Presidenti i Shteteve të Bashkuara, Donald Trump, deklaroi se ofensiva ushtarake amerikane kundër Iranit ka dobësuar ndjeshëm kapacitetet ushtarake të Teheranit.
“Deri në një masë të madhe, sulmet tona i kanë kthyer ata në Epokën e Gurit”, tha Trump, duke shtuar se që nga fillimi i luftës më 28 shkurt, forcat amerikane kanë shkatërruar 159 mjete lundruese, rreth 200 avionë, sistemet e radarëve, mbrojtjen kundërajrore dhe 84% të kapacitetit të prodhimit të armatimeve të Iranit.
Sipas presidentit amerikan, si rezultat i këtyre operacioneve ushtarake, Irani është “shumë ndryshe” nga sa ishte katër muaj më parë dhe nuk do të jetë më në gjendje “të bëjë rolin e ngacmuesit në Lindjen e Mesme”.
Shifrat dhe pretendimet e paraqitura nga Trump nuk janë verifikuar në mënyrë të pavarur.
