Një aksident i rëndë rrugor ka ndodhur pak momente më parë në Rrugën e Kombit, në segmentin Milot–Rrëshen, pranë Urës së Zogut.

Sipas informacioneve paraprake, në aksident janë përfshirë një automjet tip “Mini Cooper” dhe një mjet tip “Volkswagen”, të cilat janë përplasur me njëra-tjetrën.

Si pasojë e përplasjes, katër persona kanë mbetur të lënduar. Të plagosurit janë transportuar me urgjencë drejt spitalit të Rrëshenit, ku po marrin ndihmë mjekësore.

Në vendngjarje ndodhen forcat e policisë, të cilat po punojnë për zbardhjen e rrethanave dhe shkaqeve të aksidentit, që deri më tani mbeten të paqarta.

Gjykata Kushtetuese ka marrë vendimin lidhur me kërkesën e Evis Berberit, ish-drejtues i Autoriteti Rrugor Shqiptar, duke rrëzuar pretendimin e tij.

Vendimi i Gjykatës lidhej vetëm me masën e sigurisë, ndërsa trupa gjykuese ka vendosur që ajo të mbetet në fuqi.

Si pasojë, Evis Berberi do të vijojë të qëndrojë në burg.

Sakaq, pretendimet e tjera të Berberit nuk janë marrë në konsideratë nga Gjykata Kushtetuese, ndërsa në lidhje me papërdoshmërinë të dhënave, ai duhet të bëjë kërkesë në Gjykatën e Shkallës së Parë.

Të dielën ndryshon ora: Akrepat shkojnë 60 minuta përpara

Ndryshimi i orës për kalimin në orën verore po afron. Këtë të diel, më 29 mars, në orën 03:00, akrepat do të lëvizin një orë përpara, duke shënuar 04:00. Kjo do të thotë një orë më pak gjumë, por më shumë dritë natyrale gjatë ditës.

Kjo praktikë zbatohet në të gjitha vendet e Bashkimit Europian, në bazë të rregullave të përbashkëta për ndërrimin mes orës dimërore dhe asaj verore. Ora verore do të qëndrojë në fuqi deri të dielën e fundit të tetorit, më 25 tetor 2026, kur akrepat do të kthehen sërish pas.

Qëllimi i këtij ndryshimi është kursimi i energjisë dhe shfrytëzimi maksimal i dritës natyrale gjatë muajve më të ngrohtë. Megjithatë, vitet e fundit ka pasur diskutime në nivel europian për mundësinë e heqjes së këtij sistemi.

Për shumicën e qytetarëve, ndryshimi i orës do të kryhet automatikisht në pajisjet elektronike si telefonat inteligjentë, kompjuterët dhe orët smart. Ndërsa orët analoge apo pajisjet më të vjetra do të kërkojnë rregullim manual.

Ekspertët këshillojnë që gjatë ditëve të para pas ndërrimit të orës, qytetarët të tregojnë kujdes me rutinën e gjumit dhe nivelin e energjisë gjatë ditës, pasi organizmi ka nevojë për kohë për t’u përshtatur.

Berisha u shpreh sot nuk ka nevojë që qeveria të ngrejë Bordin e Transparencës për monitorimin e çmimit të karburanteve.Sipas tij ajo që duhet bërë është përgjysmimi i taksave dhe vendosja në nivelin që ka Kosova dhe Maqedonia e Veriut.

“Në shkëmbim flagrant të interesave të qytetarëve dhe në mbrojtje të oligarkëve, nuk ka nevojë për bord për përgjysmo taksat vendos nivelin që ka Kosova dhe Maqedonia, pastaj le të guxojë kush të shesë një qindarkë më shumë, dhe të marrë atë që meriton”, tha Berisha.

Deputetja e Partisë Demokratike, Jorida Tabaku, deklaroi nga Shkodra se forca politike ku ajo bën pjesë nuk ka luksin të humbasë asnjë nga figurat e saj, në një moment të rëndësishëm për organizimin e brendshëm.

Gjatë një bashkëbisedimi me të rinjtë, Tabaku iu përgjigj interesit për mundësinë që Ervin Salianji të kandidojë përballë kreut aktual, Sali Berisha, në zgjedhjet e brendshme të partisë. Ajo theksoi se pjesëmarrja dhe kontributi i çdo figure është i domosdoshëm, duke e ftuar Salianjin të bëhet pjesë e diskutimeve brenda Partisë Demokratike.

Sipas saj, partitë politike nuk duhet të funksionojnë si monopol, por duhet të udhëhiqen nga vullneti i anëtarësisë dhe vota e lirë, si elementi kryesor që përcakton drejtimin dhe të ardhmen e tyre.