Lirohet ish-Përfaqësuesja e BE -Federica Mogherini, e cila u ndalua të martën pasdite në Belgjikë

Lirohet ish-Përfaqësuesja e Lartë e BE-së për Politikën e Jashtme Federica Mogherini, e cila u ndalua të martën pasdite në Belgjikë, si pjesë e hetimit për tenderin për një projekt për të krijuar një kurs pasuniversitar të financuar nga BE-ja për diplomatë të rinj në Kolegjin Evropian në Bruges.

Agjencia e lajmeve Agi raporton se Mogherini u ndalua së bashku me dy italianë të tjerë, Ambasadorin Stefano Sannino, ish-Sekretar i Përgjithshëm i EEAS, organit evropian që kishte iniciuar tenderin prej 990,000 eurosh për kursin në vitin 2021-22 në Kolegjin Evropian. Po ashtu u ndalua dhe Cesare Zegretti, menaxher i të njëjtit kolegj prestigjioz të Bruges. 

Akuzat e ngritura nga Zyra e Prokurorit Federal në Bruges dhe Zyra e Prokurorit Publik Evropian (EPPO) përfshijnë mashtrim në prokurimin publik, korrupsion, konflikt interesi, shkelje të sekretit profesional dhe konkurrencë të padrejtë.

Anëtar i PD-së kritika Berishës : Demokratët të demoralizuar, strukturat mezi po formohen

Gjatë takimit të radhës të “Foltores” në njësinë nr. 9 në Tiranë, një nga anëtarët e Partisë Demokratike ka adresuar publikisht pakënaqësi të thella lidhur me funksionimin e brendshëm të partisë dhe mungesën e motivimit te demokratët.

Ai i kërkoi Sali Berishës që të vendosë standarde të qarta llogaridhënieje për deputetët, duke theksuar se shumë prej tyre nuk kanë sjellë rezultatet e pritura.

“Kur filloi Foltorja ishim të gjithë entuziastë. Mendonim se deputetët që nuk performonin do të mbaheshin përgjegjës. Përkundrazi, disa prej tyre edhe pse kanë dështuar, janë promovuar. Kjo na demoralizon,” tha ai.

Sipas tij, baza e PD-së është në gjendje të dobësuar:

“Është e lehtë të jesh deputet me rrogë në opozitë, por e vështirë për ne demokratët e thjeshtë. Sot demokratët janë të demotivuar dhe me zor po mbushim komisionet.”

Takimet e “Foltores” po vijojnë, ndërsa anëtarësia po shpreh gjithnjë e më hapur pakënaqësitë dhe kërkesat për reformim brenda partisë.

Kushtetuesja shqyrton të enjten kërkesën e Ramës për pezullimin e Ballukut

Të enjten, Gjykata Kushtetuese do të marrë në shqyrtim kërkesën e paraqitur nga Kryeministri Edi Rama lidhur me çështjen e pezullimit të zëvendëskryeministres Belinda Balluku. Seanca pritet të sqarojë nëse vendimi për pezullimin e saj do të mbetet në fuqi apo do të rrëzohet.

Kjo çështje ka ngjallur debat të gjerë politik dhe institucional, pasi lidhet me interpretimin e kompetencave midis pushtetit ekzekutiv dhe atij ligjvënës. Vendimi i Gjykatës Kushtetuese do të jetë përcaktues për vijimin e procesit dhe për pozicionin zyrtar të Ballukut në qeveri.

© NeoAlb

Konsumoi fotoksinë, ndërron jetë në spital 15-vjeçari

Një 15-vjeçar ka ndërruar jetë në spital, pasi dyshohet se kishte konsumuar fotoksinë.

Policia e Elbasanit thotë se fillimisht 15-vjeçari u paraqit në spitalin e Elbasanit dhe më pas u transportua drejt QSUT, ku edhe humbi jetën

Elbasan/Në Spitalin Rajonal Elbasan është dërguar për mjekim një 15-vjeçar, i cili më pas është dërguar në QSUT, por pavarësisht ndërhyrjeve mjekësore, ai ka humbur jetën.

Nga veprimet e para hetimore dyshohet se 15-vjeçari ka konsumuar fotoksinë. Materialet procedurale për rastin iu referuan Prokurorisë, për vlerësim.

Gjenerata Z në Shqipëri: Brezi më digjital, më i stresuar dhe më emigrues në historinë e vendit

Gjenerata Z, që përfshin të rinjtë e lindur midis viteve 1997 dhe 2012, paraqitet si brezi më i veçantë dhe njëkohësisht më i sfiduar në Shqipëri. Të rritur mes teknologjisë së shpejtë dhe ndryshimeve të mëdha sociale, ata shfaqin karakteristika që i dallojnë qartë nga brezat paraardhës.

Sipas analizave sociologjike, kjo gjeneratë është brezi më digjital në historinë shqiptare, me përdorim dominant të platformave si TikTok, Instagram dhe YouTube që në moshë të hershme. Kjo ka sjellë një ritëm të ri konsumimi të informacionit, por edhe rritje të presionit social dhe nivelit të ankthit.

Në aspektin ekonomik, të rinjtë shqiptarë të kësaj moshe rezultojnë jashtëzakonisht pragmatikë dhe të orientuar drejt të ardhurave, duke mos pranuar paga të ulëta dhe kushte jo konkurruese. Pikërisht për këtë arsye, Gjenerata Z përbën sot brezin më emigrues në Shqipëri, me shumë prej tyre që synojnë largimin që në moshën 16–18 vjeç, kryesisht drejt vendeve të BE-së.

Edhe pse kanë aftësi të larta teknologjike, të rinjtë përballen me një sistem arsimor që shpesh konsiderohet të jetë pas kohës, me mungesë praktikash profesionale dhe me kushte të kufizuara moderne. Kjo krijon boshllëk mes aftësive të tyre dhe kërkesave të tregut.

Ndërkohë, në aspektin social, Gen Z është më e hapura ndaj temave të ndjeshme si shëndeti mendor, identiteti personal dhe barazia, duke sfiduar shpesh normat tradicionale të shoqërisë shqiptare.

Ekspertët theksojnë se përmirësimi i kushteve të punës, forcimi i meritokracisë dhe modernizimi i arsimit janë faktorë kyç për të frenuar largimin masiv dhe për të përfituar nga potenciali i këtij brezi.

© NeoAlb

Prokuroria Fier dërgon në gjyq shtetasen A.B., e cila në cilësinë e avokates mashtroi disa persona duke u marrë shuma monetare pa hapur asnjë proces gjyqësor

Prokuroria pranë Gjykatës së Shkallë së Parë të Juridiksionit tëPërgjithshëm Fier, përfundoi hetimet dhe dërgon në gjyq shtetasen A.B. për veprën penale ‘Mashtrimi’ më shumë se njëherë parashikuar nga neni 143/2 i Kodit Penal.

Nisur nga fakti që për këtë shtetase janë bërë edhe kallëzime të tjera nga shtetas të ndryshëm, me këtë procedim janë bashkuar edhe kallëzimi penal nr. 246/2021, procedimet nr. 724 i vitit 2019, nr. 734 i vitit 2019, nr. 95 i vitit 2020, nr. 111/2020, nr. 728 vitit 2019 dhe nr. 512 i vitit 2020.

Nga hetimet, mbi procedimin penal nr.181, datë 16.03.2018, pas denoncimeve të bëra nga shtetas të ndryshëm, rezultoi se e pandehura A.B. në cilësinë e avokates nëpërmjet gënjeshtrës i ka përvetësuar personave të ndryshëm, shuma të ndryshme monetare me pretendime se kjo vlerë i duhej për përfaqësimin si avokate, por në fakt, nga ana e të pandehurës, nuk është hapur asnjë proces gjyqësor apo nuk janë kryer veprimet aministrative apo procedurale të pretenduara prej saj. 

Për ta bërë të besueshme pretendimin e saj, në raste të caktuara, ajo i ka dorëzuar shtetasve akte që përmbajtja e tyre nuk përfaqësonte realitetin. Kjo mënyrë veprimi nga e pandehuraështë përdorur edhe në raste të tjera dhe përgjithësisht tëdëmtuarit identifikoheshin shtetas të cilët jetonin jashtë territorit dhe nuk kishin mundësi të ishin prezent në çdo kohë në Shqipëri dhe nuk kishin informacione në lidhje me procedurat gjyqësore apo administrative që pretendonte që ndiqte avokatja në emër të tyre.

Në përfundim të hetimeve, organi i akuzës ka dërguar për gjykim të pandehurën A.B për veprën penale “Mashtrimi” më shumë se njëherë, në dëm të viktimave A.S, K.S, O.Sh dhe D.L, parashikuar nga neni 143/2 i Kodit Penal dhe të veprës penale “Mashtrimi”, me pasoja të rënda, në dëm të viktimës M.Sh, parashikuar nga neni 143/3 i Kodit Penal dhe për veprën penale “Falsfikimi i dokumentave”, parashikuar nga neni 186 pg.3 i Kodit Penal.  

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për hetimin dhe vënien para përgjegjësisë ligjore të personave që kryejnë vepra penale që prekin pasurinë dhe të drejtat ekonomike të subjekteve të dëmtuar.

Federica Mogherini arrestohet në Bruksel, nën hetim për mashtrim dhe korrupsion në kontratat e BE-së

Federica Mogherini, ish-Përfaqësuese e Lartë e Bashkimit Europian për Politikën e Jashtme dhe aktualisht Rektore e Kolegjit të Evropës, është ndaluar nga autoritetet belge si pjesë e një hetimi për mashtrim dhe korrupsion, raportojnë mediat prestigjioze belge Le Soir dhe De Standaard.

Sipas këtyre burimeve, gjatë ditës së sotme policia belge ka kryer kontrolle në Shërbimin e Veprimit të Jashtëm të BE-së (EEAS) në Bruksel, si dhe në disa ndërtesa të Kolegjit të Evropës në Bruges. Hetimi lidhet me mënyrën se si Kolegji i Evropës ka fituar një kontratë për organizimin e një programi trajnimi nëntëmujor për diplomatët e rinj europianë, të njohur si Akademia Diplomatike e BE-së.

Autoritetet po hetojnë dyshimet për favorizim, konkurrencë të padrejtë, mashtrim në dhënien e kontratave publike, korrupsion, konflikt interesi dhe shkelje të sekretit profesional. Faktet e pretenduara i përkasin periudhës 2021–2022.

Nga operacioni janë ndaluar gjithsej tre persona, mes tyre edhe Mogherini, sipas raportimeve të Le Soir. Deri në këto momente, Prokuroria Federale belge nuk ka dhënë ende një deklaratë publike që të konfirmojë zyrtarisht emrat e të arrestuarve, ndërsa as Mogherini dhe as institucionet e BE-së nuk kanë reaguar.

Hetimi pritet të zgjasë dhe të sjellë zhvillime të tjera, ndërsa pritet deklarata zyrtare e autoriteteve belgë.

Fier – Denoncon humbjen e kontakteve me të birin që ishte larguar në Kroaci

Në Komisariatin e Policisë Fier është paraqitur shtetasi M. A., i cili ka kallëzuar se ka humbur kontaktet me djalin e tij, 43-vjeçarin E. A. Sipas denoncuesit, i biri ishte larguar në Kroaci prej tre muajsh dhe që prej asaj kohe nuk ka pasur më asnjë komunikim me familjen.

Policia bën me dije se vijon puna për gjetjen e 43-vjeçarit dhe sqarimin e rrethanave të largimit të tij.

Materialet procedurale janë referuar në Prokurorinë e Fierit për veprime të mëtejshme.

1...535455...302Faqja 54 nga 302