Reagon Policia Fier per videon virale ku dhu*ohet nje vajze adoleshente

Reagim i Drejtorisë Vendore të Policisë Fier

Në lidhje me një video të postuar në rrjete sociale, në të cilën shfaqen disa shtetase të mitura duke dhunuar një bashkëmoshatare, bëjmë me dije se:

Menjëherë pas publikimit të videos, shërbimet e Komisariatit të Policisë Fier kanë nisur punën për identifikimin e shtetaseve që shfaqen në video dhe për verifikimin e rrethanave të rastit.

Janë identifikuar dhe shoqëruar në Komisariat, shtetaset që shfaqen në video, të cilat janë pyetur në prani të punonjëses sociale, psikologut, avokatit dhe prindërve.

Në vijim të veprimeve, u referuan materialet në Prokurori, ku nisi procedimi penal për 4 shtetase (3 të moshës 16 vjeç dhe 1 e moshës 17 vjeç), si edhe u shpall në kërkim një tjetër shtetase 16 vjeçe që shfaqet në video.

Drejtoria Vendore e Policisë Fier fton median dhe qytetarët që të denoncojnë në numrin 112, çdo paligjshmëri, duke i garantuar anonimat dhe reagim të menjëhershëm, konform ligjit.

Salianji kërkon sot lirimin me kusht në Gjykatën e Fierit

Në Gjykatën e Fierit zhvillohet sot seanca për shqyrtimin e kërkesës për lirim me kusht të ish-deputetit të Partisë Demokratike, Ervin Salianji. Salianji ka depozituar kërkesën për lirimin me kusht pasi ka ezauruar 2/3 e dënimit.Shërbimi i Provës pritet të paraqesë raportin e tij, në bazë të të cilit gjykata do vendosë për pranimin ose rrëzimin e kërkesës.

Në seancën e shkuar u paraqit raporti i vlerësimit të sjelljes nga Institucioni i Ekzekutimit të Vendimeve Penale (IEVP) në Fier, ku sipas avokatit të Salianjit, Ledio Braho, ka rezultuar pozitiv.Salianji ndodhet në burgun e Fierit që prej tetorit 2024, pasi u dënua me 1 vit burg me vendim të formës së prerë për kallëzim të rremë në lidhje me çështjen “Babale”. Ai ka deklaruar se është viktimë e një procesi të montuar politik dhe se është dënuar padrejtësisht.

Sa vlen një euro në Shqipëri? Vendet më të lira dhe më të shtrenjta në Europë

Çmimet ndryshojnë ndjeshëm midis vendeve në Europë, sipas të dhënave të Eurostat. Ndërkohë, ekzistojnë dallime të konsiderueshme edhe midis vendeve fqinje si në rastin e Ballkanit Perëndimor

Indekset e nivelit të çmimeve janë një mënyrë e mirë për të na ndihmuar të kuptojmë se sa të shtrenjta ose të lira janë mallrat dhe shërbimet në secilin vend. Ato krahasojnë nivelet kombëtare të çmimeve me mesataren e BE-së dhe llogariten duke përdorur Paritetet e Fuqisë Blerëse.

Këto indekse krahasojnë koston e mallrave dhe shërbimeve të ndryshme, siç janë ushqimi, pijet, veshjet, hotelet dhe më shumë. Përveç këtyre indekseve individuale ose në grup, ekzistojnë dy tregues kryesorë që tregojnë nivelin ‘e përgjithshëm’ të çmimeve të mallrave dhe shërbimeve të konsumit:

Njëri është konsumi aktual individual, i cili mat të gjitha mallrat dhe shërbimet e konsumuara në të vërtetë nga familjet dhe treguesi tjetër lidhet me shpenzimet e konsumit përfundimtar të familjeve.

“Scan Intel” është përqëndruar në indikatorin e indeksit të nivelit të çmimeve për konsumin indvidual, të cilat tregojnë se sa të shtrenjta ose të lira janë mallrat dhe shërbimet në vende të ndryshme, bazuar në paritetet e fuqisë blerëse.

Sipas Eurostat-it, fuqia blerëse vepron si një monedhë e përbashkët artificiale, pasi ajo tregon se sa mund të blejnë njerëzit me të njëjtën sasi parash në të gjitha vendet.

Të dhënat më të fundit të Eurostat për vitin 2024 tregojnë se Shqipëria ka kosto më të larta jetese krahasuar me vendet e tjera të rajonit. Në raport me mesataren e Bashkimit Europian, çmimet në Shqipëri janë në nivelin 63% të mesatares së BE-së, më shumë se çdo vend tjetër i Ballkanit Perëndimor.

Për krahasim, në Bosnje Hercegovinë çmimet janë në nivelin 59.7% të mesatares europiane, në Maqedoninë e Veriut 49%, ndërsa në Serbi 61.4%. Edhe Mali i Zi, që prej vitesh ka turizëm të zhvilluar dhe përdor euron si monedhë zyrtare, rezulton më i lirë se Shqipëria.

Turizmi mjekësor: “Fytyrë të re? Shko në Shqipëri!” 

Ky është vetëm një nga shumë shtetas italianë – dhe jo vetëm – që kanë ardhur në Shqipëri për turizëm mjekësor.

Ndonëse sipas INSTAT, gjatë periudhës janar-prill të këtij viti, thuhet se më pak turistë kanë hyrë për arsye shëndetësore, situata në klinikat private paraqitet ndryshe.

“Ka shumë kërkesë nga të huajt nga e gjithë bota, po ashtu edhe nga shqipatrë që jetojnë në vende të huaja për sa I përket shërbimeve dentare. Të gjithë pacinetët e interesuar kanë qenë të rekomanduar nga pacientë që kanë qënë brenda klinikës,”shprehet Stomatologia Fatjona Lala.

Arsyeja kryesore është se çmimet janë shumë herë më të ulëta sesa në vendet prej nga vijnë këta pacientë.

Sipas të dhënave nga “Medical Tourism Corporation”, Shqipëria renditet ndër vendet më të lira në botë për shërbime dentare, me diferenca të mëdha në çmime në krahasim me Europën Perëndimore.

“Në SHBA kushton 3 mijë dollarë një implant dentare ndërkohë që në Shqipëri mund të kushtojë 400 deri në 500 euro.”

Sipas të dhënave të INSTAT, përgjatë periudhës janar-prill të këtij viti, në vend kanë hyrë 281 mijë italianë.

Ata përbëjnë grupin më të madh të turistëve dhe janë më të ekspozuar në rrjetet sociale për vizitat e tyre në klinikat estetike shqiptare.

“Shqipëria është shtëpia e shumë klinikave që respektojnë rregullat ndërkombëtar që shoqërohen me çmime konkurruese, shërbim cilësor pushime më tepër”, tregon në të tjera stomatologia Lala.

Në zhvillimin në rritje të këtij fenomeni ndikon edhe importi i pajisjeve mjekësore. Sipas faqes ‘Statista’, të ardhurat e parashikuara në tregun e pajisjeve të Kirurgjisë së Përgjithshme dhe Plastike në Shqipëri pritet të arrijnë në 7.15 milionë dollarë amerikanë në vitin 2025.

/SCAN/

Nje rumun g*det 7 herë me th*kë shqiptarin 36-vjeçar ne ITALI , i plagos edhe bashkëshorten

Dinamika e ngjarjeve që lidhen me plagosjen e përgjakshme me thikë që ndodhi të shtunën e kaluar në mbrëmje në Corso a Rovigo në Itali, pranë kioskës së gazetave në anën e San Bortolos, mund të jetë më komplekse nga sa pritej.

Sepse, ndërsa është padyshim e vërtetë që aspekti më sensacional i historisë është plagosja e rëndë e një 36-vjeçari shqiptar, i goditur në gjoks dhe bark disa herë – duket të jenë shtatë – aq shumë saqë iu desh të operohej në spital, dhe se sulmuesi i dyshuar, një 24-vjeçar rumun, tashmë i njohur për policinë, është nën hetim për sulm, është po aq e vërtetë se ka më shumë. Të paktën, sipas asaj që del nga veprimet e ndërmarra deri më tani nga Prokuroria, pas ndërhyrjes së parë nga komisariati i policisë.

Në fakt, aktualisht ka tre të dyshuar, gjithmonë për lëndime. Nga njëra anë, siç u përmend, rumuni 24-vjeçar, nën hetim sipas akuzave për plagosjen e 36-vjeçarit dhe gruas së tij; nga ana tjetër, i njëjti shqiptar 36-vjeçar që përfundoi në spital dhe një i afërm 23-vjeçar , për lëndimet e të riut rumun. Shkurt, skenari mund të mos jetë aq i qartë sa dukej në fillim.

Ndërkohë, nga shtrati i spitalit, 36-vjeçari theu heshtjen dhe kontaktoi stafin editorial të “La Voce di Rovigo” nëpërmjet rrjeteve sociale për të treguar versionin e tij të fakteve. Mbi të gjitha, do të kishte mëri midis rumunit dhe 23-vjeçarit shqiptar, një i afërm i 36-vjeçarit.

“Të premten në mbrëmje”, – thotë ai, më telefonoi partneri i nënës së djalit rumun, një person që e njoh prej kohësh; donim të sqaronim se çfarë kishte ndodhur me nipin tim 23-vjeçar. Kur dola jashtë shtëpisë së tij në rrugë, me gruan dhe fëmijët e mi, sepse isha tashmë jashtë me ta, partneri i nënës zbriti dhe filluam të flisnim. Në atë moment, djali rumun erdhi nga pas dhe më goditi me thikë shtatë herë në vende të ndryshme, ai plagosi gjithashtu gruan time dhe rrahu djalin tim 13-vjeçar”.

Rindërtimi i mbrojtjes së të riut rumun, i besuar avokatit Fabrizio De Maio të gjykatës së Lagonegro (Potenza), është krejtësisht ndryshe. Ai donte të merrte një qëndrim në mbrojtje të 24-vjeçarit me një shënim zyrtar.

“Klienti im, – shpjegon ai, – më tha se ishte sulmuar në shtëpinë e tij nga disa persona të armatosur, pa asnjë arsye të vërtetë. Ai e mbrojti veten. Është i pafajshëm. Ai ishte viktimë e një akti dhune që nuk mund të injorohet”.Në frontin e hetimit, ka të ngjarë të kryhen së shpejti kontrolle teknike të thikës së sekuestruar, një teh me gjatësi totale 38 centimetra, 16 prej të cilave janë të përbëra nga tehu, si dhe të rrobave të 36-vjeçarit, të zhytura në gjakun e tij.

Skenari, shkurt, duket padyshim më kompleks nga sa u zbulua në fillim, me dy versione rrënjësisht të ndryshme të fakteve. Prandaj, do t’u takojë hetimeve ta zbardhin këtë ngatërresë.

Balluku:Rritet me 20% konsumi i energjise, OSHEE furnizim të pandërprerë

Kërkesa për energji elektrike në gjashtë ditët e para të muajit korrik është rritur me 20%, krahasuar me të njëjtën periudhë të një viti më parë.Kjo kërkesë në rritje vjen si pasojë e motit të nxehtë, por edhe shtimit të njësive hoteliere, sipas ministres së Infrastrukturës, Belinda Balluku.

“Duke e krahasuar korrikun e vitit 2025 me korrikun e vitit 2024 vetëm për javën e parë, kemi 20% rritje të kërkesës. E thënë ndryshe në shifra, në 6 ditët e para të vitit 2024, mesatarisht shkonin në 18.6 milionë kWh kërkesë, ndërsa në 6 ditët e para të vitit 2025, kemi pasur një kërkesë prej 22.4 milionë kWh. E gjitha kjo padyshim reflekton ditët e nxehta, por edhe kërkesën nga njësitë e reja të hotelerisë apo banesave që kanë filluar të jenë të përdorshme”.

Balluku shtoi se pavarësisht kësaj, OSHEE po garanton furnizim të pandërprerë me energji elektrike për çdo abonent, ndërkohë skuadrat e terrenit janë në gatishmëri për riparimin e çdo avarie.

“Puna që po bëhet në terren nga grupet e OSSH-së, është një punë që e konsiderojmë shumë të mirë. Shkëputjet kanë qenë minimale dhe avaritë që kanë ardhur si pasojë e kërkesës së rritur, janë sistemuar në kohë rekord. 1600 punonjës të OSHEE ndodhen në terren për të siguruar një shërbim sa më të mirë”, tha Balluku.

https://www.facebook.com/share/v/16z5HFi8oh/?mibextid=wwXIfr

KAS certifikon 11 majin per Fierin ,Elbasan, Tiranë e Durrës,bien kërkesat e PD

Komisioni i Ankimimeve dhe Sanksioneve (KAS) rrëzoi sot kërkesat e koalicionit “Partia Demokratike-Aleanca për Shqipërinë Madhështore” për shpalljen të pavlefshme të zgjedhjeve të zhvilluara në qarqet Elbasan, Fier, Tiranë dhe Durrës.KAS rrëzoi këto kërkesa me argumentin e mungesës së provave dhe si të pambështetura në ligj. KAS la po ashtu në fuqi vendimet e Komisionerit Qendror të Zgjedhjeve për miratimin e tabelave përmbledhëse të rezultateve të votimeve të zonave zgjedhore respektive.

KAS me shumicë votash vendosi pranimin e kërkesës ankimore të depozituar nga koalicioni “Nisma Shqipëria Bëhet”, për kundërshtimin e vendimit të KSHZ “Për miratimin e tabelës përmbledhëse të rezultatit të votimit në zonën zgjedhore qarku Fier, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”, si edhe ndryshimin e vendimit të Komisionerit dhe pasqyrimin e rezultateve të rinumërimit dhe rivlerësimit të votave për këtë zonë zgjedhore gjatë procesit ankimor.

Ministri rus i Transportit gjendet i vdekur me plagë nga a*ma e zjarrit ‘në Teslën e tij’, disa orë pasi u shkarkua nga Putini

Ministri i Transportit i Rusisë është gjetur i vdekur me një plagë të shkaktuar nga arma e zjarrit, disa orë pasi u shkarkua nga Presidenti Vladimir Putin.

Një dekret presidencial i publikuar më herët të hënën nuk dha asnjë arsye për shkarkimin e Roman Starovoit pas vetëm një viti në detyrë.Një burim nga industria e transportit i tha Reuters se pozicioni i Starovoit kishte qenë në pikëpyetje për muaj të tërë për shkak të pyetjeve në lidhje me të njëjtin skandal korrupsioni, i cili përqendrohej në fondet e destinuara për forcimin e kufirit të Rusisë me Ukrainën në rajonin e Kurskut.

Misteri rrethon kohën e vdekjes së Starovoit, me Komitetin Hetimor të Rusisë, i cili tha vetëm në një deklaratë se po punonte për të përcaktuar rrethanat e sakta.

Mediat e ndryshme ruse cituan burime të zbatimit të ligjit të kenë thënë se një pistoletë që i përkiste Starovoit ishte gjetur pranë trupit të tij në Teslën e tij, megjithëse raporte të tjera sugjeruan se ai u gjet në një shkurre aty pranë.

1...205206207...306Faqja 206 nga 306