Kryetari i Partisë Demokratike, Sali Berisha, ka prezantuar koalicionin “Koalicioni për Shqipërinë Madhështore”, që do të përfaqësojë PD-në në zgjedhjet parlamentare të 11 majit.

Gjatë fjalës së tij, Berisha theksoi se ky koalicion është ndryshe nga çdo koalicion i mëparshëm, duke e quajtur atë një bashkim transparent dhe të vendosur, që përfaqëson të gjitha shtresat e shoqërisë shqiptare.

Ai theksoi se ky koalicion nuk përfaqëson të panjohur, por individë të rinj që vlerësojnë shqiptarët, duke shtuar se është krijuar për të sfiduar qeverinë aktuale, që e akuzon për lidhje me krimin dhe korrupsionin. Berisha gjithashtu deklaroi se ky koalicion ka ngjallur shpresa të mëdha te qytetarët shqiptarë.

Sali Berisha: Kurrë ndonjëherë para kombit s’është paraqitur një koalicion i tillë, me këtë vendosmëri të palëkundur. Ky nuk është koalicioni i të panjohurave, por të transparencës, i djemve dhe vajzave që i vlerësojnë shqiptarët. Koalicioni përfaqëson të gjitha shtresat dhe komunitetet e ndryshme të kombit shqiptar.

Koalicioni është pritur me gëzim dhe interes të madh nga shqiptarët. Koalicioni ynë është përballë narko-regjimit, lidhur me krimin dhe korrupsionin. Ky koalicion ka ndezur shpresat e shqiptarëve.

Kryeministri Edi Rama tha se ende nuk e ka marrë vendimin nëse do të jetë pjesë e listave të zgjedhjeve të PS.
Ndërsa tha se mund të mos jetë fare pjesë e listave, Rama shtoi se ai është deputet i të gjithëve dhe nuk do që t’i zërë vendin askujt.

Rama: Asnjë drejtues politik nuk besoj kurrë që mund të futet në preferenca se për kë duhet të votojnë anëtarët e PD.

Kjo është e padiskutueshme. Natyrisht e njëjta gjë vlen edhe për rastin tim. Nuk e kam pasur dhe as e kam idenë pse unë duhet të jem deputet në atë parlament për sa kohë kam këtë detyre,

Pas mungesës javë e kaluar për shkak të Javës së gjelbër, mbahet sot në Kuvenda e radhës plenare.Mësohet se në rend të ditës përfshihen diskutime për çështje të evidentuara nga zgjedhësit.

Kujtojmë se më 4 mars ka përfunduar procesi i regjistrimit të zgjedhësve nga diaspora në platformën e Komisionit Qendror të Zgjedhjeve PER.Ndërkaq kryeministri Edi Rama sapo është futur në ambientet e Kryesisë së Kuvendit, ku para nisjes së seancës plenare do të zhvillojë një mbledhje me grupin parlamentar të PS-së.

Erion Veliaj ka dhënë një intervistë nga qelia mbrëmjen e sotme për Euronews Albania, ku ka vazhduar sulmet ndaj magjistratëve të çështjes së tij, prokurorit Ols Dado dhe gjyqtarit Erjon Bani.

I pyetur nëse a ka komunikuar me Ramën, Veliaj e mohoi duke shtuar se është në izolim. Ai hodhi akuza drejt prokurorit Dado, se prej dy javësh nuk i ka miratuar asnjë takim, edhe pse në media janë publikuar lajmet se Veliajt i është miratuar leja për të takuar jo vetëm avokatët, por edhe familjarët, po ashtu të zhvillojë edhe takime pune me punonjlsit e Bashkisë.

Jo, jam në izolim total. Ols hakmarrësi nuk ka miratuar prej dy javësh asnjë takim – as politikanë të huaj, drejtues të kulteve apo shokë e miq. Kjo është një tjetër provë se ky kurth i kurdisur keq, me anonime, veting, shpallje fajtor pa akuzë dhe izolim total është një njollë jo e vogël e një reforme, që e mbështetën të gjithë”, thotë Veliaj.

Kryebashkiaku i Tiranës është ndalur dhe te qendrimi i PS dhe Edi Rama për rastin e tij, duke e cilësuar se po bëjnë gjënë e duhur duke mbështetur sistemin e drejtësisë dhe ka shprehur besimin e plotë ndaj shefit të tij, duke thënë se ka një jetë që punon me të.

Ndaj, Partia Socialiste dhe Edi Rama po bëjnë gjënë e duhur, sistemi do mbështetur dhe anomalitë që kanë prodhuar duhen adresuar – bash siç thotë edhe Gjykata e Strasburgut për rastet Hysa dhe Gëllçi. Ideja burg-burg-burg përveçse e bën të pabarabartë mbrojtjen, do prodhojë një faturë që s’do e paguajë Ols Dado dhe Erion Bani, por Republika. Pra, taksapaguesit,”tha Veliaj.

Pyetje – Çfarë do t’i shtonit apo do t’i hiqnit atyre që ka shprehur Kryeministri për këtë rast?

“Kam një jetë që punoj krah Edit dhe kam besim të plotë.”