Kreu i Partisë Demokratike, sali berisha bëri një tjetër thirrje për protestën e opozitës që do të mbahet mbrëmjen e 8 majit para Kuvendit të Shqipërisë.

Në një prononcim për mediat, Berisha shmangu dhënien e detajeve mbi skenarin e protestës, ndërsa akuzoi qeverinë për situatën ekonomike dhe procesin zgjedhor në vend.

“Nëse gjermani punon një orë, ose më pak se një orë për litrin e naftës, shqiptari punon një ditë. Në buxhetin familjar, shqiptarit i kushton nafta 7 herë më shumë se gjermanit”, deklaroi ai.

Berisha u bëri thirrje qytetarëve që të marrin pjesë në protestë, duke e cilësuar atë si një reagim kundër “farsës elektorale”.

“Thirrja ime është, nesër çdo shqiptar të paraqitet në protestë, për t’i dëshmuar çdo shqiptari dhe partnerëve e miqve tanë se farsa elektorale nuk mbyllet kurrë”, u shpreh kreu demokrat.

Ai hodhi akuza të forta edhe ndaj kryeministrit Edi Rama, duke deklaruar se “është i plagosur politikisht për vdekje” dhe se “ka frikë e tmerr nga Parlamenti”.

“Nesër, në orën 19:00, të gjithë në Tiranë. Është kryengritja jonë, është zëri i fuqishëm i shqiptarëve”, tha Berisha, ndërsa paralajmëroi se opozita nuk do të zbulojë paraprakisht organizimin e protestës.

“Do shpaloset kundërshtari. Nuk mund ta mësojë online skenarin tonë”, përfundoi ai.

56 studentë të Akademisë së Policisë janë paraqitur në shërbimin infektiv me simptoma helmimi, pasi dyshohet se kanë konsumuar ushqim të kontaminuar në ambientet e Akademisë.

Autoriteti Kombëtar i Ushqimit ka ushtruar kontrolle të imtësishme në shkollën e Akademisë dhe në ambientet ku përgatitet ushqimi, duke marrë për analiza produktet e konsumit, përfshirë edhe menunë e mëngjesit.

Burime bëjnë me dije se i njëjti subjekt që furnizon Akademinë me shërbim kateringu, furnizon me ushqim edhe spitalin “Shefqet Ndroqi”.

Për analizim laboratorik është dërguar edhe uji, ndërsa dyshimet paraprake janë se helmimi mund të ketë ndodhur gjatë konsumimit të drekës. Mostrat janë dërguar në ISUV dhe priten rezultatet zyrtare që do të përcaktojnë shkakun e incidentit.

Kontrollet nga inspektorët e AKU-së kanë nisur që prej orës 19:30 të mbrëmjes dhe kanë vijuar deri në 05:30 të mëngjesit të së enjtes, si në vendin e prodhimit të ushqimit ashtu edhe në ambientet e Akademisë së Policisë.

Një kamion është përmbysur mëngjesin e sotëm në rrethrrotullimin e Grabianit, duke shkaktuar vetëm dëme materiale.

Fatmirësisht, nga aksidenti nuk raportohet për persona të lënduar.

Sipas drejtuesit të mjetit, ai ka humbur kontrollin në hyrje të rotondos për shkak të lagështirës në rrugë, çka ka bërë që kamioni të rrëshqasë dhe të dalë nga korsia.

Zona e Grabianit njihet për numrin e lartë të aksidenteve rrugore, të shkaktuara nga faktorë të ndryshëm, ku shpeshherë drejtuesit e mjeteve përballen me vështirësi në qarkullim, veçanërisht në kushte të pafavorshme atmosferike.

Njoftimi i plotë:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 196 lekë/litri, ndërsa i shitjes me shumicë jo më shumë se 184 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 180 lekë/litri,ndërsa i shitjes me shumicë jo më shumë se 168 lekë/litër.

Çmimet e caktuara nga Bordi do të hynë në fuqi sot datë 7 ora  12.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Ministria e Ekonomisë dhe Inovacionit sëbashku me Ministrinë e Financave dhe Ministirinë e Infrastrukturës dhe Energjisë  janë angazhuar të mbrojnë interesat e konsumatorëve shqiptarë dhe ruajtjes së parimeve të konkurencës së ndershme në treg.

SQARIM: Referuar Aktit Normativ nr. 1, Datë 3.4.2026 “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar, ku është parashikuar, se në rast se çmimi i shitjes me pakicë, për gazoili është më i lartë se 220 lek/litri, apo për benzinën është më i lartë se 200 lek/litri, zbatohet niveli 80% i akcizës. Bazuar në zbatimin e metodologjisë per llogaritjen e cmimeve tavan te shitjes me pakice, çmimet janë nën kufirin e Aktit Normativ nr. 1, datë 3.4.2026, dhe për rrjedhojë niveli i akcizës do të zbatohet i plotë, 100%.

Afrim Tafa është shkarkuar nga detyra si drejtor i Policisë së Durrës dhe është emëruar si shef sektori pranë Interpol, një funksion që e ka mbajtur edhe më herët.

Ky vendim vjen menjëherë pas aksidentit tragjik në Durrës, ku dy të mitur humbën jetën pasi u përplasën nga një automjet teksa luanin në trotuar, në zonën e ish-Kënetës.

Pas ngjarjes së rëndë, Tafa u pezullua fillimisht nga detyra së bashku me dy zyrtarë të tjerë të Policisë së Durrësit, ndërsa më pas është marrë vendimi për shkarkimin e tij, për shkak të sensibilitetit të lartë të rastit.

Ngjarja ka shkaktuar reagime të forta në opinionin publik, ndërsa autoritetet vijojnë hetimet për zbardhjen e plotë të rrethanave dhe përgjegjësive.

Pas ngjarjes tragjike ku dy të mitur humbën jetën teksa luanin përpara banesës, banorët e Durrës kanë dalë në protestë, duke kërkuar drejtësi dhe masa konkrete për rritjen e sigurisë.

Me pankarta në duar dhe thirrje “Duam drejtësi”, qytetarët marshuan në rrugët e zonës ku ndodhi aksidenti fatal, duke shprehur revoltën dhe dhimbjen për humbjen e jetëve të pafajshme.

Protestuesit kërkojnë përgjegjësi nga institucionet dhe masa më të forta për parandalimin e ngjarjeve të tilla, sidomos në zonat e banuara ku fëmijët janë më të ekspozuar ndaj rrezikut.

Ngjarja e rëndë ka tronditur komunitetin lokal dhe më gjerë, ndërsa autoritetet vijojnë hetimet për zbardhjen e plotë të rrethanave.

Një rast shantazhi me materiale intime është goditur nga policia, pas kallëzimit të një 38-vjeçareje.

Sipas njoftimit, dy shtetas e kishin kanosur atë për t’u dhënë shumën prej 500 eurosh, në mënyrë që të mos publikonin në rrjete sociale foto dhe video intime të saj.

Menjëherë pas denoncimit, specialistët e Seksionit për Hetimin e Krimeve ndaj Pronës organizuan dhe finalizuan operacionin e koduar “Privacy”, në kuadër të të cilit u arrestua në flagrancë një 17-vjeçar, ndërsa u shpall në kërkim bashkëpunëtori i tij, shtetasi E. D., 21 vjeç.

Gjatë operacionit u sekuestruan 500 euro, si dhe dy telefona celularë që dyshohet se janë përdorur për kryerjen e veprës penale.

Policia vijon punën për kapjen e bashkëpunëtorit dhe dokumentimin e plotë të rastit.