Një aksident rrugor është regjistruar mëngjesin e sotëm në aksin nacional Berat–Dimal, në zonën e Moravës, ku dy automjete janë përplasur me njëra-tjetrën gjatë një tentative për parakalim.

Si pasojë e përplasjes, janë plagosur drejtuesit e të dy mjeteve, Kristaq Stefa, 69 vjeç, banues në Kuçovë, dhe shtetasi me inicialet S.Z., 52 vjeç, banues në Berat. Të lënduarit janë transportuar fillimisht drejt Spitalit Rajonal Berat, ku morën ndihmën e parë mjekësore, dhe më pas janë dërguar për trajtim më të specializuar në Spitalin e Traumës në Tiranë.

Në vendngjarje kanë ndërhyrë forca të shumta policore, të cilat kanë kryer veprimet e nevojshme për dokumentimin e aksidentit dhe përcaktimin e shkaqeve dhe rrethanave të tij.

DVP Fier / Ekzekutohet nga Sektori për Hetimin e Krimeve të Rënda një urdhër ndalimi.

I shpallur në kërkim për veprën penale “Vrasje me dashje”, mbetur në tentativë, vihet në pranga një 29-vjeçar.

Specialistët e Sektorit për Hetimin e Krimeve të Rënda të DVP Fier ekzekutuan urdhrin e ndalimit për shtetasin F. Ç., 29 vjeç, banues në Fier.

Ky shtetas, më datë 26.02.2026, dyshohet se, pas një konflikti për motive të dobëta, ka përplasur me qëllim, me automjetin e tij, shtetasin S. N., 45 vjeç, dhe bashkëshorten e tij, shtetasen E. N. (M)., 35 vjeçe. Të dëmtuarit morën ndihmë mjekësore në spital dhe më pas u larguan për në banesë.

Në vijim të veprimeve proceduriale u ndalua shtetasi F. Ç., 29 vjeç, banues në Fier, për veprën penale “Vrasje me dashje”, mbetur në tentativë.

Materialet procedurale iu referuan Prokurorisë së Fierit për veprime të mëtejshme.

Drejtori i burgut të Rrogozhinës, Bilal Hasa, është liruar nga paraburgimi, ndërsa hetimet për dy magazinat e kanabisit të zbuluara në Peqin do të vazhdojnë në gjendje të lirë. Për rastin, është shpallur në kërkim vëllai i tij.

Policia njoftoi se gjatë operacionit të zhvilluar të enjten në fshatin Kurtaj, njësia administrative Gjocaj, u kontrollua bodrumi i një magazine, ku u gjetën dy ambiente të përshtatura për kultivimin e bimëve narkotike me llamba, me rreth 4,000 bimë kanabis.

“Bazuar në informacionet operative dhe në kuadër të planit për goditjen e kultivimit të bimëve narkotike në ambiente të mbyllura, shërbimet e Policisë, në kuadër të operacionit të koduar ‘Kurtaj’, ushtruan kontrollin në bodrumin e magazinës. Ambienti rezultoi në pronësi të shtetasit Bilal Hasa, i cili u shpall në kërkim. Po ashtu, për veprën penale ‘Shpërdorimi i detyrës’, është shpallur në kërkim edhe shtetasi E. M., përgjegjës i OSHEE-së për zonën e Peqinit”, njoftoi Policia e Shtetit.

Qeveria ka vendosur të ngrejë Bordin e Transparencës pasi çmimi i naftës në treg arriti në 214 lekë.Deklaratën e bëri të ditur Ministrja e Ekonomisë, Delina Ibrahimi gjatë një lidhje live në Top Story në Top Channel.

“Sapo kam dalë nga një mbledhje e gjatë në Kryeministri, me kryeministrin, ministrin e Financave, ministrin e Energjetikës, për të analizuar në detaje situatën. Duke parë ecurinë e ditëve të fundit dhe ndikimin e sulmeve të ditëve të fundit kemi vendosur të ngremë Bordin e Transparencës. Bordi ngrihet me vendim të Këshillit të Ministrave. Ne kemi vendosur të ndërhyjmë edhe në çmimin e akcizës duke e reduktuar në 20%. Janë dy akte të cilat do t’i kalojnë Këshillit të Ministrave. Akciza është te 40 lekë dhe do të ulet te 20%. Do të marrim parasysh taksat dhe për çmimin e shumicës do të ketë një marzh 3 lekë për litër, ndërsa për pakicën 12 lekë për litër. Me anë të këtij mekanizmi garantojmë që çmimet do të jenë të kontrolluara dhe nuk do të ketë asnjë abuzim”, deklaroi Ibrahimaj.Bordi mblidhet sa herë ka një ndryshim të qenësishëm të çmimit të bursës për përcaktimin e çmimeve që janë tavan dhe mbi të cilat nuk mund të tregtohet. Shkelja nga ana e tregtarëve e çmimeve të miratuara nga Bordi i Transparencës përbën një penalitet që çon në pezullimin e licencës”.

Policia ka dalë me njoftim zyrtar lidhur me operacionin e zhvilluar të enjten ku u zbulua një shtëpi bari në Peqin, në banesën e drejtorit të burgut të Rrogozhinës, Bilal Hasa.

Ky i fundit u shpall në kërkim bashkë me shtetasin E. M., me detyrë përgjegjës i OSHEE-së për zonën e Peqinit.

“Në vijim të planit të masave për evidentimin dhe goditjen e kultivimit të bimëve narkotike në ambiente të mbyllura, bazuar edhe në informacionet e siguruara në rrugë operative, shërbimet e Policisë në kuadër të operacionit policor të koduar “Kurtaj”, ushtruan kontroll në fshatin Kurtaj, njësia administrative Gjocaj.

Gjatë kontrollit, në bodrumin e një magazine, u konstatuan 2 ambiente të përshtatura për kultivimin e bimëve narkotike me anë të llambave, ku ishin kultivuar rreth 4000 bimë kanabis.

Nga veprimet hetimore rezultoi se ambienti është në pronësi të shtetasit Bilal Hasa., i cili u shpall në kërkim.

Në vijim të veprimeve, për veprën penale “Shpërdorimi i detyrës”, u shpall në kërkim edhe shtetasi E. M., me detyrë përgjegjës i OSHEE-së për zonën e Peqinit.

Shërbimet e Policisë vijojnë punën për kapjen e tyre.

Operacioni, nën drejtimin e Prokurorisë Elbasan, vijon, ndërsa po punohet intensivisht për identifikimin dhe nxjerrjen përpara përgjegjësisë penale të personave të tjerë të përfshirë në këtë veprimtari kriminale”, tha policia.