Turqia ka bërë të ditur se një raketë balistike e lëshuar nga Irani është neutralizuar nga sistemet e mbrojtjes ajrore dhe raketore të NATO-s mbi lindjen e Detit Mesdhe.

Sipas Ministrisë Turke të Mbrojtjes, raketa kishte kaluar fillimisht mbi Siri dhe Irak, duke u drejtuar drejt hapësirës ajrore të Turqisë, përpara se të shkatërrohej. Autoritetet turke theksuan se nga incidenti nuk pati viktima apo persona të lënduar.

Ministria njoftoi gjithashtu se Turqia rezervon të drejtën për t’iu përgjigjur çdo veprimi armiqësor që rrezikon sigurinë e saj, duke u bërë thirrje palëve të përfshira të tregojnë përmbajtje dhe të shmangin hapa që mund të përshkallëzojnë tensionet.

Autoritetet greke u vunë në gjendje alarmi paraditen e së mërkurës, pas një telefonate anonime që paralajmëronte për vendosjen e një bombe në Gjykatën e Apelit në ATHINE

Sipas burimeve zyrtare, telefonata është bërë rreth orës 10:45, ku një person i panjohur pretendoi se në ndërtesën e gjykatës ndodhej një pajisje shpërthyese, pa dhënë detaje apo afat për shpërthimin. Menjëherë pas sinjalizimit, zona u rrethua nga policia, ndërsa në vendngjarje pritej edhe njësia e specializuar për kontrollin dhe neutralizimin e lëndëve eksplozive.

Kërcënimi erdhi menjëherë pas shpalljes së vendimit të Apelit për çështjen e organizatës së ekstremit të djathtë AGIMI ARTE.

Gjykata e shkallës së dytë konfirmoi vendimin e mëparshëm, duke lënë në fuqi dënimin për 42 të pandehurit. Asnjë prej tyre nuk ishte i pranishëm në sallën e gjyqit në momentin e shpalljes së vendimit përfundimtar.

Konsullata amerikane në Dubai është goditur nga një dron Iranian. Mediat ndërkombëtare shkruajnë se nuk ka raportime për të lënduar.

Autoritetet kanë dalë me një njoftim zyrtar duke thënë se zjarri është vënë nën kontroll

Nga ana tjetër politico shkruan se “administrata Trump po shqyrton ofrimin e mbrojtjes ushtarake për anijet cisternë që kalojnë nëpër Ngushticën e Hormuzit”.

Nëse zbatohet, masa do të jetë një përpjekje për të mbajtur çmimet e energjisë të ulëta, pasi një mbyllje e zgjatur e Ngushticës do të rriste çmimet e naftës dhe gazit.

Dubai në ankth pas sulmeve, largimi nga Emiratet vetëm për ata që e përballojnë çmimin

Situata e sigurisë pas sulmeve iraniane dhe mbylljes së aeroportit të Dubait ka krijuar një valë paniku, sidomos mes shtresave të pasura, të cilat po kërkojnë çdo mënyrë për t’u larguar nga Emiratet e Bashkuara Arabe. Avionët privatë dhe rrugët tokësore janë kthyer në alternativat e vetme, por me kosto jashtëzakonisht të larta.

Qyteti i luksit dhe turizmit global është tronditur nga sulmet me dronë dhe raketa, që erdhën si kundërpërgjigje ndaj goditjeve amerikane dhe izraelite ndaj Iranit. Dëmtimi i aeroportit dhe goditja e disa hoteleve e zonave të frekuentuara kanë rritur ndjeshëm pasigurinë, duke shtyrë autoritetet të rrisin masat mbrojtëse dhe të mbyllin përkohësisht përfaqësinë diplomatike në Teheran.

Me fluturimet e pezulluara, shumë persona po udhëtojnë drejt Omanit, ku aeroporti i Maskatit vijon të funksionojë, ndonëse me vonesa të shumta. Megjithatë, biletat për fluturime komerciale drejt Evropës janë thuajse të pamundura për t’u gjetur për ditët në vijim.

Në të njëjtën kohë, tregu i avionëve privatë ka shpërthyer në çmime. Një fluturim i vetëm drejt Evropës kushton dhjetëra mijëra euro, ndërsa nga Arabia Saudite çmimet arrijnë edhe në qindra mijëra dollarë. Operatorët flasin për mungesë avionësh, probleme sigurimi dhe pamundësi për të përballuar kërkesën e lartë.

Për shumëkënd, largimi nga Emiratet është shndërruar në një sfidë të vështirë, ndërsa për disa të tjerë, në një luks ekstrem që vetëm pak vetë mund ta përballojnë.