Shqiptarët sot nuk vuajnë nga mungesa e informacionit, por nga shpërqendrimi i vëmendjes. Në një kohë kur pagat, pensionet dhe kushtet e punës përcaktojnë cilësinë e jetës, vëmendja kolektive shpesh rrëshqet drejt videove banale, ku ngjyra e flokëve dhe forma e thonjve marrin më shumë klikime sesa e ardhmja ekonomike e një familjeje.

Rrjetet sociale kanë kthyer të parëndësishmen në spektakël dhe të rëndësishmen në sfond. Ato ushqejnë një kulturë ku argëtimi i shpejtë mbizotëron mbi reflektimin, ku emocioni i çastit fiton ndaj faktit dhe analiza humbet përballë banalitetit. Kështu, ndërsa publiku argëtohet, vendimet që ndikojnë drejtpërdrejt jetën e tij merren pa zhurmë dhe pa rezistencë.

Kjo nuk është thjesht çështje shijeje personale; është një krizë qytetare. Një shoqëri që nuk informohet për problemet reale e humb aftësinë për të reaguar, për të kërkuar drejtësi dhe për të mbrojtur interesat e veta. Heshtja përballë padrejtësive ekonomike dhe sociale nuk lind nga paqja, por nga lodhja dhe shpërqendrimi.

Ironia qëndron në faktin se kurrë më parë nuk ka pasur kaq shumë burime informacioni, por kurrë më parë nuk ka pasur kaq pak vullnet për t’i dëgjuar. Kur lajmi serioz shihet si “i mërzitshëm” dhe budallallëku si argëtim, shoqëria nis të humbasë busullën morale dhe intelektuale.

Në fund, çmimi i këtij shpërqendrimi nuk paguhet me klikime, por me paga të ulëta, pensione të pamjaftueshme dhe punonjës të pambrojtur. Dhe ndërsa sytë mbeten te ekrani për gjëra të kota, realiteti vazhdon të vendosë fatet e përditshme pa u pyetur askush

Kryedemokrati Sali Berisha ka dalë në ‘foltoren’ e përjavshme para Kryeministrisë duke bërë thirrje për protestën e 24 Janarit. 
Ai paralajmëroi se kjo protestë do të jetë më e fuqishmja që ka njohur Tirana ndonjëherë, teksa ka vijuar të flas për tensionet opozitare brenda Kuvendit. 
Rikujtojmë që deputetët e PD-së dhe Sali Berisha kanë ‘zaptuar foltoren parlamentare gjatë seancës së parë plenare për 2026.

Kjo protestë e kësaj jave ka një rëndësi sepse kjo javë është përcaktuese për 24 Janarin.

Protestën më të fuqishme që ka njohur Tirana ndonjëherë.

Zemërimin më të fuqishëm të shqiptarëve. Guximin e tyre më të madh.

Po vijmë nga parlamenti. Ishte provokimi më i ulët që ju bë shqiptarëve.

Karshi tyre qëndronte ‘Lubi’ Balluku. Hajdutja më e madhe kohërave që kanë pasur ndonjëherë në pushtet.

E dërguara aty kastile nga Edi Rama, për të provokuar shqiptarët.

Për të poshtëruar shqiptarët.

Për tu thënë atyre se ne ju kemi vjedhur dhe do ju vjedhim.

 Ja ku jemi. Rojet i dolën përpara.”– tha Berisha.

Fier/Vijon operacioni i koduar “New Start 3”.

Goditet një tjetër rast i shitjes së lëndëve narkotike, në doza.

Kapet në flagrancë dhe vihet në pranga 1 shtetas që shiste doza kanabisi, në Fier dhe në Patos.

Gjatë kontrollit fizik dhe kontrollit në banesën e tij, u gjetën dhe u sekuestruan doza/sasi kanabisi.

Specialistët për Hetimin e Narkotikëve të DVP Fier, në bashkëpunim me Komisariatin e Policisë Fier, në vijim të kontrolleve të njëpasnjëshme të kryera në kuadër të operacionit të koduar “New Start 3”, për goditjen e rasteve të shitjes së lëndëve narkotike, kanë goditur një tjetër rast të kësaj veprimtarie kriminale.

Për këtë rast, u vu në pranga shtetasi H. M., 49 vjeç, banues në Patos, i cili u kap në flagrancë me doza kanabisi, në një lokal në Patos.

Në vijim, gjatë kontrollit në banesën e 49-vjeçarit, shërbimet e Policisë gjetën një sasi lënde narkotike kanabis që ai e posedonte me qëllim shitjen në doza.

Lënda narkotike që posedonte ky shtetas dhe celulari i tij u sekuestruan në cilësinë e provës materiale.

Materialet procedurale iu referuan Prokurorisë së Fierit, për veprime të mëtejshme.