidhi.

Shërbimet e qarkullimit rrugor të Sarandës ndodhen në vendngjarje dhe kanë nisur hetimet për të përcaktuar shkaqet e aksidentit.

Konflikti mes Izraelit dhe Iranit është futur në ditën e katërt, ndërsa në fokus të sulmeve ka qenë edhe infrastruktura apo rezervat e naftës dhe gazit të dy vendeve.

Megjithatë, rritja me 7% e çmimeve të naftës në tregjet ndërkombëtare të premten, është ndalur në sesionin e së hënës, pavarësisht frikës se lufta do të shtrihet edhe në infrastrukturën energjetike dhe mund të ndërpresë furnizimet në rajon.

Eksperti i ekonomisë, Adrian Civici, shprehet se mund të ketë një rritje domethënëse të çmimeve të naftës, vetëm nëse Irani vendos të mbyllë Ngushticën e Hormuzit, nga ku kalojnë rreth 19 milionë fuçi naftë në ditë, ose 1/5 e konsumit ditor global. Një rritje e çmimeve të naftës në tregjet ndërkombëtare do të reflektohej edhe në tregun shqiptar të shitjes me pakicë të hidrokarbureve. 

Ndërkohë, parë në këndvështrimin gjeopolitik, eksperti i marrëdhënieve ndërkombëtare, Enver Bytyçi, shprehet se konflikti mund të jetë i izoluar vetëm mes Izraelit dhe Iranit, për faktin se Shtetet e Bashkuara të Amerikës kanë vendosur të jenë neutralë deri më tani. Sipas Bytyçit, Ballkani Perëndimor nuk rrezikohet nga konflikti në Lindjen e Mesme. 

Çmimet e naftës u rritën me më shumë se 7% të premten, menjëherë pasi Izraeli nisi sulmet kundër programit bërthamor dhe balistik të Iranit, si dhe ndaj udhëheqjes të lartë ushtarake.

Kjo ishte rritja më e madhe ditore e çmimeve të naftës që nga marsi i vitit 2022, kur Rusia nisi pushtimin e plotë të Ukrainës. Sipas bankës Goldman Sachs, nëse Irani vendos të mbyllë Ngushticën e Hormuzit, çmimet e naftës mund të rriten deri në 100 dollarë për fuçi.

/SCAN/