Deputeti PS, Plarent Ndreca,paraqitet ne SPAK

Deputeti i Partisë Socialiste, Plarent Ndreca, u paraqit në Gjykatën e Posaçme Kundër Korrupsionit dhe Krimit të Organizuar në seancën e parë gjyqësore ndaj tij, pasi SPAK e ka akuzuar zyrtarisht. Ndreca, i cili nuk arriti të rizgjidhet në zgjedhjet e 11 Majit, akuzohet për keqpërdorim të tenderave gjatë kohës që ka qenë Sekretar i Përgjithshëm në Ministrinë e Brendshme.

Sipas SPAK, ai bashkëpunoi me zyrtarë të tjerë të ministrisë për të favorizuar Gjon Radovanin, duke e shpallur fitues të një tenderi për rikonstruksionin e katër komisariateve.

Hetimet tregojnë se Ndreca dhe bashkëpunëtorët e tij i dhanë përparësi Radovanit gjatë gjithë procesit të prokurimit dhe në fund i dhanë kontratën bashkë me kompaninë tjetër Derbi-E shpk, megjithëse ajo nuk përmbushte kushtet ligjore.

Nga dokumentet rezulton se Radovani është mik me ish-ministrin e Brendshëm Sandër Lleshaj, me të cilin ka pasur komunikime, dhe kjo miqësi mund të ketë ndikuar që kompania e tij të fitonte tendera pranë Ministrisë së Brendshme.

Gjithashtu, nga hetimet dalin emaile mes Radovanit, i cili ka qenë edhe konsulent për këtë tender në Ministrinë e Brendshme, dhe Ndrecës, në të cilat diskutohen detaje për ambientet e komisariateve në Vlorë, Pogradec dhe Mirditë, që ishin planifikuar për rikonstruksion.

Gjykata e Fierit shtyn seancën për ish-deputetin e PD, Ervin Salianji

Pas përfundimit të seancës avokati i ish- deputetit demokrat Ervin Salianji, Ledio Braho , në një prononcim për mediat ka pohuar se seanca është shtyrë disa ditë pasi IEVP Fier, nuk kishte dërguar raportin e vlerësimit .

“Besoj se do të ketë dy seanca deri në marrjen e një vendimi ka thënë Braho dhe ka pohuar se është në të drejtën e tij për të fituar lirinë , edhe pse nuk bëjmë dot orakullin për proceset gjyqësore në Shqipëri”, tha ai.Salianji u shpall fajtor me vendim të formës së prerë për kallëzim të rremë nga gjykata e Apelit për dosjen ‘Babale’, duke e dënuar me 1 vit burg.

Ai e cilësoi procesin si të montuar dhe e quajti veten një të dënuar politik. Në muajin mars, Gjykata e Lartë i rrëzoi rekursin kundër dënimit me 1 vit burg.

Deri më 15 shtator kufizohen nga policia mjetet e rënda në fundjavë dhe ditët e pushimit zyrtar

Për të garantuar rendin dhe sigurinë gjatë sezonit veror 2025, Policia e Shtetit ka hartuar dhe është duke zbatuar një plan të detajuar masash. Ky plan synon sigurinë në zonat bregdetare, liqenore dhe lumore, lehtësimin e qarkullimit në pikat e kalimit kufitar, parandalimin e aksidenteve rrugore dhe veprimtarive kriminale, zbatimin e orarit të ndalimit të muzikës dhe mbrojtjen e mjedisit dhe zonave turistike.

Këtë vit shërbimi 12-orësh do të aplikohet vetëm në zonat bregdetare dhe Në ndihmë të policive vendore do të dërgohen shërbime shtesë, që do të kompensohen sipas legjislacionit përkatës.

Në funksion të planit janë vënë në dispozicion ndër të tjera punonjës policie me biçikleta që patrullojnë në plazhe, njësia Policore Detare për kontrollin dhe ndëshkimin e lundrimeve të rrezikshme brenda zonave të ndaluara, si dhe dronë që do të përdoren për kontrollin e perimetrit të sigurisë në plazhe, si dhe për evidentimin dhe ndëshkimin e shkeljeve rrugore.

Njëkohësisht, janë shtuar patrullat në zonat turistike për parandalimin e aksidenteve rrugore dhe për garantimin e lëvizjes së lirë të automjeteve. Nga 16 qershori deri më 15 shtator 2025, do të kufizohet qarkullimi i mjeteve të rënda për transport mallrash në fundjavë dhe në ditët e pushimit zyrtar.

Gjithashtu, do të ushtrohen kontrolle për zbatimin e orarit të muzikës dhe ndëshkimin e shkelësve të nivelit të zhurmës. Tashmë, punonjësit e Policisë janë pajisur me aparate të matjes së zhurmave.

Ndërkohë, krahas planit të masave, Drejtori i Përgjithshëm i Policisë së Shtetit ka urdhëruar ngritjen e grupeve të monitorimit të shërbimeve në terren, për zbatimin rigoroz të Kodit të Etikës, nga çdo punonjës policie, në komunikim dhe në veprim.

Policia e Shtetit mbetet e angazhuar për garantimin e rendit dhe sigurisë publike, si dhe fton qytetarët të bashkëpunojnë dhe të denoncojnë çdo paligjshmëri në numrin pa pagesë 112.

Projekti i TEC-it në Roskovec – ERE kërkon dokumente dhe informacione shtesë nga kompania zhvilluese

Enti Rregullator i Energjisë ka kërkuar një sërë dokumentesh dhe informacione shtesë nga kompania që do të ndërtojë termocentralin privat në Roskovec. Pak javë më parë ERE nisi procedurat për licencimin e kompanisë në veprimtarinë e prodhimit të energjisë, por shoqëria “Fier Thermoelectric” do të duhet të përmbushë kërkesat, për të finalizuar këtë proces.

Kështu, shoqëria duhet të depozitojë dokumentacionin që vërteton se ka siguruar mjetet e nevojshme financiare për realizimin e plotë të projektit të TEC-it.

Gjithashtu, do të duhet të bëjë saktësimet përkatëse për sa i përket numrit të njësive gjeneruese dhe datës së fillimit të operimit, si dhe të depozitojë marrëveshjen e nënshkruar me Operatorin e Sistemit të Transmetimit për miratimin përfundimtar të pikës së lidhjes.

Po ashtu, sipas Entit Rregullator rezulton se shoqëria disponon aktualisht një Deklaratë Mjedisore të vlefshme deri më 13.11.2025, por duke marrë në konsideratë se ka deklaruar se ndërtimi i TEC-it do të fillojë në vitin 2025 dhe duke qenë se nga shoqëria nuk është dhënë ndonjë informacion në lidhje me fillimin e zbatimit në terren të projektit, vlerësohet t’i kërkohet ky informacion në vijim.

Gjithashtu, shoqëria duhet të japë informacion në lidhje me nevojën ose jo të pajisjes së këtij TEC-i me leje të përdorimit të burimit ujor për të realizuar procesin e ftohjes.

Projekti për TEC-in e Roskovecit u miratua nga qeveria në dhjetor të vitit të kaluar, teksa impianti me kapacitet të parashikuar 170 MW, që do të përdorë gazin për prodhimin e energjisë elektrike do ketë një afat operimi 49 vjet.

Sipas vendimit të qeverisë, TEC-i do të duhet të jetë në operim pas 3 vitesh, teksa kjo periudhë përfshin pajisjen me leje ndërtimi dhe ndërtimin e tij. Ky projekt është kundërshtuar nga banorët e zonës, për shkak të afërsisë me tokat bujqësore.

Samitit të G7, Meloni e Trump të ulur bashkë në një stol druri, bëhet viral reagimi i kryeministres kur Macron i pëshpërit diçka në vesh

Liderët e G7 u mblodhën dje në Alberta të Kanadasë për të folur për çështje të rëndësishme që kanë të bëjnë me luftën në Lindjen e Mesme apo edhe tregtinë.Kryeministrja italiane, Giorgia Meloni publikoi një foto me presidentin Trump, teksa të dy ishin të ulur në një stol druri duke biseduar.

“Gjatë samitit të G7-ës pata një takim dypalësh me Presidentin e Shteteve të Bashkuara, Donald Trump. Diskutuam për çështjet kryesore ndërkombëtare, me një fokus të veçantë në situatën në Iran dhe në Lindjen e Mesme. Gjithashtu trajtuam temën e marrëdhënieve ekonomike midis BE-së dhe SHBA-së, duke theksuar rëndësinë e forcimit të bashkëpunimit transatlantik”, shkruan Meloni.Ndërkohë që gjatë tryezës së mbledhjes një moment i bisedës së saj me Presidentin Macron u bë shumë shpejt viral.

Kryeministrja Meloni u kap nga kamerat duke rrotulluar sytë pasi presidenti francez Emmanuel Macron i pëshpëriti diçka ndërsa qëndronin ulur pranë njëri-tjetrit në tryezën e samitit të G7-ës.

Liderët botërorë u panë teksa përkuleshin drejt njëri-tjetrit, me duart që u mbulonin pjesërisht fytyrat ndërsa pëshpëritnin gjatë ditës së parë të samitit në Alberta, Kanada, të hënën (16 qershor).

Ndërsa Donald Trump po fliste, znj. Meloni dukej e pakënaqur nga një koment i z. Macron, gjë që e shtyu të rrotullonte sytë.

Çifti iu bashkua samitit bashkë me liderët e vendeve të tjera të G7-ës — SHBA, MB, Kanada, Gjermani, Itali dhe Japoni — si dhe përfaqësues të BE-së, ku tregtia ishte “fokusi kryesor”.

“Vogue” publikon FOTON e Edi Ramës në dasmën e Alex Soros

Huma Abedin, njeriu hije pas Hillary Clinton, dhe Alex Soros, djali i filantropit miliarder George Soros, u martuan këtë fundjavë në një ceremoni elegante në rezidencën e tyre në Water Mill.Mes të ftuarve ishte edhe kryeministri i Shqipërisë, Edi Rama i cili edhe pse vetë nuk ndau foto në rrjetet sociale, u fotografua nga objektivi i aparatit të revistës “Vogue”.

Rama mund të jetë nga të rrallët në dasmën e Aleks Soros që ka qenë edhe në dasmën e babait, Xhorxh Soros.Prania e tij në vitin 2013, në ceremoninë e bilionerit 83-vjeçar bëri bujë dhe koha tregoi se Soros ishte një mentor i konsolidimit të pushtetit të Ramës në vendin tonë.

https://www.vogue.com/slideshow/huma-abedin-and-alex-soros-wedding

Gjykata e Posacme le ne burg Erion Veliaj ,rrezohet kerkesa per zbutje te mases se sigurise

Gjykata e Posaçme Kundër Korrupsionit dhe Krimit të Organizuar ka lënë në fuqi masën e sigurisë “arrest me burg” për kryetarin e Bashkisë së Tiranës, Erion Veliaj, në kuadër të hetimeve për korrupsion.

Po ashtu, gjykata ka konfirmuar masën “arrest shtëpie” për Elman Abulen, i cili është përfshirë në të njëjtën çështje hetimore.

Avokatët mbrojtës kërkuan ndryshimin e masave të sigurisë, duke propozuar zëvendësimin me masa më të buta dhe ofruan garanci pasurore. Megjithatë, GJKKO vendosi të mos pranojë kërkesat.

Si argument të ri në seancë, Prokuroria paraqiti faktin se apartamenti që ndodhet mbi banesën e Veliajt zotërohet në mënyrë të tërthortë nga çifti Xoxa–Veliaj, duke ngritur dyshime për pasuri të padeklaruara apo të fshehura. Ky fakt u konsiderua si element shtesë që forcon dyshimet për implikim në veprimtari të paligjshme.

Ervin Salianji kërkon lirinë me kusht, sot zhvillohet seanca në Gjykatën e Fierit

Ditën e sotme në Gjykatën e Fierit do të zhvillohet seanca për ish-deputetin e Partisë Demokratike, Ervin Salianji, i cili kërkon lirinë me kusht.

Argumenti kryesor i Salianjit për lirimin e tij, është se ai ka shlyer pjesën më të madhe të dënimit të tij

Kujtojmë se kjo është tentativa e disatë e Salianjit për t’u liruar nga burgu. Në mars të këtij viti, Gjykata e Lartë i rrëzoi rekursin e demokratit, i cili kërkonte rrëzimin e vendimit të 27 shtatorit 2024 dhe fitimin e lirisë.

Ai u dënua nga Gjykata e Tiranës për kallëzim të rremë në lidhje me një denoncim ndaj vëllait të ish-ministrit socialist Fatmir Xhafaj.

Bëhet fjalë për rastin që u njoh publikisht si “Babalja”, ku pretendohej se vëllai i Xhafajt ishte i përfshirë në trafikun e drogës.

Nga hetimet rezultoi se e gjitha ishte një material i montuar, dhe biseda me dëshmitarët e rremë ishte e tëra e simuluar për të ngarkuar vëllain e ish-ministrit.

Për këtë arsye, Salianji u dënua me një vit burg.

1...282930...492Faqja 29 nga 492