Digjet nje kamioncine ne Fier-Lushnje

Fier/ Informacion paraprak

Rreth orës 16:30, në aksin rrugor “Fier-Lushnjë”, dyshohet se për shkak të një shkëndije elektrike, ka marë flakë në ecje automjeti tip kamioncinë, me drejtues shtetasin A. N., 23 vjeç, banues në Tiranë. Si pasojë e flakëve janë shkaktuar vetëm dëme materiale.

Grupi hetimor vijon punën për sqarimin e rrethanave të rastit.

Ekstradohet nga greqia në Shqipëri 26-vjeçari nga Berati

Njoftimi:

Policia e Shtetit/Vijon operacioni policor ndërkombëtar, i koduar “The Wanted”.

Plagosi rëndë, me mjet prerës, një shtetas, gjatë një konflikti të çastit me të, në Kuçovë, kapet në Greqi dhe ekstradohet në Shqipëri, 26-vjeçari.

Si rezultat i koordinimit të informacionit dhe veprimeve operacionale me homologët grekë, nëpërmjet Interpol Tiranës, gjatë kësaj faze të operacionit “The Wanted”, u lokalizua dhe u kap nga Policia greke, si dhe u ekstradua në Shqipëri, shtetasi shqiptar, i shpallur në kërkim ndërkombëtar, B. A., 26 vjeç, i lindur në Kuçovë.

Në vitin 2023, Gjykata e Rrethit Gjyqësor Berat i ka caktuar masën e sigurisë “Arrest në burg”, për veprën penale “Plagosja e rëndë me dashje”.

Ai akuzohet se në vitin 2023, në lagjen “Llukan Prifti”, Kuçovë, ka plagosur rëndë, disa herë, me mjet prerës (thikë), shtetasin E. B., gjatë një konflikti të çastit me të.

Ndërron jetë turisti i huaj teksa vizitonte Butrintin me një grup turistesh

 Një turist i huaj i ndodhur me një grup vizitorësh në Butrint, nuk është ndjerë mirë ditën e sotme.

Mësohet se pas kësaj menjëherë është njoftuar ambulanca e Sarandës teksa gjatë rrugës për në spital,turisti është përkeqësuar më tepër dhe ka humbur jetën.




Paraprakisht dyshohet se shkak të jetë bërë një atak kardiak që ndoshta mund të ketë ardhur nga temperatura e lartë.

Gjithashtu mësohet se trupi i të ndjerit ndodhet në morgun e spitalit dhe do të dërgohet për në institutin e mjekësisë ligjore në Tiranë për ekspertizë.

Policia FIER Njoftim -Disa te arrestuar per vepra te ndryshme penale

-Z. B., 68 vjeç, banues në Portëz, pasi dyshohet se ka ushtruar dhunë ndaj ish-bashkëshortes së tij.  

•Specialistët e Sektorit të Qarkullimit Rrugor arrestuan në flagrancë shtetasit:  

-G. E., 43 vjeç, banues në Berat dhe R. N., 45 vjeç, pasi në fshatin Ferras, automjeti që drejtonte shtetasi G. E., në gjendje të dehur, është përplasur me mjetin bujqësor që e drejtonte shtetasi R. N., 45 vjeç, pa leje drejtimi. Si pasojë e përplasjes është dëmtuar shtetasi F. V., 65 vjeç, pasagjer në mjetin bujqësor, i cili ndodhet në spital, në kujdesin e mjekëve;   

-R. D., 26 vjeç, banues në Durrës, pasi u kap duke drejtuar automjetin, në gjendje të dehur;  

-N. G., 38 vjeç, banues në Lushnjë, pasi u kap duke drejtuar automjetin, në gjendje të dehur;  

-P. H., 46 vjeç, banues në Mallakastër, pasi u kap duke drejtuar motomjetin, në gjendje të dehur;  

-K. M., 42 vjeç, banues në Levan, pasi u kap duke drejtuar automjetin, pa leje drejtimi; 

-F. S., 47 vjeç, banues në Lushnjë, pasi u kap duke drejtuar motomjetin, pa leje drejtimi. 

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Kerc*noi me pis*olet sportive 25 vjecarin ne FIER, arrestohet 48 vjecari

SDrejtoria Vendore e Policisë Fier 

•Specialistët për Hetimin e Krimeve të Komisariatit të Policisë Fier arrestuan në flagrancë shtetasit:     

-A. M., 48 vjeç, banues në Fier, pasi dyshohet se për motive të dobëta, është konfliktuar me shtetasin K. K., 25 vjeç, e ka goditur atë me send të fortë (levë) dhe e ka kanosur me pistoletë sportive. U sekuestruan në cilësinë e provës materiale leva dhe pistoleta sportive;    

Mb*tet në lumin Shkumbin një 6-vjeçar

Njoftimi i policisë: 

Rreth orës 19:50 të datës 10.06.2025, ka njoftuar shtetasja D. A. se prej 3 orësh, kishte humbur nipi i saj 6-vjeçar. Menjëherë, shërbimet e Policisë kanë nisur kërkimet për gjetjen e të miturit dhe rreth orës 21:30, kanë gjetur trupin e pajetë të tij, buzë lumit Shkumbin, konkretisht në lagjen “Çezme”. Gjatë këqyrjes paraprake të trupit të të miturit, nuk janë konstatuar shenja dhune dhe nga hetimet e deritanishme, dyshohet se ai është mbytur në lumë. Materialet procedurale iu referuan Prokurorisë së Elbasanit, me qëllim vlerësimin juridik të rastit.

Pesojne rritje,dërgesat monetare te emigrantëve ne Shqiperi

Remitancat nga emigrantët shqiptarë kanë shënuar një tjetër rekord historik në tremujorin e parë të vitit 2025, duke arritur në 250.68 milionë euro, sipas të dhënave nga Banka e Shqipërisë. Kjo është shifra më e lartë ndonjëherë për një tremujor të parë që prej vitit 2008, duke tejkaluar edhe nivelin rekord të një viti më parë.

Në një vështrim krahasues, tremujori i parë i vitit 2025 ka shënuar një rritje me 3.6%, kahasuar me të njetën periudhë të një viti më parë. Por, ajo që vihet re nga të dhënat është fakti se rritja është ngadalësuar, nga 13.2% që rriteshin në tremujorin e parë të vitit 2024 dhe 16% në vitin 2023

Viti 2024 ishte gjithashtu i jashtëzakonshëm në këtë drejtim, ku dërgesat totale të emigrantëve arritën afro 1 miliard euro, niveli më i lartë që nga nisja e matjeve moderne, dhe më shumë se çdo vit tjetër, përfshirë edhe 2008-ën, vitin që deri vonë mbahej si referencë e flukseve më të mëdha të remitancave.

Por, përtej vlerës nominale, kjo rritje e remitancave vjen në një kontekst të veçantë, zhvlerësimi i euros. Me kursin që ka prekur nivele të ulëta historike ndaj lekut, vlera reale e remitancave në monedhën vendase është relativisht më e ulët për përfituesit në Shqipëri. Pra, edhe pse më shumë euro po hyjnë në ekonomi, fuqia blerëse e tyre është ndikuar ndjeshëm nga zhvlerësimi.

Ky zhvillim krijon një paradoks, më shumë remitanca në euro, por më pak ndikim real për familjet shqiptare, veçanërisht ato që mbështeten te këto dërgesa për konsum të përditshëm.

SCAN

Korea e Jugut dominon importin e automjeteve

Tregu i automjeteve në Shqipëri po njeh një zgjerim të dukshëm. Sipas Drejtorisë së Shërbimeve të Transportit Rrugor, gjatë periudhës Janar-Maj 2025 janë regjistruar 38,028 mjete të reja, ku ndër të cilat 81.2% e totalit janë autovetura. Këto të dhëna tregojnë një rritje prej 102% krahasuar me të njëjtën periudhë të vitit 2019.

Përsa i përket origjinës së mjeteve, Koreja e Jugut me 20.4% të totalit qëndron në vend të parë në preferencat e qytetarëve shqiptarë. Më pas ndiqet nga Italia me 16.1%; Gjermania me 15.9%; Zvicra me 9.1%; SHBA me 7.8% dhe Kina me 7.3%.

Po ashtu evidentohet një tendencë pozitive në drejtim të modernizimit të mjeteve. Sipas të dhënave nga Drejtoria e Përgjitshme e Shërbimeve të Transportit Rrugor, për periudhën Janar- Maj 2025 është rinovouar flota dhe janë regjistruar 6.786 mjete të gjeneratës së fundit, të kategorisë 0-3 vite. Kjo tregon një rritje prej 64% krahasuar me të njëjtën periudhë për vitin 2023, duke dëshmuar një rritje të ndërgjegjësimit të qytetarëve për përdorimin e mjeteve të sigurta, më ekonomike dhe më pak ndotëse për mjedisin.

Nga ana tjetër është vënë re dhe një rritje e çregjistrimeve të përhershme, ku janë larguar nga qarkullimi 3.137 mjete të vjetra ose 15% më shumë se në vitin 2024. Shpesh këto mjete kanë qenë të amortizuara me standarde të ulëta teknike dhe mjedisore.

DPSHTRR udhëzon të gjithë drejtuesit e mjeteve, si të rinj ashtu edhe ata ekzistues, që të respektojnë rregullat e qarkullimit rrugor, të kryejnë kontrollin periodik të mjeteve të tyre dhe përpara importit të automjeteve të reja.

Gjithashtu, për të gjithë qytetarët që planifikojnë të importojnë një mjet nga jashtë, DPSHTRR thekson nevojën për të kryer verifikimin e kategorisë mjedisore përpara se të realizojnë blerjen, në mënyrë që të shmangen kostot shtesë, apo problemet që lidhen me mosplotësimin e standardeve mjedisore.

SCAN

1...383940...495Faqja 39 nga 495