Gjykata Kushtetuese e Shqipërisë ka zbardhur vendimin për çështjen e ngritur nga ish-kryeministri Sali Berisha, i cili kërkoi shfuqizimin e vendimeve gjyqësore ndaj tij lidhur me masën e sigurisë “arrest në shtëpi” caktuar nga Gjykata e Posaçme. Në vendimin e saj, Gjykata analizoi kushtetutshmërinë e procedurave ligjore të ndjekura nga autoritetet dhe refuzoi kërkesën e Berishës, duke vërtetuar ligjshmërinë e hetimeve për korrupsion dhe pastrim parash.

Kushtetutshmëria e hetimeve – Gjykata argumentoi se procedurat e ndjekura nga Prokuroria e Posaçme (SPAK) ishin në përputhje me Kushtetutën dhe të drejtat procedurale të të pandehurit nuk janë shkelur.

Parimi i ndarjes së pushteteve – U theksua se Gjykata Kushtetuese nuk mund të ndërhyjë në vendimet e institucioneve të tjera të drejtësisë, përveç rasteve kur ka shkelje të drejtpërdrejta kushtetuese.

Liria e veprimit të Prokurorisë – Gjykata konfirmoi se SPAK ka autoritetin ligjor për të hetuar çështje të korrupsionit në nivelet e larta të qeverisjes dhe nuk ka prova që tregojnë ndërhyrje të paligjshme në këtë proces.

Respektimi i të drejtave të individit – U analizua nëse Berisha ka pasur një proces të rregullt ligjor, duke u konkluduar se nuk ka pasur shkelje të së drejtës për një gjykim të drejtë.

Vendimi u dha fillimisht më 17 janar të këtij viti.

Berisha fitoi lirinë më 27 nëntor të vitit të kaluar, kur Gjykata e Posaçme në seancën paraprake vendosi t’i heqë masën e sigurisë “arrest në shtëpi”, por Apeli i Posaçëm në 3 janar riktheu masën “detyrim paraqitje” ndaj tij.

Në një seancë të zhvilluar më 21 nëntor 2024, Gjykata Kushtetuese rrëzoi edhe kërkesën e Berishës për sa i takon masës detyrim paraqitje, ndërsa ndalimin e daljes jashtë vendit e shpalli joproporcionale, duke i kthyer pasaportën kreut të PD.

Kujtojmë se me datë 21 nëntor 2024, Gjykata Kushtetuese interpretoi masat e sigurisë “detyrim paraqitjeje” dhe “ndalim i daljes jashtë shtetit” nuk pengojnë punën e deputetit dhe mund të vendosen pa autorizim nga Kuvendi, duke rrëzuar pretendimet e ish-kryeministrit Sali Berisha se SPAK kishte shkelur Kushtetutën.

Njoftimi i policisë:

Realizohet një tjetër operacion i suksesshëm ekstradimi, me partnerët ligjzbatues të SHBA-ve.

Departamenti i Policisë Kriminale në Policinë e Shtetit, në koordinim me Prokurorinë Speciale (SPAK) dhe Agjencinë Federale DSS/OCIU, prezente në Ambasadën e Shteteve të Bashkuara në Tiranë, ka arritur të lokalizojë dhe arrestojë në Shtetet e Bashkuara, një shtetas shqiptar, në kërkim ndërkombëtar, me urdhër arresti nga Gjykata Kundër Korrupsionit dhe Krimit të Organizuar (GJKKO), për t’u përballur me akuzat dhe sistemin e drejtësisë në Shqipëri.

Shtetasi shqiptar Fatbardh Lala, 56 vjeç, ish-oficer i Policisë Gjyqësore pranë Prokurorisë së Juridiksionit të Përgjithshëm Tiranë, ishte në kërkim në Shqipëri, për vepra penale në fushën e korrupsionit dhe nxjerrjes së sekretit shtetëror.

Shtetasi Fatbardh Lala u ekstradua rreth orës 15:00 të ditës së sotme.

Ky operacion për lokalizimin, arrestimin dhe ekstradimin e këtij shtetasi ka ardhur si rezultat i përpjekjeve të përbashkëta disamujore, ndërmjet agjencive ligjzbatuese shqiptare dhe atyre amerikane.

Policia e Shtetit falënderon partnerët ndërkombëtarë të agjencive federale amerikane DSS dhe ICE-ERO, për të gjithë punën dhe përkushtimin maksimal në këtë operacion ekstradimi/deportimi.

Një aksident rrugor ka ndodhur sot në Golem, ku një auoto -ambulancë që po transportonte një paciente nga Berati drejt Tiranës është përmbysur si pasojë e një përplasjeje me një automjet tjetër.

Burime nga vendngjarja bëjnë me dije se një makinë ka goditur ambulancën nga pas, duke shkaktuar përmbysjen e saj në rrugë.

Nga aksidenti janë lënduar një grua 64-vjeçare, e cila ishte paciente, dhe një infermiere që e shoqëronte.

Policia ka mbërritur në vendngjarje për të zbardhur rrethanat e aksidentit, ndërsa trafiku në zonë është bllokuar për shkak të incidentit.