Berisha përsërit akuzat për Ballën


Kreu i PD Sali Berisha është paraqitur përpara SPAK, për masën e sigurisë “detyrim paraqitje” për korrupsion.

Berisha tha se Taulant Balla ka folur me Suel Çelën. Sipas tij, Balla i ka thënë Suel Çelës se “bandat e tjera do i arrestojmë, kurse ju na duheni për vota”.

Ndërsa, Çela, sipas Berishës, i ka kërkuar Ballës që të lirojë nga burgu dy terroristë.

Sali Berisha: Unë kam bisedat e Taulant Ballës me Suel Çelën, që i thotë se ne do arrestojmë bandat e tjera dhe ju do u lëmë për vota. Suel Çela i thotë Taulant Ballës se me Taulant Hallulin do nxjerrësh nga burgu dy terroristë, që i vunë tritolin Lulzim Kullës. Tao bashkë me Hallulin shkoi dhe i liroi, se Hallulli punon në një nga këta organet e drejtësisë.

Fjala e kreut të PD Sali Berisha para SPAK:

Shënimi i sotëm: Zëvendëskreut të krimit monstruoz elektoral, Altin Troplinit.

Klodiana, nuk mund të quhet ndryshe ky, pas aktit të tij të shëmtuar të fshehjes në xhep dhe të mosekzekutimit të urdhrit të arrestit për Troplinët gjersa ata u arratisën.

Ndaj dhe sot e përgjithmonë ai do mbetet në analet si Altin Troplini.

Dhe avokatit më kryesor të karteleve qeveritare të drogës.

Ju jeni dëshmitarë se unë kam paraqitur këtu para jush bashkëpunimin e ngushtë të Taulant Ballës me Suel Çelën. Bisedën e tyre të famshme telefonike ku i thotë Suel Çelës se ne po e arrestojmë kundërshtarët e tu dhe ju do jepni votat që ne kërkojmë. Dhe ky pakt u zbatua.

Dhe bisedën tjetër ku Suel Çela i thotë Taulant Ballës, se me një… nëmos gabohem Dritan Hallullin, do të shkosh dhe të nxjerrësh nga burgu dy terroristë të vërtetë, të cilët i vunë në shalën e biçikletës tritolin Lulzim Kullës, dhe tritoli ra në tokë dhe shpërtheu në mes të qytetit dhe mund të kishte shumë viktima.

Dhe këta të dy, Tao shkoi dhe i liroi bashkë me Hallullin, i cili është diku në KLGJ apo në KLP.

Ju jeni dëshmitarë se si Altin Hajri i thotë Çyrbes së tij shih pak, merrja masat një fije atij Olsit, se ai u tregua burrë i mirë, duke përdorur emrin e një Olsi, Olsi Ramës, për Ulsi Manjën. Ai nuk ishte Olsi Rama, por ishte Ulsi Manja.

Dhe ju e keni vënë re se si i ndërron kostumet Ulsi Manja. Garderoba e tij është me nj numër të pafundëm kostumesh, sepse siç bëri Altin Hajri, bënë edhe hajrat e tjerë.

Pra të gjitha këto mbrohen me vendosmëri nga Altin Troplini.

Por i siguroj se bashkëpunimi i tij me krimin do të marrë ndëshkimin e merituar.

Kjo është çka unë lashë aty.

Fier – IMT prish mbi 50 objekte të zaptuara në hapësirat publike

Në kuadër të aksionit për lirimin e hapësirave publike, Inspektorati i Mbrojtjes së Territorit në Fier ka ekzekutuar sot mbi 50 prishje.

Sipas IMT Fier, 8 prej objekteve kanë qenë me strukturë ndërtimi, ndërsa pjesa tjetër janë gardhe, konstruksione metalike dhe tenda. Aksioni nuk mbyllet këtu, pasi edhe rreth 50 objekte të tjera janë në listën e prishjeve.

Ky operacion, i nisur një muaj më parë me iniciativë të kryeministrit, do të vijojë deri në fund të muajit tetor.

Në mbështetje të procesit, qeveria ka lançuar një platformë denoncimi për zaptimin e hapësirave publike, e cila sipas kreut të qeverisë do të shërbejë për evidentimin në kohë të rasteve të abuzimeve.

Afganistan/ Mbi 600 persona humbin jetën nga tërmeti, mijëra të tjerë të plagosur

Mbi 620 njerëz humbën jetën dhe më shumë se 1.500 të tjerë u plagosën nga një tërmet që goditi Afganistanin lindor, njoftuan autoritetet të hënën.

Ekipet e shpëtimit vazhdojnë kërkimet për të mbijetuar mes rrënojave.

Sipas raportimeve të para, vetëm në një fshat janë gjetur 30 viktima, por shifrat e sakta nuk janë mbledhur ende, pasi bëhet fjalë për një zonë të thellë malore me fshatra të shpërndarë.

“Numri i viktimave dhe i të plagosurve është i lartë, por për shkak se zona është e vështirë për t’u arritur, ekipet tona janë ende në terren”, tha zëdhënësi i Ministrisë talibane të Shëndetësisë, Sharafat Zaman.

Sipas raporteve, tre fshatra u shkatërruan plotësisht në provincën Kunar, ndërsa shumë të tjerë pësuan dëme të konsiderueshme.

Tërmeti me magnitudë 6 ra në mesnatë, në një thellësi prej 8 kilometrash, duke shkatërruar shtëpitë prej balte dhe guri në kufi me rajonin Khiber Paktunkva të Pakistanit, bënë të ditur zyrtarët.

Një tërmet tjetër, me magnitudë 4.5, goditi rajonin rreth 20 minuta më vonë, i ndjekur nga një tjetër lëkundje me magnitudë 5.2, sipas Qendrës gjermane të Kërkimeve për Gjeoshkenca (GFZ).

Qeveria afgane, e udhëhequr nga talibanët, bëri thirrje për ndihmë urgjente nga organizatat ndërkombëtare.

Në një postim në X, ajo tha se tërmeti ka shkaktuar “humbje jetësh dhe dëme materiale në disa provinca lindore”.

Rajoni i goditur nga tërmeti ishte ende duke u përballur me pasojat e përmbytjeve që ndodhën në fundjavë.

Përmbytjet përfshinë provincat Nangarhar dhe Kunar, duke shkaktuar vdekjen e së paku pesë personave.

Ato shkaktuan rrëshqitje dheu, dëmtuan infrastrukturën dhe përkohësisht bllokuan qarkullimin mes Pakistanit dhe Afganistanit.

Afganistani, sidomos në vargmalin Hindu Kush, goditet shpesh nga tërmetet.

Numri i viktimave është tejet i lartë për shkak të standardeve të dobëta të ndërtimit, vendeve të largëta dhe vështirësisë për t’u ofruar ndihmë viktimave./REL

Vetëm në 7 muajt e këtij viti, ERE ka dhënë 16 licenca të reja per impiantet diellore

Hyrja në prodhim e centraleve diellore ka rritur ndjeshëm energjinë e prodhuar nga ky burim në 3 muajt e dytë të vitit. Sipas të dhënave nga Instituti i Statistikave, për periudhën prill – qershor centralet fotovoltaike gjeneruan 288.034 mWh energji, duke përbërë 16.4% të energjisë totale të burimeve vendase. Në krahasim me 3-mujorin e dytë të vitit 2024 rritja përllogaritet me 9.6%, pasi vitin e kaluar energjia fotovoltaike përbënte vetëm 6.8% të totalit. Rritja e shënuar këtë vit vjen nga shtimi i impianteve diellore që kanë hyrë në prodhim, pasi një numër shumë i madh i tyre kanë nisur funksionimin pas muajit korrik të vitit të kaluar. Megjithatë, vlen të theksohet se rritja e peshës së energjisë diellore, në raport me energjinë totale të gjeneruar në vend, lidhet edhe me rënien e prodhimit nga hidrocentralet për shkak të mungesës së reshjeve.

Ndërkaq, pesha e energjisë diellore pritet të rritet më tej, pasi një sërë projektesh tashmë kanë avancuar me procedurat për marrjen e lejeve të nevojshme dhe nisjen e ndërtimit të centraleve në terren. Në 7 muajt e parë të këtij viti Enti Rregullator i Energjisë ka licencuar 16 kompani për projekte me kapacitet total të parashikuar për t’u instaluar prej 142.8 MW.

Edhe në vitet e mëparshme janë licencuar një sërë kompanish në prodhimin e energjisë nga dielli, duke bërë që aktualisht të numërohen 66 kompani të licencuar në këtë aktivitet, me projekte që arrijë në rreth 764 MW. Këtu përfshihen edhe impiantet që tashmë janë në prodhim. Megjithatë, interesi i investitorëve privatë për këtë sipërmarrje mbetet i lartë, me shumë aplikime të dorëzuar pranë autoriteteve përkatëse.

Kodi i ri Penal-4 vite burg për tregtimin e ushqimeve të dëmshme!

Kodi i ri penal sjell shtimin e veprave penale që lidhen me sigurinë ushqimore, dhe konkretisht me prodhimin e ushqimeve të rrezikshme për shëndetin, ofrimin e ushqimit të pasigurtë, mashtrimin me produktet ushqimore dhe paraqitjen e rremë të produktit ushqimor.

Referuar nenit 458 të draftligjit, “Prodhimi, përpunimi, ruajtja, tregtimi, importimi, eksportimi i ushqimeve, pijeve dhe lëndëve të tjera ushqimore, përdorimi i kimikateve, materialeve dhe lëndëve shtesë në prodhimin e përpunimin e artikujve ushqimorë në kundërshtim me standardet ligjore të lejuara, ose përdorimi i tyre te kafshët dhe bimët që përdoren si ushqim, në kundërshtim me kërkesat ligjore, duke i bërë ushqimet të pasigurta për konsum, dënohet me burgim nga gjashtë muaj deri në 4  vjet.

Vepra penale Ofrimi i ushqimit të pasigurtë kriminalizon therjen e kafshëve për shitje ose përdorimin e produkteve shtazore për konsum njerëzor, duke e ditur që atyre iu janë përdorur trajtime terapeutike me substanca të dëmshme. Dënimi në këtë rast shkon deri në 4 vjet burg.   Është kriminalizuar gjithashtu hedhja për konsum publik e mishit ose produkteve të kafshëve të destinuara për ushqim, pa respektuar periudhat e pritjes, të parashikuara në ligj.

Sipas nenit 460 mbi mashtrimin me produktet ushqimore “Importimi, prodhimi, ruajtja, falsifikimi, publiciteti, tregtimi apo vendosja në qarkullim me ndonjë mënyrë tjetër e ushqimeve, materialeve ose lëndëve shtesë në prodhimin e përpunimin e artikujve ushqimorë, në të cilët janë shënuar të dhëna të cilat nuk i korrespondojnë përmbajtjes, llojit, kategorizimit, prejardhjes, sasisë apo cilësisë së produktit apo produkte pa të dhënat e mësipërme, siç parashikohet në legjislacionin në fuqi, dënohet me burgim deri në tre vjet”.

Vepra penale Paraqitja e rremë e produktit ushqimor bën të ndëshkueshëm penalisht me burg deri në 6 muaj ofrimin në treg të produkteve ushqimore duke mos plotësuar ose ndryshuar kërkesat e përcaktuara në ligj për skadencën ose përbërjen, fshehjen ose marrjen e produkteve ushqimore që synohen të bëhen të papërdorshme ose të dezinfektohen, me qëllim tregtimin e tyre.

Gjithashtu vepra penale Prishja e shenjave të organeve shtetërore në fushën e sigurisë ushqimore ndëshkon heqjen ose ndryshimin e shenjave bllokuese apo ushtrimin e aktivitetit pas bllokimit në kundërshtim me masat e përkohshme ose përfundimtare, të vendosura nga organet inspektuese të autoritetit kombëtar të ushqimit, me qëllim prodhimin ose tregtimin e ushqimeve të pasigurta. Dënimi për këtë vepër është deri në 3 vite burg.

Sigurimi i fermerëve, kush përfshihet në skemë? 

Personat që punojnë në bujqësi si të vetëpunësuar kanë detyrimin të kontribuojnë për sigurime shoqërore dhe shëndetësore. Ligji parashikon që për t’u siguruar, ata duhet të kenë mbushur moshën 16 vjeç, të jenë të aftë për punë dhe të mos kenë punësim apo sigurim në sektorë të tjerë.

Sipas publikimit të bërë nga Instituti I Sigurimeve Shoqërore bujqit që përfitojnë statusin e të vetëpunësuarit duhet të kenë tokë bujqësore në pronësi ose në përdorim sipas ligjit nr. 7501, ose me akt noterial. Ata duhet të zhvillojnë aktivitet bujqësor apo blegtoral, duke jetuar në të njëjtin nënqark ku kanë tokën, ose në fshat edhe kur toka ndodhet në një qark fqinj.

Pagesat e sigurimeve kryhen çdo tre muaj dhe janë të detyrueshme, duke mbuluar pensionet, barrëlindjen dhe shërbimin shëndetësor. Për zonat fushore, kontributi tremujor për sigurim shoqëror është 9.600 lekë dhe 942 lekë për sigurim shëndetësor. Ndërsa për zonat malore, pagesa është më e ulët: 7.350 lekë për sigurim shoqëror dhe 942 lekë për shëndetësor.

Në listën e zonave fushore përfshihen qarqe si Tirana, Durrësi, Fieri, Lushnja apo Korça, ndërsa zonat malore janë Skrapari, Peshkopia, Kukësi, Tropoja dhe të tjera.

Ky sistem është menduar për t’i përfshirë fermerët në skemën e sigurimeve shoqërore dhe për t’u krijuar atyre të drejtën e pensionit, ndihmës ekonomike në raste të caktuara, si dhe mbrojtje shëndetësore. Por, pavarësisht detyrimit ligjor, pjesëmarrja e fermerëve mbetet e ulët. Sipas të dhënave, shumë bujq nuk i paguajnë rregullisht kontributet për shkak të të ardhurave të ulëta, çka rrezikon të ardhmen e tyre financiare.

8-vjeç mbijetoi një aksidenti, por humbi jetën ne nje tjeter aksident në moshën 24-vjeçare

Peqini është tronditur nga një aksident tragjik automobilistik që i mori jetën dy të rinjve 24-vjeçarë, Gabriel Lluca dhe Denis Korbi.

Historia e Gabrielit është veçanërisht e dhimbshme. Në moshën vetëm 8-vjeçare, ai kishte mbijetuar një aksident të rëndë pranë shkollës “Demir Godelli” në qytetin e Peqinit, aty ku jetonte me familjen. Një automjet i kishte kaluar mbi trup, duke i shkaktuar fraktura të shumta dhe plagë të rënda, por me shumë përpjekje mjekësore dhe fat, ai arriti të mbijetojë, duke prekur zemrat e të gjithë komunitetit.

Por këtë fundgushti, fati nuk i dha më një shans tjetër. Në të njëjtin qytet ku dikur kishte shpëtuar mrekullisht nga vdekja, 24-vjeçari humbi jetën tragjikisht, duke lënë pas dhimbje dhe lot.

Familjarët dhe miqtë e përshkruajnë Gabrielin si një djalë plot energji, të dashur, gjithmonë me buzë në fytyrë. Ai ishte një nga katër fëmijët e familjes Lluca, e cila tre vite më parë përjetoi edhe një tjetër humbje të madhe – ndarjen nga jeta të babait, Agron Lluca.

Kjo tragjedi e dyfishtë ka lënë të pikëlluar jo vetëm familjen, por të gjithë bashkëmoshatarët dhe komunitetin e Peqinit, që sot i japin lamtumirën një djali që dikur i kishte sfiduar të gjitha shanset për të jetuar.

Gushti mbyll sezonin veror, emigrantët shqiptarë rikthehen në Greqi

Fundjava e fundit e gushtit ka shënuar një fluks të shtuar udhëtarësh në doganën e Kakavijës, ku emigrantët shqiptarë po kthehen drejt Greqisë pas përfundimit të pushimeve verore në vendlindje.

Sipas të dhënave zyrtare nga Policia Kufitare, gjatë 24 orëve të fundit janë përpunuar 9.527 shtetas në hyrje-dalje:

  • 3.841 në hyrje
  • 5.686 në dalje

Po ashtu janë regjistruar 3.107 mjete në qarkullim:

  • 1.265 në hyrje
  • 1.842 në dalje

Autoritetet bëjnë të ditur se në fluksin e lëvizjeve përfshihen jo vetëm emigrantët, por edhe turistë nga vende të ndryshme që kanë zgjedhur Shqipërinë si destinacion gjatë sezonit veror.

Policia Kufitare ka hapur 3 sportele në hyrje dhe 4 në dalje, ndërsa pala greke ka përshpejtuar procedurat në sportelet e saj për të shmangur pritjet e gjata.

1...212223...282Faqja 22 nga 282