Një aksident me pasojë vdekjen është regjistruar në Tiranë. Një 87-vjeçar, që lëvizte me biçikletë, ka humbur jetën pasi u përplas nga një motomjet në kryqëzimin e rrugës “Bardhyl” me rrugën “Kongresi i Manastirit”.
Policia bën me dije se drejtuesi i motomjetit, shtetasi S. M., 31 vjeç, është arrestuar nga specialistët e qarkullimit rrugor pas ngjarjes.
I moshuari, identifikuar me inicialet L. P., u dërgua me urgjencë në spital, por nuk arriti t’u mbijetojë plagëve të marra.
Sipas raportimeve, viktima është babai i ministres Adea Pirdeni.
Ndërkohë, grupi hetimor po vijon punën për zbardhjen e plotë të rrethanave të aksidentit.
