DVP Fier/Vihen në pranga 2 shtetas dhe procedohen në gjendje të lirë 6 të tjerë, për vepra të ndryshme penale.

Specialistët e Sektorit të Qarkullimit Rrugor të DVP Fier arrestuan në flagrancë shtetasit S. G., 23 vjeç, banues në fshatin Havaleas dhe B. G., 44 vjeç, banues në Fier, pasi u kapën duke drejtuar automjete, në gjendje të dehur.

Po këta specialistë referuan materialet në Prokurori ku nisi procedimi në gjendje të lirë për dy shtetas 17 vjeç dhe 15 vjeç, pasi u kapën duke drejtuar automjete, të papajisur me leje drejtimi.

Specialistët për Hetimin e Narkotikëve të DVP Fier referuan materialet në Prokurori ku nisi procedimi në gjendje të lirë për shtetasit Q. I., 28 vjeç, banues në fshatin Zhamë dhe A. K., 23 vjeç, banues në Lushnjë, pasi gjatë kontrolleve fizike, iu gjetën sasi të vogla të lëndëve të dyshuara narkotike, përkatësisht kokainë dhe cannabis sativa.

Specialistët për Hetimin e Krimeve të Komisariatit të Policisë Fier referuan materialet në Prokurori ku nisi procedimi në gjendje të lirë për shtetasin A. B., 60 vjeç, banues në Tiranë, pasi ka bërë kallëzim shtetasi H. M., 63 vjeç, se 60-vjeçari e ka penguar të zhvillojë aktivitetin e tij ekonomik, për marrjen e materialeve të ndërtimit, në fshatin Kasnicë, me pretendimin se zona rërëmbajtëse është pronë e tij. Gjithashtu, ky shtetas ka kundërshtuar punonjësit e Policisë, gjatë kryerjes së veprimeve procedurale për këtë rast.

Specialistët për Hetimin e Krimeve të Komisariatit të Policisë Lushnjë referuan materialet në Prokurori ku nisi procedimi në gjendje të lirë për shtetasin F. S., 20 vjeç, banues në Lushnjë, pasi dyshohet se për motive të dobëta, ka goditur me sende të forta, një shtetas tjetër.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Saimir Korreshi nuk erdhi “duarbosh” as këtë herë në seancë plenare në Kuvend.

Deputeti i Partisë Demokratike kishte sjellë bukë mistri dhe kos me vete, duke treguar sipas tij të vetmet ushqime që mund të përballojnë pensionistët me koston e lartë të jetesës dhe pensionin e ulët.

“Kam sjellë bukë mistri dhe kos. Bëjnë 1 mijë e 200 lek, janë 63 mijë lekë në muaj. 110 mijë lek merr mamaja ime, mund të hajë bukë mistri dhe kos për një muaj, 100 mijë lek ilaçe ca i ngelen. I ngelen lekë vetëm për letrën higjienike”-tha Korreshi para gazetarëve.

Deputeti njihet për “revolta” të tilla në kuvend duke sjellë me vete shalqi me kastravec, produktet e shportës apo grurë. Herën e fundit, Korreshi kishte sjellë me vete brisqe, pasi sipas tij qeveria nuk e rr*an për qytetarët.

Kati i dhjetë i një pallati në qytetin e Durrësit është përfshirë nga flakët mbrëmjen e kaluar. Autoritetet reaguan në kohë duke bërë të mundur menjëherë evakuimin e banorëve, të cilët fatmirësisht nuk pësuan lëndime nga zjarri.

Ngjarja ndodhi në lagjen nr.4, pranë stacionit të trenit. Zjarrfikësit bënë të mundur fikjen e zjarrit në kohë duke izoluar përhapjen e flakëve

Sakaq, rupi hetimor ka nisur punën për sqarimin e rrethanave dhe shkakun e rënies së zjarrit.

Janë publikuar fotot e efektivit të policës, Edlir Alleshi i cili mbeti i plagosur në Tiranë dhe autorit Klered Bozhani.

Kujtojmë se një patrullë e forcave “Shqiponja” në Tiranë është sulmuar me armë zjarri. Mësohet se efektivët kanë qenë në ndjekje të Klered Bozhani, por janë përballur me reagim nga ana e tij. Ai ka hapur zjarr ndaj policëve duke plagosur efektvin Edlir Alleshi. 

Ngjarja ka ndodhur te spitali i Pediatrisë. Policisë është dërguar me urgjencë te Trauma dhe ndodhet jashtë rrezikut për jetën. Ai ka marrë dy plumba në bark dhe po i nënshtrohet një operacioni. 

Autori ka arritur të largohet, ndërsa në ndjekje të tij janë vënë një numër i madh forcash të policisë së kryeqytetit.

Personi i dyshuar për plagosjen ndaj efektivit të Shqiponjave është Klered Bozhani, 42 vjeç.

Edlir Alleshi është efektivi i repartit “Shqiponja”, i cili u plagos me armë zjarri pasditen e sotme teksa ndiqte një të dyshuar për armëmbajtje.

Alleshi u plagos me një plumb në bark nga autori pranë zonës së Kinostudios në kryeqytet.

Sakaq, në ndjekje të personit të armatosur janë venë shërbimet e tjera të Forcave “Shqiponja”, Patrullat e Përgjithshme, dhe Njësitë Speciale Operacionale, janë bllokuar hyrje-daljet e të gjitha rrugëve, dhe vijon kontrolli për kapjen e personit të armatosur.