Gjykata e Tiranës ka vendosur sot pezullimin e çështjes për shqyrtimin e kërkesës së Lulzim Bashës për miratimin e Kuvendit Kombëtar të 2 Shtatorit, duke pranuar kërkesën e grupit të deputetëve të drejtuar nga Gazment Bardhi. Gjyqtari Niko Rapi, ka konstatuar se pa u zgjidhur konflikti që është në Gjykatën e Lartë mbi Kuvendin Kombëtar të 11 Dhjetorit, nuk mund të zhvillohet dhe të konsiderohet i vlefshëm asnjë Kuvend Kombëtar i mëpasshëm apo Statut i ndryshuar.

Në këtë mënyrë Statuti i dalë në 2 Shtator, përmes të cilit Lulzim Basha u caktua edhe Kryetar i Grupit Parlamentar nuk është njohur nga gjykata.

Grupi i deputetëve të mandatuar nga Këshilli Kombëtar i thirrur nga Sekretari i Përgjithshëm i PD Gazment Bardhi është njohur si palë nga Gjykata e Tiranës, duke përfaqësuar kështu në gjykim Partinë Demokratike të Shqipërisë. Ata kanë kërkuar nga gjykata pezullimim e çështjes, kërkesë që është pranuar nga Gjykata e Shkallës së Parë Tiranë.

kryebashkiaku i Fierit, Baftjar Zeqaj është paraqitur këtë të hënë (13 nëntor) në Prokurorinë e Posaçme kundër Korrupsionit dhe Krimit të Organizuar.

Nuk dihet ende arsyeja e paraqitjes së  Zeqajt në SPAK.Teksa nuk pranoi që të ndalej për mediat, Zeqo iu drejtua gazetarëve duke shtuar se; Nuk ka lajm!

Mësohet se ai ka dhënë sqarime për një tender për ujësjellësin në Bashkinë e Fierit.

Më konkretisht, Zeqaj ka dhënë sqarime në lidhje me një tender për vendosjen e matësave të ujit, por në cilësinë e personit që ka djeni për një vepër penale, si deklarues.

Kujtojmë që Zeqaj ka shërbyer si Kryetar i Bashkisë Patos, Kryetar i Partisë Socialiste Fier dhe si Prefekt i Qarkut Fier. Në vitin 2003 ai u zgjodh Kryetar i Bashkisë Fier, detyrë në të cilën u rizgjodh përsëri në vitin 2007 dhe 2011

Një 31-vjeçar ka rënë në prangat e policisë së Cërrikut, pasi ka rrahur dhe kërcënuar nënën e tij. Sakaq, i riu i ka vjedhur telefonin të atit dhe e ka shitur.

“Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin 31 vjeç, banues në Cërrik, pasi ka ushtruar dhunë ndaj nënës së tij dhe e ka kanosur me fjalë. Gjithashtu, ky shtetas dyshohet se i ka vjedhur celularin babait të tij dhe më pas e ka shitur atë”, thuhet në njoftimin e Policisë.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme

Nga masivi pyjor i djegur i Pishporos dhe Darezezes , kreu i Partise Agrare Ambientaliste Agron Duka ka lancuar nismen” Te rimbjellim Pishporon” ku do te nise mbjellja e 1000 fidaneve te rinj per te mundesuar rigjenerimin e siperfaqes se shkrumbuar nga flaket.

Nuk jam ketu te flas per politike apo te gjykoj punen e qeverise , por per sesibilizim per mbeshtetje te kesaj nisme ka thene Duka i pyetyr nese zjarri ka qene i qellimshem dhe nderhyrja nga ajri e kufizuar.

Kjo zone duhet te rigjenerohet sa me shpejt ka thene kreu i PAA- se, dhe nuk duhet te betonizohet pasi eshte zone e mbrojtur me nje status te vecante.

Deputeti i PD-së, Edmond Spaho nuk është lejuar të marrë pjesë në mbledhjen e grupit parlamentar të PD, që do mbahet në Kryesinë e Kuvendit.

Burime për Faxnews bëjnë me dije se ai nuk është lejuar nga Garda të futet në Kryesinë e Kuvendit.

Kjo pasi Spaho, vazhdon të jetë i përjashtuar nga jeta parlamentare, pas vendimit të Sekretariatit të Etikës.

“Është tërësisht e pakuptimtë dhe e padrejtë. Është bërë si parlament i Gardës”– ka thënë ndër të tjera Spaho në një komunikim të shkurtër për gazetarët.

Kryetari i Bashkisë së Kuçovës, Kreshnik Hajdari rezulton i dënuar në shtetin grek. Në përgjigje që Prokuroria e Përgjithshme i ka kthyer Komisionit Qendror të Zgjedhjeve, rezulton se Hajdari është dënuar me  dënim të formës së prerë nga Gjykata e Shkallës së Parë në Janinë.

Që prej orëve të para të mëngjesit të sotëm, Komanda Provinciale e Imperias, Xhenovas dhe Scico e Guardia di Finanza kanë ekzekutuar 26 urdhra arresti për trafik droge nga grupe kriminale të stilit mafioz. Nga 26 personat e përfshirë, njëri është kuban, dy ekuadorian dhe katër janë shqiptarë.

Nga hetimet e kryera rezultoi se të arrestuarit, pavarësisht moshës së re, ishin futur me stabilitet, role shumë specifike dhe poste të rëndësishme, brenda grupit, ku njihnin qëllimet dhe metodat që i atribuoheshin organizatave mafioze.

Shtatëmbëdhjetë nga të dyshuarit e arrestuar akuzohen si anëtarë të një shoqate kriminale të drejtuar nga anëtarë të familjes De Marte-Gioffrè, me origjinë nga Seminara dhe të lidhur me grupet e ‘Ndrangheta’ banues në Kalabri, por me rrënjë prej vitesh në zonën e Diano Marina, që vepron në provinca e Imperia që nga viti 2020 dhe synon blerjen, kultivimin, transportin, rishitjen dhe transferimin e kokainës, hashashit dhe marihuanës

Organizata kishte disa banesa që i përkisnin anëtarëve dhe përdoreshin për mbledhjet operative të anëtarëve me qëllim marrjen e vendimeve në lidhje me furnizimin me narkotikë, për negociata me furnitorët dhe blerësit, për ruajtjen, paketimin dhe transferimin e lëndës narkotike për organizimin e udhëtimeve për blerjen e lëndës narkotike, për kultivimin e bimëve të marihuanës.

Anëtarët kishin në dispozicion edhe ‘kriptofona’ për komunikimin ndërmjet anëtarëve, për dërgimin e parave dhe për grumbullimin e parcelave që përmbanin lëndën narkotike por edhe të armëve dhe makinave të bashkëpunëtorëve ose të marra me qira konkretisht për transportin e drogës, e cila në disa raste ngarkohej edhe në autobusët që operonin në linjën Reggio Calabria-Ventimiglia.

Veprimtaria e trafikut të drogës, siç theksohet nga hetuesit, karakterizohej nga veprimet që besohej se i atribuoheshin organizatave mafioze, përmes të cilave ajo ushtronte kontrollin e saj mbi trafikun e drogës në zonën e Diano Marinës dhe bashkitë fqinje, duke vendosur monopolin e vet në trafik të substancave narkotike përmes dhunës dhe kërcënimeve (ndonjëherë edhe me armë) si dhe përmes evokimit të emrit të familjes De Marte-Gioffrè për të detyruar blerësit të paguajnë.

Njëri nga të dyshuarit akuzohet për bashkëpunim të jashtëm në shoqatë, duke lehtësuar arritjen e objektivave të saj, duke ndërmarrë veprime për marrjen e informacionit në lidhje me deklarimet e bëra nga një anëtar i shoqatës gjatë procedimit penal që ka lindur pas arrestimit të tij. Ai gjithashtu kishte shoqëruar Giovanni De Marte në një pikë shpërndarjeje droge në Diano Castello, pavarësisht se i nënshtrohej detyrimit për të banuar në Taggia.

Të dyshuarit akuzohen për 56 episode të blerjes, shitjes, transportit të sasive të kokainës dhe marihuanës, si dhe kultivim të marijuanës. Ndër krimet e kryera përfshihen plagosje, vjedhja e mjeteve të transportit, zhvatja, kanosje, të gjitha të rënduara nga Metoda mafioze dhe posedimi i një arme.

Veprimtaritë e detajuara hetimore të zhvilluara nga Njësia e Policisë Ekonomiko-Financiare Imperia, nëpërmjet shërbimeve të përndjekjes dhe vëzhgimit, të kryera edhe në Kalabri, si dhe nëpërmjet përgjimit të mbi 100 numrave të telefonit dhe bisedave mjedisore dhe telematike, kanë bërë të mundur që vazhdimisht të monitorojnë aktivitetet e kryera nga shoqata kriminale.

Është konstatuar se Domenico Gioffrè, pavarësisht se ishte i kufizuar në arrest shtëpiak, së bashku me Giovanni De Marte dhe anëtarë të tjerë të së njëjtës familje, arritën të krijonin një aktivitet të lulëzuar të trafikut të drogës në provincën e Imperia, falë furnizimeve direkte nga Gioia Tauro, duke përdorur kanale të privilegjuara ngjitur me ‘Ndrangheta.

Qendra operacionale dhe vendimmarrëse e shoqatës ndodhej në rezidencën e familjes De Marte në Diano Castello ku, falë përdorimit të kamerave dhe bug-eve, u bë e mundur të identifikoheshin anëtarët e shoqatës, rolet e ndryshme të mbuluara nga ato, si dhe rindërtojnë fazat e ndryshme të trafikut të drogës që kryhet.

Nga hetimet është konstatuar se në rezidencën e Gioffrè dhe De Marte drejtuesit e shoqatës kanë marrë vendime lidhur me sasinë e lëndës narkotike për t’u blerë, ku janë organizuar me detaje udhëtimet drejt Kalabrisë për furnizimin e drogës, ku është prerë dhe kokainë e fshehur, ku pranoheshin dhe furnizoheshin tregtarët e drogës në dispozicion të shoqatës dhe ku klientët e pashlyer ose tregtarët e pabesë të drogës çoheshin me forcë për t’u kërcënuar ose rrahur.

Gjithashtu është vendosur sekuestro parandaluese ndaj 18 të dyshuarve për shumën totale prej 866.400 euro, produkte të veprimtarisë së paligjshme të kryer nga shoqata kriminale, për 128 marrëdhënie bankare, 18 automjete dhe 12 motoçikleta, 6 prona dhe 39 toka në Diano Marina, San Bartolomeo al Mare, Cassano delle Murge (Bari), Trapani, Marsala dhe Misiliscemi (Trapani).