Policia ka identifikuar tre autorët e atentatit të ndodhur ditën e djeshme në Lezhë ku humbën jetën Kreshnik Mujeci dhe bashkëshortja e tij. 

Bëhet fjalë për shtetasit Adriano Mhillaj 22 vjeç, Florin Mhillaj 36 vjeç dhe Renato Mhillaj 23 vjeç.

Mesohet se një prej tyre, Renato Mhillaj është djali dhe dy të tjerët familjarë të Gegë Mëhillit, për vrasjen e të cilit akuzohej Kreshnik Mujeci. Ai u arrestua në vitin 2017, së bashku me vëllezërit e tij, Lin dhe Jozef Muçaj.

Një aksident i rëndë rrugor është regjistruar rreth orës 16:45 në zonën e Urës së Çerkezës, ku janë përfshirë dy automjete.

Sipas informacioneve paraprake, automjeti i drejtuar nga shtetasja A. P. është përplasur me një tjetër mjet, që drejtohej nga shtetasi Q. T., rreth 42 vjeç.

Si pasojë e përplasjes së fortë, drejtuesi i mjetit tjetër ka humbur jetën në vendngjarje.

Ndërkohë, drejtuesja A. P. është shoqëruar në Komisariat për veprime të mëtejshme procedurale.

Grupi hetimor ndodhet në vendngjarje dhe po punon për të sqaruar rrethanat dhe shkaqet e aksidentit.

Policia e Lezhës ka dhënë njoftimin e parë zyrtar lidhur me atentatin e ndodhur mesditën e sotme në dalje të fshatit Balldren, në rrugën Balldren–Torrovicë, ku humbën jetën dy persona.

Sipas policisë, rreth orës 14:50, gjatë lëvizjes së një automjeti tip “Audi”, është qëlluar me armë zjarri në drejtim të tij. Automjeti drejtohej nga shtetasi K. M., 39 vjeç, i cili udhëtonte së bashku me bashkëshorten e tij, shtetasen G. M., 32 vjeçe. Të dy kanë humbur jetën në vendngjarje.

Menjëherë pas njoftimit, shërbimet e policisë kanë mbërritur në vendin e ngjarjes dhe kanë nisur kontrollet në zonë për identifikimin dhe kapjen e autorëve të dyshuar.

Në vendngjarje është ngritur një grup i posaçëm hetimor, nën drejtimin e Prokurorisë, i cili po punon për fiksimin dhe administrimin e çdo prove që mund të ndihmojë në zbardhjen e plotë të ngjarjes.

Nga hetimet paraprake, një nga pistat kryesore që po shqyrtohet është ajo e hakmarrjes, pasi Kreshnik Mujeci rezulton i akuzuar për vrasjen e Genc Mhillajt në vitin 2016.

Sipas të dhënave, Gjykata e Shkallës së Parë në Shkodër e ka shpallur të pafajshëm Kreshnik dhe Jozef Mujecin më 27 nëntor 2018, ndërsa Apeli ka lënë në fuqi vendimin më 6 nëntor 2019. Më vonë, Gjykata e Lartë ka vendosur rikthimin e çështjes për gjykim më 31 tetor 2024.

Hetimet për atentatin vijojnë, ndërsa policia po punon për identifikimin dhe kapjen e autorëve.

Një ngjarje e rëndë kriminale është shënuar në fshatin Balldre të Lezhës, ku një çift bashkëshortësh është qëlluar për vdekje brenda automjetit të tyre tip “Audi”.

Viktimat janë identifikuar si Kreshnik Mujeci dhe bashkëshortja e tij, Gentiana Mujeci, të cilët u gjetën pa shenja jete brenda makinës së qëlluar me breshëri armësh.

Sipas të dhënave paraprake, ngjarja dyshohet të ketë ndodhur gjatë lëvizjes së automjetit, ndërsa autorët kanë hapur zjarr nga afër dhe më pas janë larguar nga vendi i ngjarjes.

Policia ka ngritur menjëherë pika kontrolli në zonë dhe po punon për identifikimin e autorëve. Nga dëshmitë e para, dyshohet se në atentat janë përdorur dy automjete, njëri për sulmin dhe tjetri për largimin e autorëve.

Burime hetimore bëjnë me dije se një nga pistat kryesore është ajo e hakmarrjes, pasi Kreshnik Mujeci rezulton i përfshirë më herët në një ngjarje të rëndë kriminale të vitit 2016, ku akuzohet për vrasjen e Gegë Mëhillit në Lezhë.

Grupi hetimor po vijon punën për zbardhjen e plotë të rrethanave të atentatit dhe për të përcaktuar motivet e sakta të ngjarjes.

Dy aksidente rrugore janë regjistruar në qarkun e Vlorës, ku kanë mbetur të lënduar një çiklist dhe një punonjës policie.

Sipas policisë, shtetasi E. L., 23 vjeç, banues në Fier, duke drejtuar automjetin në segmentin Novoselë–Fitore, ka aksidentuar një shtetas që lëvizte me biçikletë. I dëmtuari mori ndihmë mjekësore në spital dhe më pas u largua në banesë.

Ndërkohë, në aksin Palasë–Dhërmi, në rrethrrotullimin e Drimadhës, një 21-vjeçar nga Tirana humbi kontrollin e automjetit, duke përplasur fillimisht një mjet të parkuar dhe më pas një punonjës policie.

Si pasojë e aksidentit, efektivi i policisë ka pësuar dëmtime të lehta. Materialet janë referuar në Prokurori për veprime të mëtejshme.