Sonda kozmike e Indisë, Chandrayaan-3 preku sipërfaqen e Hënës, duke e bërë Indinë vendin e parë që ul me sukses një anije kozmike pranë polit jugor të Hënës.
Të gjitha misionet e mëparshme në Hënë kanë qënë pranë ekuatorit – por eksplorimi i polit jugor është çelësi për kërkimin e ujit. Shkencëtarët tani shpresojnë të vendosin një rover për të dërguar imazhe dhe të dhëna përsëri në Tokë.Brohoritje dhe gëzim i jashtëzakonshëm në sallën e kontrollit të sondëz
Duartrokitje të furishme shpërthyen në sallën e kontrollit të sondës indiane ndërsa vendi, India, shënoi histori.
Kryeministri Narendra Modi u shfaq në ekran duke buzëqeshur dhe duke valëvitur një flamur indian ndërkohë që sonda Chandrayaan-3 bëri një ulje të suksesshme.
“India tani është në Hënë” – thotë Kryeministri Modi
“India është tani në Hënë”, tha kryeministri Modi, duke iu drejtuar shkencëtarëve dhe punonjësve të dhomës së kontrollit të ISRO. Ai ndodhet në Afrikën e Jugut tani, por tha se mendja e tij është me Chandrayaan-3 si gjithë të tjerët në vend.
Kryeministri indian përgëzoi dhomën e kontrollit të sondës kozmike, ISRO dhe të gjithë indianët e tjerë për këtë arritje të rëndësishme.
