Kryeministri Edi Rama ka përcjellë një mesazh me rastin e 9 Majit, Ditës së Europës, duke theksuar se Shqipëria ndodhet më afër se kurrë integrimit në Bashkimin Europian.
Përmes një postimi në rrjetet sociale, Rama u shpreh se rruga europiane e vendit mbetet prioritet kombëtar, ndërsa nënvizoi progresin e bërë në procesin e negociatave dhe reformat e ndërmarra.
“Shqipëria është më afër se kurrë familjes europiane”, shkruan kreu i qeverisë në mesazhin e tij, duke e cilësuar 9 Majin si një ditë reflektimi për paqen, bashkëpunimin dhe të ardhmen europiane të vendit.
