Ka vdekur në moshën 78 vjeçare ish-kryeministri në ekzil i Kosovës, Bujar Bukoshi.

Bukoshi ka qenë duke vuajtur nga një sëmundje e rëndë shëndetësore. Bujar Bukoshi, ka lindur më 13 maj 1947 në Suharekë.Ai u diplomua në Fakultetin e Mjekësisë të Universitetit të Beogradit. Pas kthimit në Kosovë, punoi si mjek në Suharekë.

Bukoshi është një nga themeluesit e Lidhjes Demokratike të Kosovës. Ai ishte edhe zëvendëskryeministër i Kosovës në kabinetin e dytë Thaçi nga viti 2011 deri në vitin 2014.

Bujar Bukoshi ka qenë kryeministër i Qeverisë së Përkohshme të Kosovës në ekzil nga viti 1991 deri në vitin 2000.

Këshilltari juridik i Partisë Demokratike, Marash Logu, në një intervistë ne media komentoi vendimin e Komisionit të Ankesave dhe Sanksioneve (KAS) për rinumërimin e votave në qarkun e Fierit. Ai theksoi se kjo nismë u kërkua nga partia “Shqipëria bëhet” dhe PD e mbështeti fuqishëm, duke e konsideruar vendimin si një hap drejt drejtësisë zgjedhore.

Marash Logu: Rinumërimi i votave në Fier është bërë si kërkesë nga ‘Shqipëria bëhet’ dhe ne si PD e kemi mbështetur këtë nismë. Vendimi është i drejtë. Edhe OSBE ODIHR ka dhënë përfundime se zgjedhjet kanë pasur probleme të shumta. Parregullsitë kanë qenë të rënda, duke cënuar procesin zgjedhor. Strukturat e PD kanë vlerësuar se duhet hapje kutish dhe rivlerësim. KAS nuk do që të bëjë drejtësi zgjedhore, më shumë dëshiron të certifikojë farsën e 11 majit. Ne pamë një shtet elektoral, ku shteti ishte shkrirë me partinë. OSBE ODIHR thotë se shteti është përfshirë në zgjedhje dhe nuk kishte garë të barabartë dhe kur ndodh kjo, njëra palë ka avantazhe dhe kjo përkthehet në shifra e rezultat konkret. KAS nuk do që të kuptojë se çfarë ka ndodhur me votën e diasporës, e gjithashtu nuk është marrë me favoret që ka bërë qeveria, pak para zgjedhjeve.

Miq dhe të afërt të Luan Llanajt dhe Tomor Mbratit kanë realizuar një murale në përkujtim të dy të rinjve të cilët humbën jetën në një aksident tragjik me motor më 1 qershor në Vlorë.
Për realizimin e saj kanë marrë pjesë edhe shokë të klasës, nxënës të shkollës Industriale Pavarësia ku dy të rinjtë mësonin çdo ditë.
Një murale në përkujtim të të ndjerëve Luan Llanaj, 19 vjeç, si dhe Tomor Mbrati, 17 vjeç. Shok dhe miq të viktimave, po punojnë tashmë prej disa ditësh, në përfundimin e kësaj vepre, në përkujtim të miqve të tyre. Ajo është realizuar me bojëra, në vendin ku dy të rinjtë humbën jetën.
Luan Llanaj, dhe Tomor Mbrati humbën jetën tragjikisht pasi po ktheheshin në shtëpi me motor, kur goditën një prej shtyllave të ndriçimit rrugor. Dy të rinjtë, më pas u përplasën në tokë, ku 19-vjecari Llanaj gjeti vdekjen në vend në mënyrë tragjike,. Ndërsa të miturit Mbrati iu dha ndihma e parë, u transportua në spitalin e Vlorës me shenja jete dhe më pas drejt Traumës në Tiranë, por pa mundur dot të shpëtojë.

Në vendin e ngjarjes edhe sot ka shenja të aksidentit tragjik, teksa nuk mungojnë as tufat me lule dhe qirinjtë në përkujtim të dy viktimave.
Të dy ishin nxënës të shkollës Industriale Pavarësia, një prej shkollave profesionale në qytet. Ndërkohë që për të mbajtur familjen punonin në një servis, nga ku me rrogën e parë të punës, ishte blerë edhe motori që i mori jetën. Një prej djemve ishte shtylla kryesore e familjes, që megjithëse në moshë të vogël punonte për të mbajtur me të ardhura familjen e tij. Të rinj shumë afër punës, të aftë profesionalisht, të urtë dhe djem pa probleme.

KAS ka vendosur rinumërimin e të gjitha kutive në qarkun e Fierit.

Vendimi u mor, pas kërkesës së dy anëtarëve të Partisë Demokratike, Çefa e Braho në KAS. Kështu, do të rinumërohen votat e partive politike dhe të kandidatëve në qarkun e Fierit.

Në qarkun Fier, në zgjedhjet e 11 majit, ishin në total 587 kuti.

Më herët, Komisioni i Ankimeve dhe Sanksioneve ka vendosur për rinumërimin e votave për partitë politike dhe kandidatët edhe në qarkun e Tiranës.