Një sasi e konsiderueshme lënde e rrezikshme është zbuluar pasditen e së shtunës afër një hoteli në qytetin bregdetar të Durrësit, objekt në pronësi të ish-kreut të bashkisë, Vangjush Dako. Ngjarja ka ndodhur në lagjen nr.1, në afërsi të gjimnazit “Gjergj Kastrioti”.

Pajisja, që dyshohet të ketë përmbajtje eksplozive të llojit tritol, ishte e montuar bashkë me një telefon celular – një shenjë që lë të kuptohet se mund të ishte e përgatitur për t’u aktivizuar në distancë. Menjëherë pas njoftimit, shërbimet e rendit dhe njësitë xheniere kanë mbërritur në vendin e ngjarjes. Zona është izoluar për arsye sigurie dhe më pas është realizuar një shpërthim i komanduar, për të neutralizuar rrezikun.

Deri tani nuk ka persona të dyshuar për vendosjen e mjetit shpërthyes, ndërsa autoritetet kanë nisur këqyrjen e pamjeve nga kamerat e sigurisë në zonë, me qëllim identifikimin e autorit apo autorëve të mundshëm.

Në vitin 2024, në Bashkimin Europian u lëshuan 3.5 milionë leje qëndrimi të para për shtetasit jashtë territorit, një rënie prej 8.3% krahasuar me vitin 2023. Punësimi mbeti arsyeja kryesore, duke përbërë 31.9% të totalit ose plot 1.1 milion leje.

Por si paraqitet situata për Shqipërinë? Sipas të dhënave të Agjencisë Europiane të Statistikave, gjatë vitit 2024 lidhur me lejet e para sipas arsyes, kohëzgjatjes së vlefshmërisë dhe shtetësisë BE ka aprovuar rreth 66 mijë leje të para për shtetas shqiptarë. Shumica dërrmuese lidhet me arsye familjare, me plot 34 mijë leje, ndërsa rreth 2 mijë iu dhanë për studime dhe afro 11 mijë për arsye të paspecifikuara.

Kur krahasohet me vendet e tjera të rajonit, Shqipëria mbetet në krye sa i përket numrit të lejeve të para të lëshuara. Pas saj renditet Serbia me rreth 46 mijë leje, ndërsa Kosova dhe Maqedonia e Veriut kanë përkatësisht 38 mijë dhe 39 mijë leje. Edhe Bosnja dhe Hercegovina ka regjistruar një numër të lartë lejesh, rreth 39 mijë, por Mali i Zi duket se ka përjetuar një ulje të ndjeshme, me vetëm 3,200 leje të para.

Analiza e arsyeve për marrjen e lejeve të qëndrimit tregon një mozaik të ndryshëm sipas shtetësisë. Për shtetasit e Ukrainës, Bjellorusisë dhe Indisë, arsyeja më e shpeshtë ishte punësimi, duke përbërë 72.5%, 55.2% dhe 43.9% përkatësisht. Nga ana tjetër, shtetasit e Afganistanit, Sirisë dhe Bangladeshit përfituan më shumë leje për arsye të mbrojtjes ndërkombëtare, me përqindje që varionin nga 40.8% deri në 85.4%. Për shtetasit e Marokut, Kolumbisë dhe Turqisë, arsyet familjare dominuan, duke përbërë deri në 46.6% të lejeve të dhëna, ndërsa për shtetasit e Kinës arsye kryesore ishin studimet, me 34.1% të lejeve të lëshuara. Këto të dhëna tregojnë qartë se motivet e migrimit ndryshojnë ndjeshëm sipas shtetësisë dhe situatës socio-ekonomike të vendeve përkatëse.

Fermerët në Fier dhe Roskovec po përballen me vështirësi të mëdha për shitjen e prodhimeve bujqësore. Ata ankohen se mungesa e tregut i detyron të pranojnë çmime shumë të ulëta nga tregtarët, të cilët më pas i rishesin produktet në Tiranë dhe qytete të tjera me disa herë më shumë.

“Ne i shesim prodhimet lirë, vetëm që të mos na prishen. Pastaj i shohim në tregjet e qyteteve të mëdha me pesëfishin e çmimit,” – shprehen fermerët, duke theksuar se kostot e larta të punës dhe mungesa e një zinxhiri të drejtë tregtimi i kanë vënë në vështirësi ekonomike.

Fermerët kërkojnë zgjidhje nga institucionet për krijimin e tregjeve lokale funksionale dhe garantimin e një çmimi të drejtë për prodhimet e tyre.

TJETËR LAJM I MIRË – Shqiperia nuk ndalet🦅
Te marten, date 16 shtator, Presidenca Daneze e BE-se na fton që në praninë e Ministrave të Jashtëm të të gjitha vendeve anëtare, të hapim edhe 4 kapituj të tjerë të negociatave për anëtarësim, të cilët u shtohen 24 kapitujve që kemi hapur në vetëm 11 muaj – një rekord absolut për shpejtësinë e një procesi negociatash.
Agjenda e Gjelbër dhe Ndërlidhja e Qendrueshme, mbi fusha te rendësisë jetike, si Transporti, Energjia, Rrjetet Transeuropiane dhe Mjedisi, janë tanimë në tryezë. U vendos edhe tjetër gur kilometrik në rrugën drejt majës së Shqipërisë 2030 në BE🇦🇱✋🇪🇺

Drejtoria Vendore e Policisë Fier

Specialistët e Sektorit të Qarkullimit Rrugor arrestuan në flagrancë shtetasit:
-A. H., 33 vjeç, banues në Fier dhe E. B., 30 vjeç, banues në Lushnjë, pasi u kapën duke drejtuar automjetet, në gjendje të dehur;
-F. M., 63 vjeç, banues në Çermë Sektor, pasi mëngjesin e sotëm, rreth orës 05:00, në fshatin Cermë Sektor, duke drejtuar automjetin ka humbur kontrollin mbi drejtimin e automjeti, i cili ka dalë nga rruga. Si pasojë ka humbur jetën pasagjerja, shtetasja M. S., 47 vjeçe, si dhe janë dëmtuar dhe ndodhen në spital, në kujdesin e mjekëve, pasagjerët A. M., 37 vjeçe, një shtetas 15 vjeç, si edhe vet drejtuesi i automjetit.

Specialistët për Hetimin e Krimeve të Komisariatit të Policisë Fier ndaluan shtetasin M. M., 41 vjeç, banues në fshatin Çlirim, pasi dyshohet se ka ushtruar dhunë ndaj bashkëshortes dhe vajzave të tij.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, për vlerësim, pasi në lagjen “Clirimi”, është gjetur dyshohet i vetëvarur në një pemë, shtetasi F. Gj., 44 vjeç, i shpallur në kërkim në datë 21.08.2025, pas kallëzimit të bërë nga motra e tij për largim nga banesa.

Specialistët për Hetimin e Krimeve të Komisariatit të Policisë Mallakastër referuan materialet në Prokurori, ku nisi procedimi në gjendje të lirë për shtetasin R. R., 42 vjeç, banues në Belishovë, pasi dyshohet se ka përndjekur ish-bashkëshorten e tij.

Materialet procedurale iu referuan Prokurorisë së Fierit, për veprime të mëtejshme.