Kengetari nga Fieri ,Ervis Behari tregon mes lotësh humbjen e nenes

Këngëtari i njohur i muzikës popullore, Ervis Behari, ka treguar në “S’e Luan Topi” momentin tronditës kur ka humbur nënën e tij.

Në rrëfimin e tij, ai shprehet se ka qenë pikërisht duke xhiruar klipin e këngës së nënës në momentin kur mori lajmin tronditës, duke shtuar se shpreson ta bëjë krenare me muzikën dhe arritjet e tij.

Deri në  momentin që nëna ime ka ndërruar jetë, nuk e kam ditur. Unë atë ditë xhiroja klipin. Do xhiroja një nga këngët e mia dhe rrugës më merr babi dhe më jep lajmin. Bashkë me ata shokët nisemi për në fshat. Atë ditë unë xhiroja klipin për këngën e nënës. Unë bashkë me grupin e xhirimit dhe shokë, atë ditë që do e xhironim, atë ditë ndodhi.Loti s’do t’ia dijë për burrë. Këto janë vargje të shkruara nga shpirti mendoj unë. Mendoj që kam bërë gjënë më të mirë që kam vazhduar muzikën dhe që ta bëj krenare atë në çdo moment të jetës time, deri sa një ditë ta ritakoj. Dua t’i bëj krenar prindërit e mi në çdo gjë që bëj në jetë. Jam shumë i lumtur dhe besoj se ajo më shikon këtu ku jam. Besoj se ajo është shumë e lumtur që kam arritur deri këtu. E donte shumë edhe ajo.

Në momentet e fillimit, kur morëm veshë që ishte e sëmurë dhe iku në Itali, në atë periudhë unë mora pjesë për herë të parë në Maratonën e Këngës Popullore. Për këtë jam i qetë sepse më pa në skenë. Më merrte në telefon dhe qante. Ishte e gëzuar”.

 Makina perplaset me mbajtëset metalike dhe shtyllen .Drejtuesi ikën nga vendngjarja

Një tjeter aksident ka ndodhur mbrëmjen e sotme në qendër të qytetit të Beratit. Makina humb kontrrollin, mer para mbajtëset metalike të rrugës dhe përplaset me shtyllën.

Mesohet se aksidenti ka ndodhur në qendër të qytetit, në vendin e quajtur “Axhensia”, në hyrje të parkimit nëntokësor dhe fatmirësisht nuk ka pasur asnjë kalimtar të lënduar.

Fuoristrada e llojit Mercedes Benz GL me targa AB 473 AX, po qarkullonte me shpejtësi nga Ish/Merkatoja në drejtim të gjykatës ,kur ka rreshqitur dhe është përplasur me shtyllën. Pas përplasjes, drejtuesi i mjetit e ka lënë makinën dhe është larguar nga vendngjarja.

Në vendngjarje ndodhen forcat e policisë që po kryejnë edhe veprimet e para hetimore dhe që bënë të mundur edhe hapjen e rrugës, që u bllokua për disa minuta. Burimet zyrtare të policisë konfirmojnë se është identifikuar emri i pronarit të mjetit, por nuk dihet ende nëse ka qenë ai në drejtimin e makinës apo jo.

Sipas policisë, po punohet për zbardhjen e shkaqeve të aksidentit dhe ndalimin e drejtuesit të mjetit që e shkaktoi aksidentin.

Makina del nga rruga dhe përfundon pranë një banese, plagoset drejtuesi dhe pasagjerja angleze

Një aksident rrugor ka ndodhur pasditen e sotme në rrugën e Kishës së Laçit, ku E.Ç, duke drejtuar një automjet tip Porsche, ka humbur kontrollin e mjetit.

Mesohet se automjeti ka dalë nga rruga dhe ka përfunduar pranë një ndërtese. Si pasojë e aksidentit, drejtuesi i mjetit dhe pasagjerja, shtetasja angleze D.S, 26 vjeçe, janë dërguar për ndihmë mjekësore në Spitalin e Traumës, jashtë rrezikut për jetën.

Plagoset me thike 16 vjecari ne FIER

Fier/Informacion paraprak

Rreth orës 20:00, në lagjen “8 Shkurti”, Fier, dyshohet se gjatë një konflikti të çastit është dëmtuar në këmbë me mjet prerës një shtetas 16 vjeç, i cili ndodhet në spital në kujdesin e mjekëve.

Eshtë ngritur grupi hetimor i cili po punon për zbardhjen e rrethanave të ngjarjes, identifikimin dhe kapjen e autorit/ve.

Statistikat: 28% e shqiptareve duan të emigrojnë. Analistët shpjegojnë arsyet

Shqipëria po rrezikon të zbrazet akoma më shumë nga shqiptarët, krahasuar me vendet e tjera të rajonit.Sipas një anketimi të kryer nga Këshilli për Bashkëpunim Rajonal, 28% e shqiptarëve u përgjigjen se kanë zhvilluar një plan për largimin nga Shqipëria.

“Askush nuk po merr masa që shqiptarët të mos ikin. Po bëhen dekada që ne e dimë si ikin shqiptarët. E para ikin për mungesën e shtetit të së drejtës, këtu nuk ka barazi para ligjit. Shoku, miku i pushtetit është i pabarabartë krahasuar me ne të tjerët. Janë dhe arsyet kryesore që është arsimi dhe shëndetësia. Shëndetësia merr 2.9 të prodhimit të brendshëm bruto dhe po kaq merr arsimi. Kjo do të thotë që vëmendja është larg pritshmërisë që kanë shqiptarët për arsimin dhe shëndetësinë“-shprehet Pano Soko, ekspert për ekonominë.

Si e shpjegoni faktin që përqindja e shqiptarëve që duan të largohen, është dy herë më e lartë se shifra në Ballkan?

“Shifrat e fundit e 1/3 që kanë plan të largohen, është shumë shqetësuese. Besoj se vetmja formë sesi zgjidhet është ndryshimi politik, është në konceptin e mendësisë. Çiftet e reja të lidhin jetën dhe të bëjnë fëmijë këtu në Shqipëri. Sa kohë do të kemi të njëjtën sjellje politike, do të vazhdojmë të kemi të njëjtin trend largimesh”-shton eksperti.

Mbrojtja Civile : Neser perkqesim i motit-Merrni masa! Jini në gatishmëri për çdo situatë

Agjencia Kombëtare e Mbrojtjes Civile ka  shpërndarë një njoftim sa i përket kushteve të motit për ditën e nesërme.

Në një postim të shpërndarë në rrjetet sociale, bëhet me dije se ditën e nesërme priten reshje të shtuara shiu që mund të shoqërohen edhe me shtrëngata, si dhe ngrica.Agjencia Kombëtare e Mbrojtjes Civile ka bërë apel për strukturat vendore dhe qendrore të jenë në gatishmëri për çdo situatë dhe të marrin masa për menaxhimin e reshjeve.

Njoftimi:

Bazuar në raportimet nga #IGJEO dhe #SHMU, nesër, e diel, 12 janar, priten reshje intensive, kryesisht në qarqet Vlorë, Gjirokastër, Dibër, Durrës, Tiranë dhe Korçë, si dhe reshje dëbore në zonat malore mbi 300 m.Reshjet mund të shoqërohen me shtrëngata dhe ulje temperaturash, duke krijuar mundësi për ngrica dhe vështirësi në transport.

Agjencia Kombëtare e Mbrojtjes Civile u kërkon strukturave vendore dhe qendrore të jenë në gatishmëri për çdo situatë dhe të marrin masa për menaxhimin e reshjeveQytetarëve u rekomandohet të tregojnë kujdes të shtuar në lëvizje dhe të ndjekin njoftimet zyrtare.

Fier-Merr permasa dhuna ne familje, te arrestuar dhe ndiqen penalisht disa persona

Drejtoria Vendore e Policisë Fier

Komisariati i Policisë Fier:
-kapi dhe ndaloi shtetasin e shpallur në kërkim S. F., 32 vjeç, banues në Frakull, pasi Gjykata e Shkallës së Parë të Juridiksionit të Përgjithshëm Fier e ka dënuar me 8 muaj burg për veprën penale “Dhuna në familje”;

-arrestoi në flagrancë shtetasin A. M., 44 vjeç, banues në Fier, pasi ka keqtrajtuar djalin e tij të mitur 16 vjeç;

-referoi materialet në Prokurori, ku nisi procedimi penal për shtetasin A. S., 45 vjeç, banues në Cakran, pasi dyshohet se ka ushtruar dhunë ndaj bashkëshortes së tij.

Komisariati i Policisë Lushnjë referoi materialet në Prokurori, ku nisi procedimi penal për shtetasin L. A., 52 vjeç, banues në Fier, pasi dyshohet se ka kërcënuar me mesazhe, kunatin e tij, shtetasin G. M., 44 vjeç, banues në Lushnjë.

Komisariati i Policisë Divjakë arrestoi në flagrancë shtetasin N. Gj., 63 vjeç, pasi dyshohet se ka përndjekur prej një viti ish-bashkëshorten e tij.

Sektori i Qarkullimit Rrugor arrestoi në flagrancë shtetasin A. P., 35 vjeç, banues në Roskovec, pasi u kap duke drejtuar automjetin, në gjendje të dehur.

Materialet proccedurale i kaluan Prokurorisë së Fierit, për veprime të mëtejshme.

Zjarret në Los Anxhelos, 11 viktima e 180 mijë të evakuuar! Miliarda dëme

Flakët vazhdojnë të djegin dy zona të mëdha të Los Anxhelosit, Palisades dhe Eaton, ndërsa deri më tani është shkatërruar një zonë sa San Francisko. Gjashtë zjarre të njëkohshme kanë shkatërruar lagjet e Los Angeles County që nga e marta dhe tashmë numri i viktimave ka shkuar në 11.

Zjarri ka shkatërruar 10,000 struktura, ndërsa shifra totale pritet të rritet pasi zjarrfikësit do të kryejnë kontrolle shtëpi më shtëpi. Rreth 180 mijë persona janë evakuuar, ndërsa sipas Wall Street Journal dëmi arrin në rreth 50 miliardë dollarë.

Në mes të gjithë kësaj situate tragjike është shfaqur një fenomen shqetësues, pasi ka nga ata që plaçkitin rrënojat dhe shtëpitë e braktisura. Të paktën 20 persona janë arrestuar si të dyshuar për grabitje, ndërsa grabitësit kanë filluar të maskohen me uniformat e zjarrfikësve.

Së shpejti pritet të futet në fuqi shtetrrethimi, ndërkohë që ka banorë që po punësojnë sigurim privat për të ruajtur shtëpitë e tyre.

Kompania shumëkombëshe Walt Disney do të dhurojë 15 milionë dollarë për të kontribuar në përpjekjet për shuarjen e zjarreve, për të ndihmuar viktimat dhe për të rindërtuar qytetin e Los Anxhelosit të shkatërruar nga zjarret.

1...291292293...322Faqja 292 nga 322