Kryeministri Edi Rama ka ndarë sot në rrjetet sociale pamje nga një destinacion turistik jo fort i zakonshëm: plazhi në lumin Vjosë.
Në dy fotot e publikuara nga Kryeministri Rama ,lumi i egër dhe natyra përreth shfaqen si një atraksion i ri për pushuesit që kërkojnë freski larg bregdetit. Pamjet tregojnë njerëz të cilët shfrytëzojnë brigjet e Vjosës për plazh, duke e kthyer lumin në një pikë tërheqëse në kulmin e verës.
