Drejtoria Vendore e Policisë Fier

Specialistët e Sektorit të Qarkullimit Rrugor të DVP Fier arrestuan shtetasit K. M., 46 vjeç, dhe B. O., 68 vjeç, të dy banues në Fier, pasi automjeti që drejtonte shtetasi K. M. është përplasur me motomjetin që shtetasi B. O. e drejtonte në gjendje të dehur dhe pa leje drejtimi. Nga aksidenti është dëmtuar shtetasi B. O., i cili po merr mjekim në Spitalin e Traumës. 

Gjithashtu, këta specialistë u referuan materialet në Prokurori ku nisi procedimi penal për shtetasin F. D., 61 vjeç, banues në Berat, pasi automjeti që drejtonte është përplasur me motomjetin me drejtues shtetasin J. M., 63 vjeç. Si pasojë është dëmtuar shtetasi J. M., i cili po merr ndihmë mjekësore në spital dhe është jashtë rrezikut për jetën.    

Specialistët për Hetimin e Krimeve të Komisariatit të Policisë Fier referuan materialet në Prokurori ku nisi procedimi penal për shtetasin E. B., 33 vjeç, banues në Fier, pasi dyshohet se për motive të dobëta, ka goditur me grushte një 21-vjeçar. 

Specialistët për Hetimin e Krimeve të Komisariatit të Policisë Divjakë referuan materialet në Prokurori ku nisi procedimin penal për shtetasin E. R., 46 vjeç, banues në fshatin Çermë Sektor, pasi dyshohet se gjatë një konflikti verbal për motive të dobëta, ka kanosur shtetasin A.B., si dhe ka ushtruar dhunë psikologjike ndaj shtetases S. H. dhe vajzës së saj, shtetases K. H.    

Specialistët për Hetimin e Krimeve të Stacionit të Policisë Roskovec referuan materialet në Prokurori ku nisi procedimi penal për shtetasit G. S., 59 vjeç, G. S., 34 vjeç (djali i 59-vjeçarit) dhe M. D., 47 vjeç, pasi dyshohet se janë konfliktuar me njëri-tjetrin, për motive të dobëta. 

Materialet procedurale iu referuan Prokurorisë së Fierit, për veprime të mëtejshme.

Edhe pse çmimi i karburanteve pësoi rritje gjatë muajit mars 2026, importet në vend kanë vijuar në trend pozitiv, duke reflektuar një kërkesë të qëndrueshme në treg.

Të dhënat e publikuara nga Drejtoria e Përgjithshme e Doganave tregojnë se gjatë marsit janë importuar dhe zhdoganuar 53.577 ton karburante, më shumë se në dy muajt e parë të vitit dhe gjithashtu mbi nivelin e marsit 2025.

Krahasuar me shkurtin, sasia e importuar është rritur me 2.294 ton, ndërsa ndaj janarit shtesa arrin në 2.769 ton. Në raport me të njëjtin muaj të vitit të kaluar, rritja llogaritet në rreth 1.454 ton.

Muaji mars shënoi edhe një rritje të ndjeshme të çmimit të naftës, e cila arriti deri në rreth 224 lekë për litër, por kjo nuk duket të ketë ndikuar në uljen e konsumit.

Sipas analizës së tregut, rritja e importeve mund të lidhet me furnizimin paraprak të kompanive për shkak të pasigurive në tregjet ndërkombëtare, shtimin e aktivitetit ekonomik sezonal dhe ruajtjen e nivelit të konsumit nga qytetarët.

Ndërkohë, për tremujorin e parë të vitit janë importuar gjithsej 155.6 mijë ton karburante, shifër që mbetet më e ulët krahasuar me të njëjtën periudhë të vitit 2025.

Ndryshe paraqitet situata për mallrat e tjera të akcizës. Importet e cigareve, kafes dhe birrës kanë shënuar rënie gjatë marsit në krahasim me një vit më parë.

Një aksident rrugor është regjistruar mëngjesin e sotëm rreth orës 08:30 në rrugën nacionale Fushë Krujë–Durrës, në kilometrin e dytë nga Fushë Kruja, pranë zonës së njohur si “Nord Parku”.

Sipas të dhënave paraprake, dy automjete janë përplasur me njëra-tjetrën dhe më pas kanë dalë nga rruga, duke përfunduar në kanal. Dyshohet se shkak i aksidentit ka qenë tentativa për parakalim nga ana e një drejtueseje femër, e cila nuk ka arritur të përfundojë manovrën.

Si pasojë e përplasjes, kanë mbetur të plagosur drejtuesja e njërit automjet dhe një pasagjer, të cilët janë transportuar në spital për ndihmë mjekësore.

Në vendngjarje kanë mbërritur forcat e policisë dhe grupi hetimor, të cilët po punojnë për zbardhjen e plotë të rrethanave të aksidentit.

Një aksident rrugor është regjistruar pasditen e sotme në hyrje të tunelit të Llogarasë, ku një automjet që udhëtonte në drejtim të Himarës është përplasur me barrierat metalike anësore të rrugës.

Si pasojë e përplasjes së fortë, barrierat kanë depërtuar përmes automjetit, duke shkaktuar dëme të shumta materiale.

Drejtuesi i mjetit ka mbetur i lënduar dhe është transportuar drejt spitalit për të marrë ndihmë mjekësore.

Ndërkohë, policia ka mbërritur në vendngjarje dhe po heton shkaqet e aksidentit.