Pas disa ditësh zhdukjeje, për shkak të humbjes katastrofike në zgjedhje, kryesisht në qarkun e Fierit ku ishte drejtues politik i PD, Gazment Bardhi ka reaguar përmes një statusi në rrjetet sociale.

Bardhi shfaqet zemërthyer në status, ku ndër të tjera pranon humbjen në zgjedhje.

Me zemër të thyer se zgjedhjet e 11 Majit nuk ia dolën të shprehin vullnetin real të qytetarëve, dua të falenderoj me përulësi të gjithë ata demokratë dhe mbështetës të opozitës që i besuan votën Partisë Demokratike! Në qarkun e Fierit, ne ishim njerëzit e lirë përballë një bande ministrash dhe drejtorësh të korruptuar, që përdorën shtetin dhe krimin e organizuar për të ruajtur pushtetin!

Ju falenderoj me zemër për qendresën dhe besimin! Një falenderim të veçantë për strukturat e Partisë Demokratike, komisionerët, vëzhguesit dhe numëruesit e palodhur!

Ne do të qendrojmë së bashku të panënshtruar sepse Shqipëria ka nevojë për njerëz të lirë!

Në qarkun e Fierit janë numëruar deri tani 521nga 587 kuti votimi që janë gjithsej.Socialistët kryesojnë në këto kuti me 86367 vota, ndërsa Partia Demokratike ka siguruar vetëm 35193 vota.

E përkthyer në mandate, PS-ja merr deri tani 12 mandate, ndërsa demokratët vetëm 4 mandate.

Përfundon procesi i numërimit në Mallakastër. 

Pas numërimit të 49 kutive ne KZAZ-së, PS siguroi 8980 vota dhe PD vetëm 2255 vota, ose një diferencë me rreth 7 mijë vota.

Ndoshta një nga rezultatet më të dobëta të demokratëve në rang rrethi. Pas mbarimit të procesit, dhjetëra mbështetës kanë festuar me brohorima dhe hedhje fishekzjarrësh, e kthyer në traditë tashmë në këto zgjedhje.

PS fiton bindshëm me një diferencë mbi 6 mijë vota ndaj PD në Divjakë

Rezultatet:

PS 10.427 vota

PD 3.882 vota

Shqiperia Behet 906 vota

Mundesia 231 vota

Koalicioni Djathtas per Zhvillim 149 vota

Levizja Bashke 137 vota

PSD 102 vota

AKSH 90 vota

Koalicioni Euroatlantik 90 vota

Levizja Atdheu 26 vota

Aleanca Demokracia e Re 11 vota

Partia Socialiste udhëheq edhe më bindshëm në votat e Diasporës, teksa janë numëruar 13422 zarfe nga 194889. Sipas rezultateve të KQZ-së, PS ka siguruar 7453 vota në total.

Ndërkohë që PD ka arritur të sigurojë 3672 vota. Diferenca mes palëve është rreth 3781 vota. Nisma Shqipëria Bëhet e Adriatik Lapajt ka marrë 1144 vota, ndërkohë që Partia Mundësia 403 vota.

E përkthyer në përqindje, PS dominon me rreth 56%, ndjek PD me 27.5%, ndërkohë forcë e tretë dhe me një përqindje të madhe krahasur me votat brenda është Nisma Shqipëria Bëhet me rreth 8.6%.

PS vijon të thellojë mandatin në qarkun e Fierit, qarku i dytë më i madh në vend për nga numri i deputetëve që do të dërgojë në parlament, pas Tiranës.

Në 266 qendra votimi në numëruara, PS ka siguruar deri më tani 44083 vota, ose 63.75 %.Projeksion që nëse përkthehet në mandate i jep PS në këtë qark 12 deputetë në parlamentin e ri.

Ndërkohë PD zbret në 4 mandate deputetësh, me 17081 vota të numëruara deri më tani ose, 24.07%

Përfaqësuesja e OSBE-së deklaroi se zgjedhjet parlamentare të vitit 2025 në Shqipëri u zhvilluan në mënyrë profesionale dhe ishin konkurruese, por u shënjuan nga një klimë e theksuar polarizimi politik.

Kandidatët patën mundësi të bëjnë fushatë, ndonëse u raportuan raste intimidimi dhe presione ndaj zgjedhësve, veçanërisht në sektorin publik. OSBE vuri gjithashtu në dukje se partia në pushtet përfitoi nga përdorimi i burimeve administrative gjatë fushatës, ndërsa dy partitë kryesore dominuan mbulimin mediatik. Procesi zgjedhor në përgjithësi ishte i qetë, me disa incidente të izoluara.

Përfaqësuesja e OSBE: Qytetarët janë “zemra” e procesit zgjedhor. Zgjedhjet parlamentare 2025 ishin konkurruese dhe u zhvilluan në mënyrë profesionale, por ata ishin në një klimë të polarizuar. Kandidatët kishin mundësi të bëjnë fushatë, ndërsa disa raste intimidimi nga ta janë raportuar. Partia në pushtet përfitoi nga përdorimi i burimeve administrative gjatë fushatës. Ka pasur raportime për presione ndaj zgjedhësve, sidomos në administratë. Dy partitë kryesore ishin ato që kishin mbulim më të madh mediatik. Procesi ishte i qetë në tërësi, por kishte disa incidente të izoluara. Kishte sulme mes liderëve të dy partive të mëdha.