Rënie dramatike, numri i nxënësve në ZVAP Fier tre herë më i ulët se 2019-2020

Sot jane hapur dyert e shkollave duke nisur keshtu viti ri shkollor në të gjitha shkollat nën juridiksionin e ZVAP Fier, me rreth 13 mijë nxënës. Nga këta, afërsisht 900 fëmijë do të ulen për herë të parë në bangat e shkollës.Në Mallakastër, këtë vit do të ulen për herë të parë në bankat e shkollës 63 fëmijë, në Patos 140, ndërsa në Rroskovec 190.

Krahasuar me vitin shkollor 2019–2020, rënia është dramatike: atë vit, në të njëjtin territor numëroheshin 41,379 nxënës dhe 2,974 fëmijë të klasës së parë. Pra, aktualisht numri i nxënësve është tre herë më i ulët, një pasqyrë e ndryshimeve demografike dhe migracionit në rajon.

Kryebashkiakja e Roskovecit Majlinda Bufi nderohet me Çmimin “Nënë Tereza” për kontributin ndaj komunitetit.

Kryebashkiakja e Roskovecit, Majlinda Bufi, u vlerësua me Çmimin “Nënë Tereza” gjatë spektaklit “Shën Tereza Shqiptarja e Gjithë Botës” më 5 Shtator. Ky çmim nderon punën dhe përkushtimin e saj në shërbim të komunitetit dhe promovimin e vlerave njerëzore.

Momenti i ceremonisë u zhvillua në një atmosferë solemne dhe emocionale, ndërsa spektakli u transmetua drejtpërdrejt nga televizioni Klan Plus. Majlinda Bufi u përshkrua si shembull i përkushtimit dhe dashurisë ndaj njerëzve, duke pasqyruar frymën dhe misionin e Nënë Terezës.

Rusia prezanton vaksinën e parë kundër kancerit, rezultatet e para tregojnë efikasitet 100%

Rusia ka njoftuar zhvillimin e vaksinës së parë kundër kancerit, e cila tashmë u është administruar pacientëve dhe ka dhënë rezultate shumë inkurajuese. Trajtimi inovativ, i quajtur “Enteromix”, bazohet në teknologjinë mRNA dhe sipas autoriteteve shëndetësore ruse ka përfunduar me sukses provat klinike, duke arritur 100% efektivitet dhe siguri.

Vaksina funksionon duke “stërvitur” sistemin imunitar që të njohë dhe të shkatërrojë qelizat kancerogjene. Për më tepër, ajo raportohet se redukton edhe masën e tumoreve ekzistuese. Një element i veçantë i këtij trajtimi është se është i personalizuar për secilin pacient, pasi bazohet në informacionin gjenetik individual.

Alexander Ginzburg, drejtor i Qendrës Kombëtare të Kërkimeve për Epidemiologjinë dhe Mikrobiologjinë Gamalei, bëri të ditur se vaksina po administrohet tek pacientë të caktuar me melanomë, në bashkëpunim me institucionet kryesore onkologjike të Moskës. Ai theksoi se gjatë testimeve nuk janë raportuar efekte anësore serioze dhe trajtimi është toleruar mirë nga pacientët.

Sipas Ginzburg, vaksina “Enteromix” bazohet në përdorimin e neoantigjeneve, të hartuara posaçërisht për çdo pacient, duke e bërë atë një alternativë më të butë dhe më të synuar krahasuar me metodat tradicionale si kimioterapia dhe radioterapia.

Autoritetet ruse kanë deklaruar se vaksina do të ofrohet falas për qytetarët rusë, ndërsa miratimi përfundimtar nga Ministria e Shëndetësisë pritet së shpejti. Provat klinike për grupin e parë të pacientëve nisën në dhjetor 2024, ndërkohë që vendi synon të shënojë një hap historik në luftën globale kundër kancerit.

13 mijë nxënës në Fier nisin vitin e ri shkollor, 900 femije ulen per here te pare ne bangat e shkolles

Neser nis viti i ri shkollor me hapjen e dyerve të të gjitha institucioneve arsimore në juridiksionin e ZVAP Fier, për rreth 13 mijë nxënës. Mes tyre, afërsisht 900 fëmijë do te ulen për herë të parë në bangat e shkollës.

Institucionet arsimore janë përgatitur për të garantuar kushte të plota për zhvillimin e mësimit. Dy shkolla të rikonstruktuara rishtas i janë shtuar rrjetit arsimor, ndërsa shpërndarja e librave është kryer në kohë, duke mundësuar që çdo nxënës të pajiset me tekstet e nevojshme.

Vëmendje e veçantë po i kushtohet edhe modernizimit të mjediseve mësimore, përmes instalimit të laboratorëve bashkëkohorë dhe klasave SMARTLab, që synojnë të afrojë nxënësit me teknologjinë dhe metodat bashkëkohore të të mesuarit.

Një tjetër element i rëndësishëm është se këtë vit nuk ka mungesa të stafit pedagogjik. Çdo klasë është mbuluar nga mësuesit përkatës përmes portalit “Mësues për Shqipërinë”. Në mbështetje të procesit do të jenë edhe oficerët e sigurisë dhe shërbimi psikosocial, për të siguruar një mjedis të sigurt dhe të shëndetshëm shkollor

Nesër nis viti i ri shkollor, 345 mijë nxënës ulen në banka

Viti i ri shkollor 2025-2026 nis ditën e nesërme për rreth 345 mijë nxënës në të gjithë vendin, ndërsa 31 mijë mësues do të rikthehen në punë në institucionet arsimore publike.

Ministria e Arsimit, në një postim në rrjetet sociale, bën me dije se janë siguruar tekste falas për 236 mijë nxënës, janë ndërtuar 30 shkolla të reja dhe janë rehabilituara 340 laboratorë SMART.

“Mësuesit, psikologët, punonjësit socialë, oficerët e sigurisë dhe i gjithë stafi i shkollave tona janë gati të mirëpresin nxënësit në ditën e parë të shkollës”, thuhet në njoftimin e Ministrisë së Arsimit.

Postimi i plotë:
Nesër nis viti i ri shkollor me risi dhe investime të rëndësishme për rreth 345 mijë nxënës dhe 31 mijë mësues.
Fillim i mbarë, me tekste falas për 236 mijë nxënës, 30 shkolla të reja dhe të rehabilituara 340 laboratorë SMART, kurrikulën e re në klasat e IV, laboratorë të rinj të shkencave, palestra e terrene të reja sportive. Mësuesit, psikologët, punonjësit socialë, oficerët e sigurisë dhe i gjithë stafi i shkollave tona janë gati të mirëpresin nxënësit në ditën e parë të shkollës

Sot eklips hënor, “Hëna e përgjakur”

Një hënë e përgjakur pritet të zbukurojë sot qiellin, pasojë e një eklipsi hënor që do të ndodhë mbrëmjen e sotme. 

Eklipsi do të mund të shihet me sy të lirë, pa pasur nevojë për syze speciale. 

Azia dhe Australia Perëndimore do jenë në ‘rreshtin e parë|” të shfaqjes, ndërkohë që pjesa më e madhe e Evropës dhe Afrikës do ta shohin hënën tashmë të plotë ndërsa ajo lind. 

Eklipsi nuk do të jetë i dukshëm në Amerikë. Gjithsej, mbi 7 miliardë njerëz do të jenë në rrezen e të paktën një pjese të eklipsit, sipas Time and Date,

Ky eklips ndodh vetëm 2.7 ditë para se hëna të arrijë pikën e saj më të afërt me Tokën. Kjo e bën hënën të duket pak më e madhe se zakonisht, duke shtuar spektaklin.

Makina del nga rruga dhe rrokulliset 100 m në greminë, shoferi niset me urgjencë drejt Traumës

Një aksident i rëndë rrugor është regjistruar mesditën e kësaj të diele në një zonë rurale të bashkisë Librazhd, ku një drejtues automjeti ka mbetur i plagosur rëndë.
Ngjarja ka ndodhur rreth orës 1300 në fshatin Zdrajsh, që bën pjesë në Njësinë Administrative Orenjë.

Sipas informacioneve paraprake, mjeti ka dalë nga rruga në një kthesë të fortë dhe më pas është rrokullisur për rreth 100 metra në një terren të thepisur. Si pasojë e aksidentit, drejtuesi i mjetit ka pësuar plagë të shumta dhe fraktura. Ai është nxjerrë nga automjeti i shkatërruar dhe është nisur me autoambulancë me urgjencë drejt Spitalit të Traumës në Tiranë.

Paraprakisht i aksidentuari ndodhet në gjendje të rëndë shëndetësore.

Policia rrugore dhe grupi hetimor ndodhen në vendngjarje dhe po punojnë për zbardhjen e plotë të rrethanave dhe shkaqeve të aksidentit.

Dyshohet se humbja e kontrollit të mjetit për shkak të shpejtësisë ose gjendjes së rrugës së amortizuar mund të ketë çuar në këtë ngjarje të rëndë.

Punimet në rrugën Elbasan-Papër / Pjesë e Korridorit VIII, realizohet 46% e projektit

Përshpejtohen punimet në segmentin Elbasan-Papër, pjesë e Korridorit VIII. Shumë shpejt, pritet që autostrada të bëhet funksionale për qarkullim. Punimet në këtë kantier sipas ARRSH, po vijojnë me ritme të mira, realizimi fizik i projektit ka arritur në masen 46%.

Ky autoritet njofton se kanë përfunduar punimet për gërmimin e trupit të rrugës dhe janë drejt përfundimit punimet për veprat e artit, si: mure gabion, tombino dhe box-e. Paralelisht po punohet edhe me mbrojtjen lumore (pilota).

Ky investim pjesë e Korridorit VIII, do të përmirësojë qarkullimin rrugor me kushte e standarde të larta sigurie. Në përfundim të punimeve kjo do të jetë një autostradë e kategorisë A që plotëson të gjitha kushtet dhe kriteret europiane të lëvizjes.

Korridori VIII është një nga korridoret e rëndësishme PanEuropiane që përshkon Shqipërinë dhe konsiderohet si investim strategjik në infrastrukturë.

1...131415...280Faqja 14 nga 280