Një aksident është regjistruar paraditen e sotme pranë urës te ish-Hotel Dajti në Tiranë, ku një taksi ka përplasur dy fëmijë që lëviznin me monopatinë.Për pasojë, të dy fëmijët janë plagosur rëndë dhe janë dërguar menjëherë në spital për trajtim mjekësor.
Policia ka mbërritur në vendngjarje dhe ka nisur hetimet për të zbardhur shkaqet dhe rrethanat e aksidentit.
Një shpërthim tritoli ka ndodhur mbrëmjen e djeshme në rrugën transballkanike, e vendosur në një godinë biznesi që jepte motorë me qira.Tritoli i është vendosur një biznesi që funksionon si dyqan për shitje dhe servis motomjetesh.
Në ato momente, biznesi ka qenë i mbyllur. Ka vetëm dëme materiale.
Njoftimi i policisë:
Vlorë/Informacion paraprak
Rreth orës 23:00, në lagjen “Bashkimi”, në dritaren e një servisi motorësh, në pronësi të shtetasit V. B., ka shpërthyer një sasi lënde e dyshuar plasëse, ku si pasojë janë shkaktuar vetëm dëme të vogla materiale.
Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar.
Sasia totale e këtij produkti të importuar në Shqipëri është 1200 kg.
Autoriteti Kombëtar i Ushqimit (AKU) ka bllokuar produktin “Red Forest Fruit Cake”, i cili është një pëluhur që përdoret për ëmbëlsira në vendin tonë pas një njoftimi të ardhur nga sistemi europian i alarmit për ushqimin RASFF. Sasia totale e këtij produkti të importuar në Shqipëri është 1200 kg.
RASFF sinjalizoi se në vendin tonë është futur pluhur frutash me origjinë nga Turqia, brenda të cilit ndodhet pigmenti i rrezikshëm për shëndetin e njeriut.
Sipas njoftimit zyrtar të AKU, bëhet fjalë për pigmentin “e kuqe reaktive 141”, një substancë e paautorizuar për përdorim në ushqime dhe me rrezik potencial serioz për shëndetin, e identifikuar fillimisht nga autoritetet greke.
Inspektorët e AKU kanë arritur të bllokojnë 365 kg, ndërsa 835 kg e produktit që përbën risk me ndikim serioz në shëndetin e njeriut rezulton të jetë shitur dhe konsumuar.
‘Njoftim për konsumatorin nga RASFF. Në vijim të njoftimit të kategorisë njoftim informues për ndjekje nga sistemi RASFF ku pas kontrolleve të kryera nga Greqia, është konstatuar “Pigment i paautorizuar (e kuqe reaktive 141) në pluhur frutash, me origjinë nga Turqia”, duke përbërë risk me ndikim potencial serioz për shëndetin e njeriut, ju informojmë si vijon: AKU pas kryerjes së kontrolleve dhe ndjekjes së gjurmueshmësisë, ka bllokuar sasinë e gjetur në subjekte të produktit Red Forest Fruit Cake me destinacion asgjësimin’, thuhet në njoftimin e AKU.
Pigment i paautorizuar i konstatuar te ky produkt (e kuqe reaktive 141) është një bojë sintetike që përdoret kryesisht për ngjyrosjen e tekstileve, veçanërisht pambukut dhe fibrave natyrale. Ky pigment është rreptësisht i ndaluar të përdoret në ushqime dhe produkte kozmetike
Një aksident ka ndodhur pak minuta më parë në aksin Fier-Cakran”.
Dy automjete tip “ Ford” dhe “ Volkswagen” , janë përplasur me njëri- tjetrin dhe si pasoje e goditjes së fortë tre pasagjerẽ kanë mbetur të dëmtuar dhe janë transportuar me urgjencë drejt Spitalit Rajonal Fier , ku po marrin ndihmën mjekësore.
Në vendngjarje kanë shkuar menjëherë shërbimet e policisë dhe grupi hetimor i cili po punon për zbardhjen e shkaqeve të këtij aksidenti .
Fier/Informacion paraprak
Rreth orës 20:30, në vendin e quajtur “Kthesa e Cakranit” automjeti me drejtues shtetasin M. Sh., është përplasur me automjetin me drejtues shtetasin D. Sh.
Si pasojë e përplasjes janë dëmtuar lehtë tre pasagjeret, shtetaset K. C., 25 vjeçe, L. C., 52 vjeçe dhe I. C., 30 vjeçe, të cilat kanë shkuar në spital për të kryer ekzaminimet mjekësore.
Grupi hetimor po punon për sqarimin e plotë të rrethanave dhe shkakut të aksidentit.
Një ligjvënës i Dhomës së Përfaqësuesve po nominon Presidentin Donald Trump për Çmimin Nobel për Paqen, pasi ai ndërmjetësoi një marrëveshje armëpushimi midis Izraelit dhe Iranit.
Lajmi është publikuar nga vetë presidenti i SHBA, Donald Trump në Truth Social.
Përfaqësuesi Buddy Carter, republikan nga Xha., i shkroi Komitetit të Çmimit Nobel për Paqen, duke deklaruar se Trump kishte një “rol të jashtëzakonshëm dhe historik” në përfundimin e “konfliktit të armatosur midis Izraelit dhe Iranit dhe në parandalimin e sponsorizimit më të madh shtetëror të terrorizmit në botë nga sigurimi i armës më vdekjeprurëse në planet”.
Trump deklaroi se “Lufta 12-ditore” po mbaronte vonë të hënën pasdite me një armëpushim që duhej të hynte në fuqi gjatë natës së martë.
Ai përfundon pak më shumë se një javë pasi Izraeli nisi për herë të parë një sulm parandalues kundër Iranit, duke argumentuar se Teherani ishte rrezikshëm afër pajisjes me një armë bërthamore.
Të dy vendet më pas shkëmbyen zjarr me raketa gjatë ditëve në vijim, dhe gjatë fundjavës, SHBA-të nisën sulmet e tyre ajrore në tre nga objektet kryesore bërthamore të Iranit.
Irani u përgjigj duke qëlluar me raketa një bazë ajrore amerikane në Katar të hënën, por jo pa njoftuar paraprakisht zyrtarët amerikanë dhe katarë. Nuk u raportuan të lënduar në atë sulm.Ndikimi i Presidentit Trump ishte thelbësor në arritjen e një marrëveshjeje të shpejtë që shumë e konsideronin të pamundur. Presidenti Trump ndërmori gjithashtu veprime të guximshme dhe vendimtare për të ndaluar ambiciet bërthamore të Iranit dhe për të siguruar që shteti më i madh sponsor i terrorizmit në botë të mbetet i paaftë për të siguruar një armë bërthamore”, shkroi Carter në letrën e tij.
Ai tha se lidershipi i Trump gjatë krizës “shëmbullon pikërisht idealet që Çmimi Nobel për Paqen kërkon të njohë: ndjekjen e paqes, parandalimin e luftës dhe avancimin e harmonisë ndërkombëtare. Në një rajon të pllakosur nga armiqësia historike dhe paqëndrueshmëria politike, një përparim i tillë kërkon si guxim ashtu edhe qartësi”.
Presidenti amerikan Donald Trump është shprehur se të gjithë aeroplanët izraelitë që shkojnë në Iran “do të kthehen në shtëpi” dhe se armëpushimi “është në fuqi”.
Kjo vjen ndërsa presidenti u tha gazetarëve në Shtëpinë e Bardhë se ishte “shumë i pakënaqur” si me Izraelin ashtu edhe me Iranin pas pretendimeve të shumta për shkelje të armëpushimit këtë mëngjes.
Mediat izraelite raportuan më pas se Trump po fliste me kryeministrin e Izraelit, Benjamin Netanyahu.
Presidenti Donald Trump ka deklaruar se të dyja palët si Izraeli ashtu edhe Irani, kanë shkelur marrëveshjen e armëpushimit në Lindjen e Mesme.
Duke folur për gazetarët para nisjes për në samitin e NATO-s në Hagë, Trump u shpreh se nuk është i kënaqur me asnjërën palë, por theksoi: “Jam veçanërisht i pakënaqur me Izraelin.”
Ai shtoi gjithashtu se kapacitetet bërthamore të Iranit “janë eliminuar plotësisht” dhe u shpreh i bindur se Teherani nuk do të mund ta rindërtojë më programin e tij bërthamor
Divjakë/Informacion paraprak
Rreth orës 12:30, në fshatin Kamenicë, automjeti me drejtues shtetasin R. Ç., është përplasur me motomjetin me drejtues një shtetas 15 vjeç.
Si pasojë e përplasjes ka ndërruar jetë 15-vjeçari.
Eshtë shoqëruar në Komisariat drejtuesi i automjetit dhe po kryhen veprimet hetimore procedurale.
Grupi hetimor po punon për sqarimin e plotë të rrethanave dhe shkakut të aksidentit.
