Një 40-vjeçar është vënë në pranga këtë të hënë, pasi një ditë më parë përplasi automjetin pranë shkallëve të Kryeministrisë dhe më pas goditi me shkelma derën e institucionit.

Sipas burimeve, shtetasi Eledion Marku dyshohet se ka probleme të shëndetit mendor. Ai nuk ka dhënë asnjë shpjegim për veprimet e tij para grupit hetimor. Po ashtu, mësohet se automjetin e kishte marrë nga një shok i tij.

SPAK ka kundërshtuar kërkesën e paraqitur nga avokati i Metës për lirimin e tij, duke argumentuar se vendimi i Kolegjeve të Bashkuara të Gjykatës së Lartë nuk sjell asgjë të re në këtë proces dhe nuk ndryshon rrethanat mbi të cilat është vendosur masa e sigurisë.

Prokuroria e Posaçme ka theksuar se nuk ekzistojnë kushte të reja që justifikojnë ndryshimin e masës së sigurisë ndaj Metës.

“Vendimi i Kolegjit të Bashkuar të Gjykatës së Lartë nuk sjell asgjë të re në këtë proces. Mbrojtja nuk paraqiti asnjë provë për zëvendësimin e masës, për zbutjen e nevojave të sigurimit apo për dyshimin e arsyeshëm. Nuk ka kushte apo rrethana për zëvendësim mase”, u shpreh prokurori Kllapi.

Nga ana tjetër, avokati Kujtim Cakrani kërkoi lirimin e Metës, duke iu referuar edhe një vendimi të fundit të Kolegjit të Bashkuar të Gjykatës së Lartë, i cili lidhet me interpretimin e masave të sigurisë.

Gjatë seancës, Cakrani përmendi edhe rastin e ish-drejtoreshës së AKSHI-t, duke deklaruar se “Gjykata e Lartë e liroi atë, ndërsa Metën e mban prej 19 muajsh në paraburgim”.

Avokati shtoi se mbrojtja është e gatshme të ofrojë edhe garanci pasurore, sipas vlerësimit që mund të caktojë gjykata.

Në sallën e gjyqit kanë qenë të pranishëm edhe përfaqësues të Partisë së Lirisë dhe opozitës, mes tyre Tedi Blushi, Flamur Noka, Klevis Balliu dhe Bujar Leskaj, të cilët kanë ndjekur nga afër zhvillimet e seancës.

Një aksident rrugor është regjistruar mesditën e sotme në unazën jugore të qytetit të Fierit, ku një motomjet është përplasur me një automjet tip “Peugeot”.
Si pasojë e përplasjes, ka mbetur i plagosur drejtuesi i motomjetit, i cili është transportuar me autoambulancë drejt Spitalit Rajonal Fier për të marrë ndihmë mjekësore.
Në vendngjarje kanë mbërritur shërbimet e Policisë, të cilat po punojnë për zbardhjen e shkaqeve dhe rrethanave të aksidentit.

Tregtarët e tregut të fruta-perimeve dhe të tregut industrial në qytetin e Vlorës janë mbledhur sërish këtë të hënë në protestë, pasi pretendojnë se nuk janë lejuar të hyjnë as në ambientet e tregut dhe as në dyqanet e tyre.

Sipas tyre, situata është krijuar pas nisjes së punimeve për rikonstruksionin e tregut të madh të qytetit. Tregtarët shprehen se bllokimi i hyrjes po u shkakton humbje të mëdha ekonomike, pasi mallrat me vlerë miliona lekë rrezikojnë të dëmtohen, ndërsa aktiviteti i bizneseve mbetet i paralizuar.

Ata theksojnë se në vendimin fillestar ishte parashikuar që dyqanet të lejoheshin të hapeshin, pa nxjerrë mallin në rrugë, por sipas tyre edhe kjo nuk është zbatuar gjatë ditës së sotme.

Pas grumbullimit në treg, protestuesit janë zhvendosur drejt Bashkisë së Vlorës, ku kanë kërkuar takim me kryetaren Brunilda Mersini. Në shenjë revolte, disa prej tregtarëve kanë shtyrë portën kryesore të institucionit.

Kryetari i Bashkisë së Kuçovës, Kreshnik Hajdari, sipas Prokurorisë së Përgjithshme rezulton se ka qenë i dënuar në Greqi, e për këtë i ka dërguar shkresë KQZ-së.

Prokuroria e Përgjithshme në shkresë thekson se kryebashkiaku Kreshnik Hajdari është dënuar me vendim të formës së prerë.Kryebashkiaku i Kuçovës, Kreshnik Hajdari, u dënua nga Gjykata e Posaçme për veprën penale “Falsifikimi i vulave, i stampave ose i formularëve”.

Në seancën e 25 janarit 2024, GJKKO zëvendësoi masën arrest me burg për një vit me 150 orë pune. Kështu, Hajdarit do t’i duhet të bëjë më shumë punë publike në shërbim të qytetit.

Në 23 qershor të vitit 1999, ai është dënuar me vendim të formës së prerë nga Gjykata e Shkallës së parë të Janinës për hyrje në territorin grek pa leje. Atëherë, Kreshnik Hajdari ishte 17 vjeç dhe si i mitur iu vendos masa e riedukimit, por këtë dënim nga Gjykata e Janinës, nuk e kishte deklaruar.

SPAK e mori të pandehur Kreshnik Hajdarin, ndërsa ia komunikoi akuzën e falsifikimit të formularëve një ditë pasi KQZ nuk ia ndërpreu mandatin e kryebashkiakut.

DVP Fier

Rreth orës 23:00 të datës 10.05.2026, Salla e Komandimit e Drejtorisë Vendore të Policisë Fier ka marrë njoftim se kanë shkuar për ndihmë mjekësore në spital, shtetasi R. H., 28 vjeç, i dëmtuar në kokë, me sende të forta, dhe shtetasi D. H., 28 vjeç, i dëmtuar me mjet prerës. Nga veprimet e kryera nga grupi hetimor, rezultoi se ngjarja ka ndodhur si pësojë e një konflikti të çastit.

Në vijim specialistët për Hetimin e Krimeve të Komisariatit të Policisë Fier bënë të mundur identifikimin e njërit prej shtetasve që ka goditur këta shtetas, konkretisht S. R., 36 vjeç, banues në fshatin Vadhizë, Fier, shtetas me precedent penal, i cili u shpall në kërkim.

Në bashkëpunim me Prokurorinë, vijon puna për zbardhjen e rrethanave të rastit, si dhe për identifikimin dhe kapjen e shtetasve të tjerë të përfshirë në konflikt.

Në Zharrëz, aty ku prej vitesh mjeku popullor Rexhep Toska ka ngritur klinikën e tij në ndihmë të pacientëve me djegie, është promovuar edhe libri kushtuar jetës dhe veprimtarisë së tij humane.

Libri sjell historinë e Rexhep Toskës, përkushtimin dhe punën e tij në trajtimin e plagëve të djegieve, deri në shërimin e plotë të pacientëve dhe pa lënë shenja. Në ceremoninë e promovimit morën pjesë miq, banorë dhe pacientë nga zona të ndryshme të vendit, të cilët ndanë histori mirënjohjeje për ndihmën dhe kujdesin që kanë marrë ndër vite.

Shumë prej tyre e cilësuan Rexhep Toskën si një njeri me vlera të rralla njerëzore, duke vlerësuar jo vetëm aftësinë e tij në shërimin e djegieve, por edhe humanizmin dhe zemërgjerësinë që e karakterizon.

Për banorët e Zharrëzës dhe për qindra pacientë nga e gjithë Shqipëria, Rexhep Toska mbetet një figurë e njohur për përkushtimin ndaj njerëzve në nevojë dhe për ndihmën e pakursyer që ka dhënë ndër vite.

Një aksident me pasojë vdekjen është regjistruar mëngjesin e sotëm në fshatin Dushk të Lushnjes, ku një 71-vjeçar ka humbur jetën pasi mjeti bujqësor me të cilin udhëtonte është përmbysur.

Viktima është identifikuar si Hekuran Xhelo. Sipas informacioneve paraprake, ai po shkonte drejt tokave të tij bujqësore me zetor, kur në rrethana ende të paqarta mjeti është përmbysur.

Si pasojë e aksidentit, 71-vjeçari dyshohet se ka ndërruar jetë në vendngjarje.

Mësohet se në mjetin bujqësor ndodhej edhe një person tjetër, i cili është transportuar për ndihmë mjekësore në spitalin e Lushnjes. Burime nga spitali bëjnë me dije se ai ndodhet jashtë rrezikut për jetën.

Policia dhe grupi hetimor po punojnë për zbardhjen e plotë të shkaqeve të aksidentit.