Kryeministrja italiane Giorgia Meloni ka reaguar ndaj presidentit amerikan Donald Trump, pasi ky i fundit ironizoi duke thënë se ajo i kishte kërkuar me ngulm të bënin një foto gjatë Samitit të G7-ës.
Në një video të publikuar në rrjetin social X, Meloni i cilësoi komentet e Trump si “të sajuara” dhe kritikoi mënyrën se si presidenti amerikan sillet me aleatët e SHBA-ve.
“Disa gjëra meritojnë një përgjigje të menjëhershme. Deklaratat e Donald Trump janë të sajuara. Jam e shokuar. Nuk e di pse sillet presidenti i SHBA në këtë mënyrë me aleatët e tij. Është për të ardhur keq që nuk ka të njëjtën vendosmëri me armiqtë e Perëndimit dhe të SHBA”, u shpreh Meloni.
Në fund të reagimit të saj, kryeministrja italiane theksoi: “Ai duhet të kujtojë një gjë: unë dhe Italia nuk lypim kurrë.”
