Pakënaqësi në ushtrinë amerikane, ushtarakë kundër konfliktit me Iranin

Disa pjesëtarë të ushtrisë amerikane kanë shprehur zhgënjim të thellë ndaj operacioneve ushtarake kundër Iranit, duke deklaruar se nuk duan të jenë pjesë e një konflikti që e konsiderojnë politik. Sipas raportimit të Huffington Post, disa ushtarakë, që kanë folur në kushte anonimiteti, po marrin në konsideratë edhe largimin nga ushtria për shkak të zhvillimeve të fundit.

Një zyrtar ushtarak, i cili trajton ushtarët e evakuuar në një qendër mjekësore në Gjermani, ka theksuar se trupat po përballen me mungesë mbrojtjeje dhe planifikimi të pamjaftueshëm. Sipas tij, janë raportuar edhe humbje të konsiderueshme nga sulmet iraniane me raketa dhe dronë.

Ai ka paralajmëruar se një operacion tokësor në Iran do të ishte “një katastrofë absolute”, duke shtuar se nuk ekziston një plan i qartë për një ndërhyrje të tillë dhe se forcat amerikane nuk janë në gjendje të mbrojnë plotësisht as bazat e tyre në rajon.

Ndërkohë, një rezerviste që këshillon oficerë të rinj ka deklaruar se shumë ushtarakë po shprehin hapur kundërshtimin e tyre, duke theksuar se nuk duan të përdoren si “vegla politike” apo të përfshihen në konflikte që nuk i mbështesin.

Sipas raportimeve, një pikë kthese për këtë pakënaqësi ka qenë një sulm ajror i 28 shkurtit në qytetin iranian Minab, ku u vranë të paktën 175 persona, përfshirë dhjetëra nxënëse.

Ndërkohë, presidenti amerikan Donald Trump ka paralajmëruar mundësinë e një operacioni tokësor në Iran. Në të njëjtën kohë, aleatët e NATO-s kanë refuzuar të mbështesin përpjekjet për të zhbllokuar Ngushticën e Hormuzit, duke shtuar tensionet brenda aleancës.

Shoqëria civile protestë sot para Kryeministrisë per rritjen e cmimit te karburanteve

Një thirrje për protestë është bërë nga përfaqësues të shoqërisë civile, ndërsa në rrjetet sociale është shpërndarë njoftimi për një tubim ditën e sotme, më 23 mars, para Kryeministrisë, në orën 17:00.

Kjo protestë vjen si reagim ndaj rritjes së çmimeve të karburanteve në vend. Organizatorët kanë theksuar se qëllimi kryesor i tubimit është ulja e këtyre çmimeve, duke e konsideruar situatën aktuale të papërballueshme për qytetarët.

Në thirrjen publike u bëhet apel qytetarëve që të bashkohen masivisht në këtë protestë, si një formë reagimi ndaj kostove në rritje të jetesës.

Shpallet situata e veçantë në tregun e hidrokarbureve –

Qeveria shqiptare ka shpallur situatën e veçantë në tregun e hidrokarbureve, pas përshkallëzimit të krizës në Lindjen e Mesme dhe ndikimit të saj në çmimet e karburanteve edhe në vendin tonë.

Vendimi është miratuar nga Këshilli i Ministrave më 19 mars 2026 dhe është publikuar në Fletoren Zyrtare, ndërsa parashikon se gjatë periudhës së situatës së veçantë do të aktivizohet Bordi i Transparencës dhe Kufizimit të Përkohshëm të Çmimeve për tregtimin me shumicë dhe pakicë të nënprodukteve të naftës dhe gazit.

Sikurse edhe në rastin e krizës së shkaktuar nga lufta në Ukrainë, ky mekanizëm do të ketë kompetencën për të përcaktuar çmimet për operatorët në treg, me qëllim mbrojtjen e konsumatorëve dhe stabilizimin e tregut.

“Çmimet, që përcaktohen nga Bordi gjatë situatës së veçantë, janë të detyrueshme për të gjitha subjektet që ushtrojnë veprimtari në fushën e tregtimit të nënprodukteve të naftës dhe të gazit në vend”, – thuhet në vendim.

Po ashtu, subjektet që ushtrojnë aktivitet në këtë sektor detyrohen të njoftojnë pranë ministrisë përgjegjëse për ekonominë përfaqësuesit e tyre në bord brenda datës 24 mars, çka sugjeron se Bordi do të jetë efektiv pas kësaj date.  

Në ditët e fundit nafta në vendin tonë është tregtuar me rreth 214 lekë/ litër, nga 175 lekë/litër që ishte përpara nisjes së krizës. Ndërkaq, përveç Bordit të Transparencës, që më së shumti mban nën kontroll fitimet e kompanive të tregtimit me shumicë dhe pakicë të karburanteve, qeveria ka deklaruar se do të ulë me 20% nivelin e akcizës, që ndikon në uljen me 8 lekë/litër të çmimit. Megjithatë, ky vendim nuk është miratuar ende. 

Reuters: Çmimi naftës rritet ndjeshëm, goditen fort tregjet globale të aksioneve

Tregjet globale të aksioneve kanë pësuar rënie të forta gjatë ditës së hënë, ndërsa çmimet e naftës janë rritur ndjeshëm, në sfondin e përshkallëzimit të retorikës dhe kërcënimeve mes presidentit amerikan Donald Trump dhe Iranit, sipas raportimeve të Reuters.

Indekset kryesore botërore kanë zbritur në nivelet më të ulëta të katër muajve, pasi investitorët janë tërhequr nga asetet me rrezik të lartë për shkak të pasigurisë gjeopolitike dhe frikës për një krizë të zgjatur energjetike.

Në të njëjtën kohë, çmimet e naftës kanë shënuar rritje të fortë. Nafta Brent ka arritur në rreth 112–113 dollarë për fuçi, ndërsa WTI është ngjitur pranë 98–99 dollarë për fuçi, duke reflektuar shqetësimet për furnizimin global.

Përshkallëzimi i tensioneve vjen pasi Donald Trump ka kërcënuar të godasë infrastrukturën energjetike të Iranit nëse nuk rihapet Ngushtica e Hormuzit, një korridor kyç për tregtinë globale të naftës. Nga ana tjetër, Irani ka paralajmëruar kundërpërgjigje ndaj objektivave energjetike dhe infrastrukturës në rajonin e Gjirit.

Kjo situatë ka rritur ndjeshëm pasigurinë në tregje, ndërsa analistët paralajmërojnë për rrezikun e një skenari stagflacioni, ku rritja ekonomike ngadalësohet ndërkohë që inflacioni rritet për shkak të çmimeve të larta të energjisë.

Ekspertët theksojnë se, nëse tensionet vijojnë dhe furnizimet nga Lindja e Mesme mbeten të kufizuara, çmimet e naftës mund të rriten më tej mbi 110 dollarë për fuçi, duke ushtruar presion shtesë mbi ekonominë globale dhe tregjet financiare.

3 ngjarje në Fier: Procedim për drejtim pa leje, një i d*mtuar me moto-sharrë dhe makinë në fl*kë

Drejtoria Vendore e Policisë Fier njofton për tre raste të regjistruara gjatë 24 orëve të fundit.

Specialistët e Qarkullimit Rrugor referuan materialet në Prokurori, duke nisur procedimin penal ndaj shtetasit J. M., 44 vjeç, banues në Fier, i cili u konstatua duke drejtuar një motomjet pa leje drejtimi dhe pa targa. Gjatë lëvizjes ai ka humbur kontrollin dhe ka dalë nga rruga, duke pësuar dëmtime të lehta.

Ndërkohë, në Spitalin Rajonal të Fierit është paraqitur për ndihmë mjekësore shtetasi B. H., 62 vjeç, i cili gjatë prerjes së druve me motorrsharrë në banesën e tij ka dëmtuar aksidentalisht dorën. Ai ndodhet jashtë rrezikut për jetën.

Gjithashtu, në aksin rrugor “Fier–Levan”, dyshohet se si pasojë e një shkëndije elektrike ka marrë flakë gjatë lëvizjes një automjet me drejtues shtetasin P. B., banues në fshatin Kreshpan. Nga ngjarja janë shkaktuar vetëm dëme materiale.

Materialet procedurale i janë referuar Prokurorisë së Fierit për veprime të mëtejshme.

Aksident f*tal në Divjakë–Lushnjë, h*mb jetën drejtuesi i motomjetit

Divjakë / Informacion paraprak

Rreth orës 08:50, në aksin rrugor “Divjakë–Lushnjë”, janë përfshirë në një aksident një mjet bujqësor pa targa, me drejtues shtetasin M. M., 67 vjeç, dhe një motomjet me drejtues shtetasin I. D., rreth 70 vjeç.

Si pasojë e përplasjes, drejtuesi i motomjetit, shtetasi I. D., ka ndërruar jetë në vendngjarje.

Shërbimet e Policisë kanë shoqëruar drejtuesin e mjetit bujqësor, shtetasin M. M., në Komisariat, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Drejtonte motomjet pa leje dhe pa targa, aksidentohet në Fier

Drejtoria Vendore e Policisë Fier bën me dije se specialistët e Qarkullimit Rrugor kanë referuar materialet në Prokurori, ku ka nisur procedimi penal ndaj shtetasit J. M., 44 vjeç, banues në Fier.

Sipas policisë, ky shtetas është konstatuar duke drejtuar një motomjet pa leje drejtimi dhe pa targa, ndërsa gjatë lëvizjes ka humbur kontrollin dhe ka dalë nga rruga. Si pasojë e aksidentit, ai ka pësuar dëmtime të lehta.

Autoritetet vijojnë hetimet për zbardhjen e plotë të rrethanave të ngjarjes.

Makina p*rplas të moshuarin me biçikletë në vijat e bardha

Një aksident rrugor është regjistruar në zonën e Skelës paraditen e kësaj të hëne, 23 mars, kur një automjet ka përplasur një të moshuar që po kalonte me biçikletë te vijat e bardha.

Si pasojë e përplasjes, i moshuari ka marrë lëndime të lehta.

Menjëherë në vendngjarje ka mbërritur shërbimi i emergjencës, i cili i kanë dhënë ndihmën e parë dhe më pas e kanë transportuar drejt spitalit për trajtim të mëtejshëm.

1...666768...375Faqja 67 nga 375