Drejtoria Vendore e Policisë Vlorë

Specialistët për Hetimin e Krimeve në Komisariatin e Policisë Himarë arrestuan për veprat penale “Drejtimi i automjeteve në mënyrë të parregullt” dhe “Shkelja e rregullave të mbrojtjes në punë”, shtetasin E. P., 32 vjeç, banues në Vlorë, pasi ditën e djeshme, në vendin e quajtur “Palasë–Dhërmi”, në një kantier ndërtimi, dyshohet se gjatë një manovre të gabuar me mjetin eskavator ka goditur aksidentalisht shtetasin K. H., 45 vjeç, banues në Gjirokastër, i cili si pasojë ka humbur jetën.

Specialistët për Hetimin e Krimeve në Komisariatin e Policisë Sarandë referuan materiale në Prokurori dhe nisën procedimin penal për shtetasin A. D., 33 vjeç, banues në Ksamil, pasi dyshohet se ka ushtruar dhunë psikologjike ndaj bashkëshortes së tij.

Specialistët e Seksionit të Trafikut Urban dhe Interurban Vlorë arrestuan shtetasit:

• P. F., 62 vjeç, banues në Fier, pasi në aksin rrugor Vlorë–Novoselë u konstatua nga shërbimet duke drejtuar automjetin në gjendje të dehur;

• E. I., 34 vjeç, banues në Fier, pasi në kryqëzimin e fshatit Nartë u konstatua duke drejtuar automjetin në gjendje të dehur.

Specialistët e Seksionit të Trafikut Urban dhe Interurban Sarandë referuan materiale në Prokurori për vlerësim, pasi më datë 17.01.2026, shtetasi E. O., 23 vjeç, në rrugën “Panorama”, duke drejtuar automjetin, ka humbur kontrollin mbi drejtimin e tij dhe ka dalë nga rruga. Si pasojë janë dëmtuar 2 pasagjerë që udhëtonin me të, të cilët pas ndihmës mjekësore janë larguar në banesë.

Materialet iu referuan Prokurorisë për veprime të mëtejshme.

Një 12-vjeçar ka mbetur i plagosur pasi duke mbyllur portën e banesës e ka zënë poshtë. Menjëherë i mituri është transportuar në spital ku edhe ka marrë trajtim mjekësor.

Grupi hetimor po punon për zbardhjen e plotë të ngjarjes.

“Më datë 17.01.2026, është dërguar për mjekim nga familjarët shtetasi i mitur 12 vjeç, pasi në oborrin e banesës, në tentativë për të mbyllur portën e jashtme të oborrit, porta ka dalë nga shina dhe i ka rënë mbi vete. Aktualisht, i mituri ndodhet nën kujdesin e mjekëve. Punohet për sqarimin e rrethanave të rastit”, thuhet në njoftimin e policisë.

Materialet procedurale iu referuan Prokurorisë së Tiranës, për veprime të mëtejshme.

Drejtoria Vendore e Policisë Fier

Specialistët për Hetimin e Krimeve të Komisariatit të Policisë Lushnjë arrestuan shtetasin S. N., 40 vjeç, banues në fshatin Kosovë e Vogël, Lushnjë, pasi ka ushtruar dhunë ndaj prindërve të tij.

Po nga këta specialistë u referuan materialet në Prokurori ku nisi procedimi penal për shtetasit:
-Dh. G., 58 vjeç, banues në fshatin Karbunarë, pasi u kap duke kryer punime pa leje;
-R. S., 60 vjeç, banues në Lushnjë, pasi ka bllokuar rrugën e banesës së vëllait të tij;
-një shtetase të mitur, 16-vjeçare, pasi është konfliktuar fizikisht me bashkëshorten e xhaxhait të saj.

Specialistët e Qarkullimit Rrugor të DVP Fier referuan materialet në Prokurori ku nisi procedimi penal për shtetasin Sh. A., 40 vjeç, banues në Lushnjë, pasi duke drejtuar automjetin, ka përplasur një motomjet. Nga përplasja është dëmtuar drejtuesi i motomjetit i cili po merr ndihmë mjekësore në spital.

Në Komisariatin e Policisë Divjakë është paraqitur shtetasi A. K., 42 vjeç, banues në fshatin Gradisht, i cili kallëzon se në banesë i kanë vjedhur disa vegla pune. Po punohet për identifikimin dhe kapjen e autorit/ve.

Materialet procedurale iu referuan Prokurorisë së Fierit për veprime të mëtejshme.

Prokuroria pranë Gjykatës së Shkallës së Parë të Juridiksionit të Përgjithshëm Fier ka përfunduar hetimet dhe ka dërguar në gjyq shtetasin L.M., i akuzuar për veprën penale “Vrasje me dashje”, e mbetur në tentativë, e parashikuar nga nenet 76 dhe 22 të Kodit Penal.

Sipas hetimeve të procedimit penal nr. 813/2025, më 9 qershor 2025, rreth orës 15:30, në fshatin Çermë Sektor, Njësia Administrative Tërbuf, Bashkia Divjakë, i pandehuri ka sulmuar me mjet prerës shtetasin F.B., duke e goditur katër herë.

Si pasojë e sulmit, viktima ka pësuar plagë prerëse-shpuese depërtuese në anën e majtë të barkut, me dëmtim të zorrës së trashë, plagë të cilat janë cilësuar të rrezikshme për jetën në momentin e shkaktimit.

Ngjarja nuk ka përfunduar me pasoja fatale për shkak të thyerjes së mjetit prerës gjatë sulmit, si dhe ndërhyrjes së personave të tjerë të pranishëm në vendngjarje. Nga hetimet rezulton se konflikti ka nisur pas një debati verbal me fyerje reciproke mes palëve, pak minuta para sulmit.

Prokuroria Fier thekson angazhimin e saj për ndjekjen penale dhe vënien para përgjegjësisë ligjore të çdo personi që kryen vepra penale kundër jetës dhe shëndetit.

Nga VLADIMIR MUCAJ

Pse opozita dhe mediat pranë saj po intensifikojnë sulmet ndaj zëvendëskryeministres Belinda Balluku

Ditët e fundit, zëvendëskryeministrja dhe ministrja e Infrastrukturës dhe Energjisë, Belinda Balluku, është vënë në qendër të sulmeve të forta politike dhe mediatike nga opozita e drejtuar nga Sali Berisha dhe disa media pranë saj. Analistët e shohin këtë ofensivë si pjesë të një strategjie të mirëpërcaktuar politike, që shkon përtej një çështjeje të vetme konkrete.

Sipas vëzhguesve të skenës politike, Balluku konsiderohet një nga figurat më të rëndësishme të mazhorancës, për shkak të rolit të saj si zëvendëskryeministre dhe drejtimit të sektorëve strategjikë si energjia dhe infrastruktura. Pikërisht ky pozicion e bën atë një objektiv me peshë të lartë politike për opozitën, e cila synon të godasë qeverinë përmes figurave kyçe të saj.

Një tjetër faktor që përmendet është strategjia e opozitës për të delegjitimuar qeverinë në tërësi, duke krijuar perceptimin e korrupsionit në nivelet më të larta të pushtetit. Çdo lajm, verifikim apo hetim i mundshëm nga SPAK amplifikohet maksimalisht në diskursin publik, shpesh duke u trajtuar si faj i provuar, edhe pse proceset ligjore nuk kanë përfunduar.

Ekspertët theksojnë se sektorët që mbulon Balluku përfshijnë interesa të mëdha ekonomike dhe financiare, si tenderët publikë, projektet infrastrukturore dhe menaxhimin e energjisë. Kjo ka krijuar përplasje interesash me aktorë të ndryshëm, të cilët, sipas analizave, gjejnë reflektim edhe në sulmet politike dhe mediatike.

Ndërkohë, edhe stili i drejtimit dhe vendimmarrjes së Ballukut, i cilësuar si i drejtpërdrejtë dhe pa kompromis, shihet si faktor që ka shtuar kundërshtarët e saj politikë dhe institucionalë. Kjo e bën figurën e saj edhe më të ekspozuar ndaj kritikave dhe akuzave të ashpra.

Në këtë kontekst, analistët vlerësojnë se ajo që po ndodh është më shumë një “gjyq mediatik” sesa një proces i bazuar në vendime ligjore. Ata theksojnë se në një shtet të së drejtës, fajësia ose pafajësia e një zyrtari përcaktohet vetëm nga institucionet e drejtësisë dhe jo nga debatet politike apo panelet televizive.

Përfundimisht, sulmet ndaj Belinda Ballukut shihen si pjesë e një beteje të gjerë politike, ku perceptimi publik dhe presioni mediatik përdoren si mjete përballjeje. Vendimi final, sipas parimeve të shtetit të së drejtës, mbetet në dorën e drejtësisë