Me ardhjen e pranverës po shtohet numri i turistëve të huaj në Sarandë

Të rinjë, nga Europa dhe jo vetëm po zgjedhin gjithnjë e më shumë bregdetin e jugut shqiptar, për të pushuar. Peisazhin e bukur natyror, si dhe  ushqimin përmendin ndër faktorët kryesor, se pse ata zgjedhin Shqipërinë për tu shplodhur.

Ollga dhe Viktoria dy të reja polake e panë Sarandën në  internetit, dhe u dashuruan menjëherë me të.

Jemi nga Polonia, une jam Ollga dhe kjo është shoqja ime Viktoria, kemi ardhur në Sarandë sepse këtu ka pamje të bukura, temperatura të mira dhe duam të kalojmë kohë në këtë pamje të mrekullueshme.”

“Ne e pamë Sarandën në Pinterest, në Tik Tok dhe Instagram, e dashuruam këtë vend, dhe erdhëm për herë të parë në këtë vend. Pëlqyem mëse shumti qytetin, plazhin, dhe natyrën, edhe ushqimi është i shijshëm dhe i lirë. Në këtë kohë çdo gjë është më e lirë sesa në sezon dhe mund të ushqehesh shëndetshëm dhe mirë, më lirë sesa në Itali përshembull ose edhe se në Poloni.”

Ndonëse është fillimi i Marsit, për turistët është mjaftueshëm ngrohtë sa për të shijuar ujin e kristaltë të detit.

“Jam Kuba, unë dua të lahem në det kudo ku shkoj dhe sot është temperaturë e mirë kështu që do ta shijoj detin tuaj. Dje hëngrëm pica shumë të mira këtu. Por mendoj se çmimet mund të jenë edhe më të lira. Do të qëndrojmë 4 ditë sepse do të kthehemi në Tiranë sepse kemi shtëpi atje. Deri tani kam kujtime të mrekullueshme për këtë vend.”

Industria e turizmit në Sarandë, është në përgatitjet e fundit përpara çeljes së sezonit turistik, ndërsa prezenca e turistëve nga të gjitha grupmoshat ka vazhduar të ndihet.

Në Fier ka nisur sezoni i mbjelljeve në serat diellore. Një nga fermerët më të mëdhenj në këtë sektor është Besnik Bogdani nga fshati Pluk, i cili kultivon sipërfaqen më të madhe me trangull kornishon.

Ai sapo ka përfunduar vjeljen e lakrës së Brukselit, të cilën e ka eksportuar tërësisht në Ukrainë.
Aktualisht, Besniku po mbjell trangull në një sipërfaqe prej pesë dynymësh dhe pret një prodhim mbi 70 ton. Ky produkt ka një treg të garantuar, pasi kontratat për shitjen e tij sigurohen që në momentin e mbjelljes së fidanëve.

Shqipëria tashmë është kthyer lider në rajon për kultivimin dhe eksportimin e trangullit kornishon, duke lënë pas vende si Serbia dhe Maqedonia e Veriut. Sipas kompanive eksportuese, gjatë vitit 2024 u eksportuan rreth 8.000 tonë trangull kornishon, te prodhuar në Fier,Lushnje dhe Berat të cilët u shpërndanë në mbi 30 fabrika në të gjithë Europën.

Për vitin 2025, parashikohet që prodhimi të arrijë mbi 12.000 tonë, duke siguruar një produkt cilësor, brenda standardeve të Bashkimit Europian.

Aktualisht, në Bashkinë Fier kultivohen mbi 15 hektarë sera me trangull kornishon, dhe çdo vit sipërfaqja e mbjellë me këtë kulturë po rritet ndjeshëm. Arsyeja kryesore është interesi i madh i fermerëve për këtë produkt, i cili ka një treg të sigurt, kontrata të garantuara dhe një çmim të përcaktuar që në fazën e mbjelljes.

Komisioni Qendror i Zgjedhjeve ka publikuar listën paraprake të zgjedhësve nga jashtë.Me anë të një njoftimi KQZ sqaron se vetëm ata zgjedhës nga jashtë, të cilëve u është pranuar kërkesa për t’u regjistruar nëpërmjet PER, janë në përbërje të kësaj liste.

Këta zgjedhës kanë mundësinë, nga data 9 deri më 10 Mars 2025, të kërkojnë çregjistrimin nga lista e zgjedhësve, në rast se për arsye objektive gjykojnë se do të jenë në Republikën e Shqipërisë në ditën e zgjedhjeve më 11 Maj 2025.

Po ashtu mund të ribëjnë edhe një herë kërkesën, ata zgjedhës që kanë ndryshuar vendqëndrim pasi është miratuar kërkesa, duke saktësuar adresën e re së bashku me dokumentin provues të adresës.

Dritarja në KQZ ku mund te vendosni te dhenat tuaja per te pare emrin ne liste

KQZ ka hapur një dritare ku votuesi nga jashtë shkruan NID, më pas vendos emrin, mbiemrin, atësinë dhe datëlindjen.

Kujtojmë që për herë të parë në zgjedhjet e 11 majit do të votojnë edhe diaspora shqiptare.

Në total janë mbi 294 mijë shqiptarë me banim jashtë që mund të marrin pjesë në votim më 11 maj, ndërkohë më shumë se 48 mijë kërkesa u refuzuan për shkak të mangësive të ndryshme.

Sëmundja e Influencës Aviare, tipi H5N1, apo e quajtur ndryshe gripi i shpendëve, është prezent në vendin tonë dhe ka prekur një stabiliment në Qarkun e Durrësit.

Ministria e Bujqësisë bën me dije se janë masat në mënyrë të menjëhershme, pas njoftimit të Drejtorisë Rajonale të Veterinarisë dhe Mbrojtjes së Bimëve Tiranë për të izoluar rastin dhe për të parandaluar përhapjen e tij.

Burime nga ky institucion theksojnë se rezultojnë 69 mijë pula të asgjësuara të konstatuara më grip në subjektin “Rea’s” shpk, me vendndodhje në fshati Maliq Muҫo, Njësia Administrative Rashbull, dhe bëhej fjalë kryesisht për shpendë që ishin në fund të ciklit të tyre të prodhimit.

Po ashtu, theksohet se janë 250 mijë kokrra vezë të cilët janë gjetur në datën 3 mars në këtë stabiliment, kur dhe është njoftuar për përhapjen e gripit të shpendëve, të cilat janë bllokuar dhe do të asgjësohen nga Autoriteti Kombëtar i Ushqimit.

Ministria e Bujqësisë siguron konsumatorët se asnjë nga këto produkte nuk del në treg dhe së është kontrolluar i gjithë segmenti i tregut për vezët e prodhuara në këto data.

Ndërkohë autoritetet janë në gatishmëri në mënyrë që të kenë situatën nën kontroll dhe të parandalojnë përhapjen e gripit të shpendëve.  

Autoriteti Kombëtar i Veterinarisë dhe Mbrojtjes së Bimëve ka njoftuar gjithashtu 68-subjektet e mbarështimit të shpendëve, të cilët duhet të marrin masa për biosigurinë në stablimentet e tyre, si dhe ka njoftuar shërbimin veterinar rajonal në rang vendi, për rritjen e vigjilencës dhe monitorimin e situatës

Kjo sëmundje ka shkaktuar dëme masive në Shqipëri në vitin 2022 në një numër të lartë shpendësh oborresh, për prodhim, si dhe atyre të egër.