Përveç rritjes së përgjithshme të çmimeve në tregje dhe njësi tregtimi, qytetarët e Fierit po përballen edhe me rritje fiktive të çmimeve në produkte të ndryshme, që nga artikujt ushqimorë e blegtoralë, deri te veshjet dhe mallrat e tjera të konsumit.

E ashtuquajtura “paqe fiskale” për bizneset duket se po shndërrohet në një mekanizëm që favorizon tregtarët, të cilët jo vetëm po përfitojnë, por edhe po shkelin hapur ligjin, duke abuzuar me çmimet dhe duke rënduar xhepin e konsumatorit.

Sipas ankesave të qytetarëve, shumë njësi tregtimi:

• nuk i kanë çmimet të afishuara,
• i ndryshojnë ato në mënyrë arbitrare,
• dhe nuk lëshojnë kupon tatimor, duke fshehur të ardhurat reale.

Ndërkohë, mesohet se inspektoret e Drejtorise së Monitorimit të Tatim-Taksave në Fier nuk kanë hapësirë për kontrolle efektive, pasi janë orientuar nga Drejtoria e Përgjithshme që të mos ndërhyjnë apo ndëshkojnë bizneset, edhe në rastet kur evidentohen shkelje të qarta.

Në këtë situatë, qytetarët ndihen të pambrojtur, ndërsa mungesa e kontrollit po krijon terren për abuzim të hapur dhe informalitet, në dëm të konsumatorit dhe të ekonomisë

Drejtoria Vendore e Policisë Fier

Specialistët e Sektorit të Qarkullimit Rrugor arrestuan shtetasit R. B., 45 vjeç, banues në Fier dhe B. M., 37 vjeç, banues në Roskovec, pasi drejtonin automjetin, në gjendje të dehur.

Gjithashtu, referuan materialet në Prokurori ku nisi procedimi penal për një shtetas 15 vjeç, pasi duke drejtuar një motomjet, pa leje drejtimi, ka përplasur një automjet, me pasojë dëme materiale.

Specialistët për Hetimim e Krimeve të Komisariatit të Policisë Fier arrestuan shtetasin E. H., 36 vjeç, banues në fshatin Zhupan, pasi ka thyer masën e sigurisë “Arrest në shtëpi”.

Materialet procedurale iu referuan Prokurorisë së Fierit, për veprime të mëtejshme.

Fier/Dje, në fshatin Buzëmadh, është gjetur nga familjarët, pa shenja jete, shtetasi M. L., 52 vjeç, i cili dyshohet se është vetëvarur.

Grupi hetimor po punon për dokumentimin e rrethanave të rastit.

DVP Fier

Porositi një vrasje të mbetur në tentativë për motive gjakmarrjeje, 34-vjeçari dënohet me 25 vite burg.

Specialistët për Hetimin e Krimeve të Rënda në DVP Fier ekzekutuan vendimin e Gjykatës së Fierit, e cila e dënoi me 25 vite burg, për veprën penale “Vrasja në rrethana cilësuese”, e mbetur në tentativë, shtetasin:
L. H., 34 vjeç, banues në fshatin Garunjas, Lushnjë.

Ky shtetas ndodhej nën masën e sigurisë “Arrest në shtëpi”, pasi dyshohej se kishte porositur vrasjen e shtetasit M. H., në vitin 2023.

Nga hetimet rezultoi se shtetasi L. H. kishte paguar shtetasin M. M., 31 vjeç (aktualisht i dënuar), i cili ka qëlluar me armë zjarri në drejtim të një automjeti, me qëllim vrasjen e shtetasit M. H.

Si pasojë e të shtënave, mbeti e plagosur shtetasja B. S., e cila udhëtonte në të njëjtin automjet me shtetasin M. H.

Me urdhër të Prokurorisë, pas atentatit në Rrilë të Lezhës, është ndaluar efektivi i policisë i identifikuar si Besart Kovaçi.

Polici akuzohet për veprën penale të shpërdorimit të detyrës, teksa ende nuk dihen arsyet e plota.

Kujtojmë se efektivi ishte rastësisht prezent brenda në berberhanen, ndaj të cilës u qëllua me breshëri plumbash. Gjatë sulmit, efektivi u është kundërpërgjigjur autorëve me armën e shërbimit.

Raportohet se në zonën e Lezhës po kryhen kontrolle të imtësishme për kapjen e autorëve të atentatit. Atentati i rëndë ndodhi mbrëmjen e djehsme dhe viktimë mbeti Sokol Daçi.

Autorët kanë qëlluar mbi 30 plumba në drejtim të sallonit të berberit dhe viktima është goditur me tre plumba në trup. Shënjestër e atentati ishte 21-vjeçari Merando Nikulaj, nipi i Ardian Nikulaj.

Kreu i partisë Demokratike Sali Berisha në “Foltoren” para kryeministrisë i bëri thirrje qytetarëve që të bashkohen masivisht kundër regjimit dhe korrupsionit.

Berisha u shpreh beteja për dinjitetin vazhdon dhe se nuk do të ndalet, Gjithashtu akuzoi kryeministrin Rama se ka kthyer Shqipërinë, ‘në portën kryesore të trafikut të drogës’. Më tej nënvizoi se në protesta do të dalin deri në fitore.

“Ju përfaqësoni guximin, kurajën, vendosmërinë. I përshëndes të gjithë ata shqiptarë që lebetitën një regjim antishqiptar, një regjim armik të kombit. Me protestën e tyre dërguan në të katër anët e botës, mesazhin e qytetarëve shqiptarë që nuk pajtohen kurrë me një regjim që i plaçkit çdo ditë. Nuk pajtohen me regjimin që e ka shndërruar Shqipërinë në portën kryesore të helmeve të drogës. Kjo betejë është për dinjitetin tonë, dinjitetin kombëtar”, tha Berisha, duke shtuar: “Nuk e kemi të lehtë, por jemi të vendosur. Ne do të luftojmë këtu do bëjmë gjithçka të përmbysim këtë të keqe dhe për t’i kthyer ëndrrën shqiptarëve”.

Debat brenda grupit parlamentar të PD-së për bojkotin e reformave Zgjedhore dhe Territoriale

Në mbledhjen e mbyllur të Grupit Parlamentar të Partisë Demokratike, disa deputetë shprehën kundërshtimin ndaj vendimit për bojkotin e reformave Zgjedhore dhe Territoriale.

Mesohet se, mes deputetëve që kërkuan pjesëmarrjen në komisionet përkatëse janë Bledjon Nallbati, Xhelal Mziu, Oerd Bylykbashi, Ina Zhupa, Tritan Shehu, Bledi Himçi, Enno Bozdo, Luan Baçi dhe Arjan Ndoja. Ata argumentuan se pjesëmarrja në proceset e reformës është e domosdoshme për përfaqësimin e opozitës dhe ndikimin në proces.

Kryetari i PD-së, Sali Berisha, i cili udhëhoqi mbledhjen, deklaroi se vendimi përfundimtar mbi bojkotin e reformave do të merret nga Kryesia e partisë, duke lënë të hapur diskutimin brenda radhëve të deputetëve.

Drejtoria Vendore e Policisë Fier

Specialistët për Hetimin e Krimeve të Komisariatit të Policisë Fier arrestuan shtetasit E. K., 37 vjeç, dhe L. D., 29 vjeç, pasi janë konfliktuar fizikisht dhe me sende të forta, me njëri-tjetrin, për motive të dobëta.

Specialistët për Hetimin e Krimeve të Komisariatit të Policisë Divjakë arrestuan shtetasin K. M., 68 vjeç, banues në Lushnjë, pasi ka thyer masën e sigurisë “Arrest në shtëpi”.
Gjithashtu, referuan materialet në Prokurori ku nisi procedimi penal për shtetasin E. C., 42 vjeç, banues në Divjakë, pasi në kundërshtim me vendimin e Gjykatës, i është afruar ish-bashkëshortes së tij.

Specialistët për Hetimin e Krimeve të Komisariatit të Policisë Lushnjë referuan materialet në Prokurori ku nisi procedimi penal për shtetasen E. H., 42 vjeçe, banuese në Lushnjë, pasi ka ushtruar dhunë ndaj nënës së saj.

Specialistët për Hetimin e Narkotikëve të DVP Fier referuan materialet në Prokurori ku nisi procedimi penal për shtetasin E. D., 22 vjeç, banues në Rrogozhinë, pasi gjatë kontrollit fizik, shërbimet e Policisë i gjetën një sasi lënde të dyshuar narkotike kanabis.

Specialistët e Qarkullimit Rrugor të DVP Fier referuan materialet në Prokurori ku nisi procedimi penal për shtetasin A. M., 18 vjeç, banues në fshatin Krutje, Lushnjë, pasi drejtonte pa leje drejtimi, një motomjet pa targa.

Materialet procedurale iu referuan Prokurorisë së Fierit, për veprime të mëtejshme.

Divjakë/Dje, në fshatin Fierseman, është gjetur nga familjarët, pa shenja jete, shtetasi G. S., 54 vjeç, i cili dyshohet se është vetëvarur.

Grupi hetimor po punon për dokumentimin e rrethanave të rastit.