Familja Rrapaj në fshatin Kuman të Roskovecit ka hapur dyert e mortit pas ngjarjes së rëndë të ndodhur një ditë më parë, ku humbën jetën dy bashkëshortët e moshuar.

Sipas të dhënave, 80-vjeçari Shefit Rrapaj qëlloi me armë zjarri bashkëshorten e tij, Dashuri Rrapaj, 75 vjeçe, dhe më pas i dha fund jetës.

Burime bëjnë me dije se ceremonia mortore për dy bashkëshortët do të zhvillohet e ndarë. Dashuri Rrapaj do të përcillet për në banesën e fundit në Allambreas të Beratit, vendlindja e saj, në orën 13:00.

Ndërkohë, trupi i Shefit Rrapaj ndodhet ende në morgun e Fierit dhe, sipas burimeve, nuk është tërhequr ende nga familjarët.

Në banesën ku ndodhi ngjarja ndodhen fëmijët e çiftit, të cilët po përballen me një situatë të rënduar emocionale, teksa përgatiten t’u japin lamtumirën prindërve të tyre.

Teksa çmimet e karburanteve vijojnë të rriten, gjithnjë e më shumë qytetarë në Fier po orientohen drejt përdorimit të automjeteve elektrike si një alternativë më ekonomike.

Sipas të dhënave nga Drejtoria e Shërbimeve të Transportit Rrugor, çdo ditë në Fier regjistrohen mesatarisht 5-6 automjete të reja elektrike, të importuara kryesisht nga Koreja e Jugut, Kina, por edhe nga vende europiane si Gjermania.

Aktualisht, në qarkun Fier janë në përdorim mbi 1,000 automjete elektrike, një shifër që tregon trendin ne rritje te maminave elektrike ne 5 vitet e fundit.

Përdoruesit kryesorë mbeten shoqëritë e transportit taksi, të cilat po i drejtohen makinave elektrike për shkak të kostove më të ulëta të operimit. Megjithatë, vihet re një rritje edhe e interesit nga bizneset dhe individët, të cilët po i shohin këto mjete si një investim afatgjatë dhe më miqësor me mjedisin.

Ekspertët vlerësojnë se kjo tendencë pritet të vijojë, veçanërisht nëse çmimet e karburanteve mbeten të larta në treg.

Një pjesë e konsiderueshme e kryebashkiakëve në Shqipëri kanë pasur përballje me drejtësinë e posaçme, duke e kthyer drejtimin e bashkive në një ndër pozicionet më të ekspozuara ndaj hetimeve penale.

Nga 61 kryebashkiakë në total, rreth një e katërta e tyre rezultojnë të kenë pasur “kontakt” me SPAK-un ose Gjykatën e Posaçme, në forma të ndryshme: nga thirrje për sqarime, deri te hetime, marrje si të pandehur, gjykime apo edhe dënime.

Mes emrave që janë përfshirë në procese të tilla janë figura të njohura si Erion Veliaj, Vangjush Dako, Lefter Alla, Fatos Tushe, Safet Gjici, Jorgo Goro, Dhionisios Beleri, Armando Subashi, Pjerin Ndreu, , Benet Beci, Bardh Spahia, Qerim Ismailaj, mes të tjerëve. Statusi i tyre ligjor ndryshon nga rasti në rast.

Sipas një analize të çështjeve të bëra publike, dosjet ndaj kryebashkiakëve ndahen kryesisht në katër kategori:

1. Paraja dhe tenderat

Pjesa më e madhe e hetimeve lidhen me shpërdorim detyre, shkelje në tendera, korrupsion dhe fshehje pasurie. Raste si ato të Lefter Allës, Eduard Duros apo Rajmonda Balilajt ilustrojnë qartë se procedurat e prokurimit publik janë ndër burimet kryesore të përplasjes me ligjin.

2. Vota dhe ndikimi elektoral

Një tjetër kategori përfshin hetime për përdorim të funksionit publik në favor të zgjedhjeve. Raste si Majlinda Bufi, Edison Memolla apo Dhionisios Beleri lidhen me dyshime për blerje vote apo presion elektoral.

3. Toka dhe pronat

Çështjet e pronësisë mbeten ndër më të ndjeshmet, sidomos në zonat bregdetare. Dosje si ajo e Jorgo Goros apo hetimet për Dritan Lelin lidhen me vendimmarrje mbi toka dhe prona, shpesh me pasoja penale.

4. Raste të veçanta

Ka edhe raste që nuk futen në kategoritë klasike, si ai i Safet Gjicit, apo çështje që lidhen me deklarime në formularë dhe përplasje me vendime gjyqësore, si në rastet e Qerim Ismailajt apo Bardh Spahisë.

Ndërkohë, disa drejtues vendorë janë thirrur dhe hetuar, por pa u marrë si të pandehur, si në rastin e Pjerin Ndreut apo Armando Subashit, duke treguar se jo çdo përballje me SPAK-un përfundon në gjykim.

Ekspertët theksojnë se roli i kryebashkiakut në Shqipëri është bërë gjithnjë e më i ndjeshëm, për shkak të ndërthurjes së vendimmarrjes publike me interesa ekonomike, prona dhe procese zgjedhore.

Bashkia mbetet institucioni më i afërt me qytetarin, por njëkohësisht edhe një nga më të ekspozuarit ndaj rrezikut penal, ku një firmë apo një vendim administrativ mund të kthehet në objekt hetimi.

Në këtë kontekst, drejtimi i pushtetit vendor shihet gjithnjë e më shumë si një detyrë me përgjegjësi të lartë – dhe me risk të shtuar për përballje me drejtësinë.

Nga Adriatik GOLEMI

Një ngjarje e rëndë është regjistruar sot në në fshatin Kuman të Roskovecit, ku një burrë i moshuar ka vrau bashkëshorten dhe më pas i dha fund jetës.

Shefit Rrapaj, rreth 80 vjeç, qëlloi me armë zjarri gruan e tij, Dashuri Rrapaj, rreth 75 vjeçe, brenda banesës. Pas këtij veprimi, ai qëlloi edhe veten.

Çifti jetonte prej rreth dy dekadash në këtë fshat, pasi ishte zhvendosur nga Levani i Beratit. Ata kishin shtatë fëmijë, tre vajza dhe katër djem. Pjesa më e madhe e tyre jeton jashtë vendit, ndërsa njëri nga djemtë banonte me prindërit.

Pas ngjarjes, policia shoqëroi në komisariat djalin që jetonte në banesë për të dhënë sqarime mbi rrethanat.

Të dhënat tregojnë se në familje kishte pasur konflikte të vazhdueshme. Katër ditë para ngjarjes, policia kishte shkuar në banesë për të ndërhyrë dhe për të qetësuar situatën mes bashkëshortëve.

Rreth dhjetë vite më parë, i moshuari kishte tentuar t’i jepte fund jetës me armë zjarri.

Autoritetet po vijojnë veprimet për të sqaruar plotësisht rrethanat e ngjarjes.