Gjykata e Fierit ka caktuar masën e sigurisë “Arrest në burg” për personin nën hetim me inicialet B.B., i dyshuar për veprat penale “Plagosja e rëndë me dashje” dhe “Veprime në kundërshtim me vendimin e gjykatës”.
Vendimi është marrë më 9 nëntor 2026 nga gjyqtarja Bora Shaholli, pas kërkesës së Prokurorisë së Fierit, e përfaqësuar nga prokurorja Oliana Gjergjefi.
Sipas vendimit të gjykatës, masa e sigurisë është caktuar me afat deri më 17 dhjetor 2026. Personi nën hetim akuzohet në bazë të neneve 88/2 dhe 321/2 të Kodit Penal.
Gjykata ka urdhëruar Policinë Gjyqësore për ekzekutimin e vendimit. Ky i fundit mund të ankimohet në Gjykatën e Apelit të Juridiksionit të Përgjithshëm Tiranë brenda pesë ditëve nga njoftimi.
