Irakli Davella, viktima e sotëm e atentatit në Athinë konsiderohet një përsonazh i lidhur prej vitesh me botën e krimit në Greqi.
Ai rezulton të ketë qenë miku i 3 personazheve të tjerë të ekzekutuar në Greqi vitet e fundit, konkretisht mafiozëve grekë Manolis Karagiannis, Vasili Griva dhe Giorgo Litsa.
Tre të fundit bashkë me Davellën kishin krijuar vite më parë një grup kriminal që vepronte në Athinë.
Një atentat me armë zjarri raportohet se ka ndodhur në Greqi ndaj dy shqiptarëve, ku njëri ka ndërruar jetë, ndërsa tjetri është plagosur.
Viktima është Irakli Davella nga zona e Sarandës dhe i plagosuri është Edi Lolo.
Mediat greke shkruajnë se ngjarja e rëndë ka ndodhur në sheshin Thrakomakedonon në Athinë, jashtë ambienteve të një lokali.
Informacionet bëjnë me dije se ka një të vdekur me origjinë shqiptare dhe një të plagosur, shkruan Zougla.gr. Forca të forta policore kanë shkuar në vendngjarje dhe po kryejnë hetimet për zbardhjen e ngjarjes.
Burime policore flasin për një ekzekutim, pasi i ndjeri është qëlluar me plumb në kokë, ndërsa i plagosuri ndodhet në gjendje shumë të rëndë.
Terrori dhe paniku mbizotëruan mbrëmjen e djeshme në një park të njohur argëtimi në Athinë, kur një gjenerator që furnizonte me energji elektrike një lojë u fik, duke bërë që ai të mos funksiononte siç ishte menduar.
Vizitorët e parkut zbavitës në Athinë u ankuan se për shkak të dëmtimit, lodra ishte ngecur në ajër për 15 deri në 20 minuta, duke shkaktuar bllokimin e fëmijëve në një lartësi të madhe.
Në një video të postuar në rrjetet sociale, fëmijët dhe qytetarët duken shumë të panikosur. Gjithashtu kjo lojë e veçantë është një nga më të lartat që ka parku argëtues i Athinës.
Një emigrante shqiptare në Shtetet e Bashkuara të Amerikës, Elvira Tata, takoi një ditë më parë këngëtaren Parashqevi Simaku.
Teksa publikoi në rrjetin e saj social “Instagram” foto nga takimi me artisten e madhe, ajo tregon se Parashqevi Simaku gëzon shëndet të plotë, po është në gjendje të varfër ekonomike.
Sot takova Parashqevinë e bukur si gjithnjë me shkëlqim në fytyrën e saj si dikur me një buzëqeshje plot dritë e jetë. Ajo ishte në gjendje vërtet të varfër por me një dinjitet të fortë dhe gëzonte shëndet të plotë. Kjo video e shkurtër pasi bëra shume video së bashku, do t’ju tregoj që është një grua vitale e mençur dhe me shumë dritë”, shprehet Elvira Tata.
Qytetarja: Ti nuk beson që jemi shqiptarë?
Parashqevi Simaku: Aspak. Dua të them që ne shqiptarët jemi ajo që kemi mbetur nga Roma, Greqia, Perandoria austriake. Ndaj disa prej nesh kanë ardhur që nga koha e Skënderbeut. Ju e keni ruajtur traditën austro-hungareze.
Qytetarja: Do të jap një buzëkuq. Lyeji pak buzët e kuqe.
Parashqevi Simaku: Të lutem, mos u shqetëso.
Qytetarja: Lyeji, lyeji që të të shohë avokati si yll.
Parashqevi Simaku: E kam shumë më të lehtë të flas anglisht. Me ty për herë të parë kam folur shqip.
Qytetarja: Shumë bukur ke folur.
Parashqevi Simaku: E kam harruar gjithë këto vite.
Qytetarja: Ku të të gjej unë ty? Nuk e kam as telefonin tënd. S’kam as adresën e shtëpisë tënde.
Parashqevi Simaku: Më shkruaj në Facebook. Kërko në Facebook tim dhe do të shohësh fotot e mia, familjen time gjithçka e kam aty.
Qytetarja: Në çfarë ore futesh në Facebook? Do vij sërish, sa e bukur u bëre me buzëkuq. Se di ti sa e bukur u bëre!
Lugina e Valbonës, pjesë e Parkut Kombëtar Alpet e Shqipërisë është mbuluar këtë mes dhjetori nga petku i bardhë i dëborës.
Kryeministri Edi Rama ndau në rrjetet sociale pamje nga kjo luginë, duke ftuar turistët edhe të pasionuarit pas alpinizmit ta vizitojnë atë.
Dëbora e Valbonës, ogur i mirë i nisjes së një sezoni fantastik për të gjithë pasionantët e turizmit dimëror”, shkruan Rama.
Lugina e Valbonës e konsideruar një mrekulli më vete me peizazhe pyjore e ujore, male e lugina mbresëlënëse është një ndër më të frekuentuarat nga turistët vendas e të huaj.
Ajo është shpallur Park Kombëtar në janar të 1996 dhe ka një sipërfaqe prej 8000 hektarësh. E konsideruar si mrekullia e Alpeve ndodhet 25-30 km në veri – perëndim të qytetit Bajram Curri. Kufizohet me Parkun Kombëtar të Thethit dhe zonën natyrore të mbrojtur Lumi i Gashit. Territori i tij përshkohet nga rruga automobilistike Bajram Curri-Dragobi-Valbonë e Çerem.
Ka maja të larta e të thepisura dhe për çdo stinë ndërron koloritin e ngjyrave, duke paraqitur një dinamikë të jashtëzakonshme imazhesh në kushtet e një lugine plot të papritura e me shumë labirinthe.
FIER
Finalizohet nga shërbimet e Komisariatit të Policisë Fier në bashkëpunim me Forcën e Posaçme Operacionale të DVP Fier operacioni i koduar “Poker”.
Kishte përshtatur lokalin e marrë me qera për të organizuar lojëra fati poker, vihet në pranga administratori i lokalit.
Në pranga dhe 5 shtetas të tjerë që u kapën në flagrancë duke luajtur poker.
Sekuestrohen shuma parash, çipsa, një tavolinë pokeri dhe sende të tjera.
Shërbimet e Komisariatit të Policisë Fier në bashkëpunim me Forcën e Posaçme Operacionale të DVP Fier në kuadër të kontrolleve për parandalimin e veprimtarisë së paligjshme të lojrave të fatit, kanë finalizuar operacionin “Poker”, dhe arrestuan shtetasit:
Këta shtetas u kapën në flagrancë në lokalin e shtetasit E. V., duke luajtur poker.
Në vijim të veprimeve procedurale specialistët për Hetimin e Krimeve të Komisariatit të Policisë Fier arrestuan shtetasit e mësipërm për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, dhe “Vënia në dispozicion e lokaleve për lojëra të palejuara”.
Materialet procedurale i kaluan Prokurorisë për veprime të mëtejshme.
Brenda gjashtë muajve nga fillimi gradual i zbatimit, çdo vendkalim kufitar në Zonën Shengen pritet të përdorë EES-in e ri.Pas vonesave dhe pengesave të shumta, Sistemi i shumëpritur i hyrjes/daljeve i BE-së (Entry/Exit System, EES) mund të zbatohet së shpejti.
Më 4 dhjetor, Komisioni Europian (KE) propozoi një fillim progresiv të operacioneve për EES, sistemi i ri dixhital i kufijve të Europës për shtetasit nga vendet jo-amëtare të BE.
Pasi propozimi të jetë miratuar dhe KE të ketë caktuar një datë fillimi, vendet anëtare do të kenë gjashtë muaj kohë për të filluar zbatimin.
Dje, faqja zyrtare e BE-së EES konfirmoi se sistemi do të fillojë zbatimin në vitin 2025, megjithëse nuk u dha një datë e saktë. Do të thotë se gati nëntë vjet pasi u propozua EES, më në fund mund të përdoret.
Çfarë është EES?
Sistemi i hyrjes/daljeve do të jetë një sistem i automatizuar regjistrimi për udhëtarët jashtë BE-së, të cilëve nuk u kërkohen viza për të hyrë në BE.
Udhëtarët do të duhet të skanojnë pasaportat e tyre ose dokumente të tjera udhëtimi në një vend me vetë-shërbim, sa herë që kalojnë një kufi të jashtëm të BE-së. Ai nuk do të zbatohet për qytetarët ose banorët e ligjshëm të BE-së ose ata me viza për qëndrim afatgjatë.
Sistemi do të regjistrojë emrin e udhëtarit, të dhënat biometrike dhe datën dhe vendin e hyrjes dhe daljes. Skanimet e fytyrës dhe të dhënat e gjurmëve të gishtave do të merren çdo tre vjet dhe janë të vlefshme për udhëtime të shumta brenda asaj periudhe.
Pse po zbatohet EES dhe në cilat vende?
EES do të zbatohet për qytetarët jashtë BE-së, të cilët vijnë në bllok për vizita, pushime ose biznes dhe qëndrojnë deri në 90 ditë brenda një periudhe 180-ditore.
Zyrtarët e BE-së thonë se sistemi po futet për të forcuar sigurinë kufitare dhe për të identifikuar udhëtarët, që kalojnë kohën e tyre të lejuar në Zonën Shengen (90 ditë brenda një periudhe 180 ditore).
Ai do të zbatohet kur hyni në të gjitha shtetet anëtare të BE-së, përveç Qipros dhe Irlandës, si dhe katër vendeve jo anëtare të BE-së në Zonën Shengen: Islanda, Lihtenshtajni, Norvegjia dhe Zvicra.
EES është përballur me vonesë pas vonese
Në gusht, Ylva Johannson, ish-komisionerja e BE-së për punët e brendshme deklaroi se EES do të ishte gati të niste përpara se mandati i saj pesëvjeçar të përfundonte në nëntor.
Por dy muaj më vonë, Johansson njoftoi se data e zbatimiy të sistemit më 10 nëntor do të shtyhej përsëri. Kjo shënoi shtyrjen e katërt.
Johansson vuri në dukje se Franca, Gjermania dhe Holanda – vende që marrin kolektivisht më shumë se 100 milionë turistë në vit – i thanë KE-së se nuk ishin gati të zbatonin sistemin, duke shprehur shqetësime për mungesën e testimit praktik.
Vonesat e mëparshme janë fajësuar për çështjet e IT-së dhe instalimin e barrierave të reja të automatizuara të kërkuara në të gjithë kufijtë ndërkombëtarë tokësorë, detarë dhe ajrorë në Zonën Shengen. Disa aeroporte raportuan se duhej të përforconin dyshemetë e tyre për të akomoduar skanerët e rinj të rëndë.
Si do të duket hyrja në zonën Shengen në vitet në vijim
Ndërsa një datë zyrtare e nisjes ende nuk është shpallur, nuk ka pasur kurrë asnjë pyetje nëse EES do të zbatohej apo jo.
Qasja graduale duket se u jep shteteve pjesëmarrëse më shumë fleksibilitet për të përshtatur teknologjinë e tyre dhe për të zgjidhur çështje të papritura.
Synimi, sipas KE, është që sistemi i ri të funksionojë në 10 % të kalimeve kufitare në çdo vend anëtar në ditën e parë. Gjatë kësaj periudhe, pasaportat e udhëtarëve do të vazhdojnë të vulosen, si dhe të regjistrohen në mënyrë elektronike.
Gjashtë muaj të tjerë pasi EES të jetë vënë në funksion, udhëtarët do të duhet gjithashtu të aplikojnë për Sistemin Europian të Informacionit dhe Autorizimit të Udhëtimit (ETIAS), një program për heqjen e vizave për udhëtarët nga mosha 16 deri në 70 vjeç.
ETIAS do të kushtojë 7 € dhe do të jetë e vlefshme për tre vjet.
Ndërsa një aplikacion i krijuar për të thjeshtuar hyrjen dhe daljen nga Europa është gjithashtu në zhvillim, aftësia e tij për të kapur të dhënat e kërkuara biometrike si shenjat e gishtërinjve mbetet e paqartë./Monior
Në një kohë kur vendet e Bashkimit Europian kanë hedhur hapa të shumtë drejt implementimit të makinave elektrike, Shqipëria është ende duke i hedhur këmbët “çalë-çalë”.
Sipas të dhënave nga Eurostat, gjatë vitit të kaluar, në vendet e BE-së mbi 45% e automjeteve të importuara ishin me bateri ose hibride. Ndërkohë, në Shqipëri, në të njëjtën periudhë, sipas të dhënave nga DPSHTRR, importimi i automjeteve elektrike ose hibride nuk zinte as 5% të totalit të importuar.
E thënë ndryshe, nga rreth 75 mijë automjete të importuara në vitin 2023, vetëm 5% ishin elektrike ose hibride. Kjo statistikë lidhet ngushtë me faktin që shqiptarët po preferojnë të importojnë makina të përdorura me motorë nga Koreja e Jugut, me çmime që po konkurrojnë gjithnjë e më shumë tregjet europiane.
Ky trend vjen për shkak se vende nga Azia kanë miratuar politika që nuk lejojnë më në qarkullim automjete të vjetra, duke nxitur makinat me bateri dhe duke i detyruar pronarët e këtyre automjeteve t’i shesin kundrejt çmimeve të ulëta.
Sipas të dhënave nga Drejtoria e Përgjithshme e Shërbimeve të Transportit Rrugor, gjatë periudhës janar-tetor 2024, importimi i makinave nga Koreja e Jugut që punojnë me naftë ose benzinë zë rreth 75% të totalit.
Gjatë muajit tetor të 2024, automjetet e ardhura nga vendi aziatik arritën të fitojnë terren kundrejt tregjeve europiane, si Italia dhe Gjermania.
