Profesionet e bukurisë, nje mundesi për punësim në emigrim

Gjithnjë e më shumë vajza në Shqipëri, edhe pse kanë përfunduar studime të larta në fusha të ndryshme, po zgjedhin të lënë pas profesionin për të cilin janë shkolluar dhe po i drejtohen estetikës. Arsyeja kryesore: ky profesion shihet si një mundësi reale punësimi dhe fitimi në vendet e Bashkimit Europian dhe në Shtetet e Bashkuara të Amerikës.

Një trajnuese me 10 vite eksperiencë në këtë fushë, shprehet se interesimi për kurse estetike është rritur ndjeshëm vitin e fundit. “Sidomos kurset e thonjve, qerpikëve dhe make up-it kanë pasur një bum kërkesash nga vajzat që i ndjekin këtu në Shqipëri, me synimin për të emigruar dhe për ta ushtruar më pas këtë profesion jashtë vendit. Nga ato që kam trajnuar, di se ky profesion vlerësohet dhe paguhet disa herë më shumë në BE dhe më gjerë”, – tregon ajo.

Kostot e kurseve të estetikës në Shqipëri

Çmimet e kurseve ndryshojnë sipas fushës dhe studios që i ofron:

  • Kursi i thonjve: 200 deri në 600 euro, në disa raste deri në 1200 euro, me kohëzgjatje rreth një muaji.
  • Kursi i qerpikëve: një nga trendet më të fundit, i futur fuqishëm në dy vitet e fundit; kushton 400 deri në 1200 euro, zgjat rreth 2 javë.
  • Kursi i vetullave (mikroblading apo teknika të ngjashme): nga 1000 deri në 1200 euro, me kohëzgjatje nga 2 javë deri në 1 muaj.

Shumë prej kursanteve e shohin këtë si një investim të shpejtë, që u krijon mundësinë të nisin punën vetë ose në qendra estetike jashtë vendit.

Sfida dhe ndryshimet në tregun europian

Megjithatë, sektori i estetikës nuk është i pandryshueshëm. Prej 1 shtatorit, Bashkimi Europian ka ndaluar përdorimin e disa llojeve të xhelëve për thonj, pasi është konstatuar se përmbajnë substanca kimike që ndikojnë negativisht në fertilitet dhe riprodhim. Ky vendim do të ndikojë drejtpërdrejt si te estetistet që punojnë në BE, ashtu edhe te ato që planifikojnë të emigrojnë e të ushtrojnë këtë profesion.

Një derë e hapur për punësim

Pavarësisht sfidave, estetika mbetet një nga profesionet më të zgjedhura nga vajzat shqiptare që kërkojnë mundësi punësimi dhe të ardhura të sigurta jashtë vendit. Me kërkesën e lartë për shërbime bukurie në tregun ndërkombëtar, ky sektor shihet si një trampolinë e fortë për të rinjtë që kërkojnë një jetë më të mirë në emigrim.

U arrestuan në lokalin e ish-deputetit, zbulohen emrat e inspektorëve të IMT-së që u prangosën me urdhër të SPAK

U arrestuan në lokalin e ish-deputetit, zbulohen emrat e inspektorëve të IMT-së që u prangosën me urdhër të SPAK

Gerald Fuçia dhe Edmond Çela janë dy inspektorët e arrestuar të IMT-së gjatë një aksioni të Policisë së Shtetit dhe SPAK. Në kërkim është shpallur Klajdi Zhilla dhe një tjetër, identiteti i të cilit ende nuk dihet.

Operacioni u zhvillua pas një denoncimi të mëhershëm në polici, ku raportohej se inspektorët e IMT-së kërkonin dhe merrnin para nga biznese të ndryshme në këmbim të mosveprimit për shkeljet e tyre.

Fuçia dhe Çela janë arrestuar në lokalin e ish-deputetit Mark Frroku pranë Kombinatit, ndërsa mësohet se janë sekuestruar edhe kamerat e sigurisë.

Fier – Policia finalizon disa raste penale, vihet në pranga një i kërkuar në kuadër të operacionit “Liquid”

Drejtoria Vendore e Policisë Fier

Kapet dhe vihet në pranga 34-vjeçari i shpallur në kërkim në kuadër të operacionit policor të koduar “Liquid”.

Specialistët për Hetimin e Krimeve Ekonomiko-Financiare ndaluan për veprat penale “Ruajta dhe magazinimi i mallrave kontrabandë” dhe “Fshehja e të ardhurave”, shtetasin E. R., 34 vjeç, banues në Fier, i shpallur në kërkim në kuadër të operacionit policor të koduar “Liquid”, si rezultat i të cilit, dje, u vunë në pranga 2 shtetas që magazinonin dhe transportonin lëndë hidrokarbure të dyshuara të kontrabanduara.

Specialistët e Seksionit për Hetimin e Krimit Kibernetik referuan materialet në Prokurori, ku nisi procedimi në gjendje të lirë për shtetasin D. Xh., 28 vjeç, banues në fshatin Çermë e Sipërme, pasi dyshohet se ka përndjekur nëpërmjet rrjeteve sociale, një shtetas 58 vjeç.

Specialistët për Hetimin e Krimeve të Komisariatit të Policisë Fier:
-arrestuan në flagrancë shtetasin Dh. R., 66 vjeç, banues në fshatin Frashër, pasi dyshohet se ka ushtruar dhunë ndaj djalit të vëllait të tij;
-referuan materialet në Prokurori, ku nisi procedimi në gjedje të lirë për shtetasin E. T., 61 vjeç, banues në Kafaraj, pasi dyshohet se ka zaptuar një pjesë toke në pronësi të një shtetasi 71 vjeç.

Specialistët për Hetimin e Krimeve të Komisariatit të Policisë Divjakë referuan materialet në Prokurori, ku nisi procedimi në gjendje të lirë për shtetasin A. M., 55 vjeç, banues në Divjakë, pasi dyshohet se ka prishur qetësinë publike në një subjekt (fast food) në Divjakë, si edhe nuk i është bindur urdhrit të punonjësve të Policisë, për t’u shoqëruar në Komisariat.

Materialet procedurale iu referuan Prokurorisë së Fierit, për veprime të mëtejshme.

Tuneli i Llogarasë, udhëtimi vetëm 7 minuta, pas 15 shtatorit tarifa 10 euro vajtje-ardhje

Pas përfundimit të testimeve dhe hapjes me qarkullim të lirë deri më 15 shtator, Tuneli i Llogarasë do të bëhet segmenti i tretë me pagesë në vend, ku do të aplikohet një tarifë prej 10 euro vajtje-ardhje për automjet.

Tuneli ka një gjatësi prej 5.9 kilometrash, duke e shkurtuar kohën e udhëtimit nga Dukati drejt Palasës në vetëm 7 minuta, nga 45 që nevojiteshin më parë përmes Qafës së Llogarasë. Projekti përfshin dy tunele paralele: njëri për qarkullimin normal, tjetri për emergjenca, me parashikimin që në rast rritjeje të fluksit turistik të vihet në përdorim edhe si aks rrugor shtesë.

Menaxhimi i vetëpagesave dhe mirëmbajtja e veprës publike do të bëhet nga Enti Kombëtar i Operimit Rrugor (EKOR), një shoqëri aksionere me kapital shtetëror nën administrimin e Ministrisë së Infrastrukturës dhe Energjisë. Ky institucion do të kujdeset për operimin, funksionimin e portave automatike, sistemin e tarifimit, shpërndarjen e biletave dhe ofrimin e aboneve mujore për përdoruesit e rregullt.

Me këtë projekt, Shqipëria zgjeron rrjetin e saj të akseve me pagesë, ku aktualisht përfshihen Milot–Morinë, Thumanë–Kashar dhe tashmë Dukat–Palasë (Tuneli i Llogarasë).

Shqipëria- Një makine për çdo familje– Durrësi kryeson,Fieri në mes, Korca ne fund

Sipas të dhënave më të fundit të DPSHTRR, numri i mjeteve në vend ka arritur në mbi 1 milionë, nga të cilat mbi 810 mijë janë autovetura për pasagjerë. Kjo shifër përkthehet në një raport prej rreth 1.07 makine për familje, duke treguar një nivel të lartë motorizimi për një vend me popullsi të vogël si Shqipëria.

Nëse në nivel kombëtar duket se çdo familje ka tashmë një automjet, të dhënat sipas qarqeve tregojnë dallime të mëdha:

  • Durrësi rezulton qarku më i motorizuar, me 301 makina për 1,000 banorë, një nivel që lidhet me zhvillimin urban, aktivitetin turistik dhe fuqinë ekonomike të zonës.
  • Pas tij renditet Lezha me 287 makina për 1,000 banorë, ndërsa Gjirokastra ka një tregues të lartë prej 263 makinash për 1,000 banorë.
  • Fieri ndodhet në nivel mesatar me 214 makina për 1,000 banorë, duke u renditur mbi Berat, Kukësin apo Elbasanin, por larg treguesve të qarqeve më të motorizuara.
  • Në krahun tjetër të tabelës qëndrojnë Korça me vetëm 165 makina për 1,000 banorë dhe Elbasani me 173, që shënojnë prapambetje të dukshme në krahasim me qarqet e tjera.
  • Tirana, ndonëse kryeqytet dhe qendër ekonomike, ka 241 makina për 1,000 banorë, një nivel mesatar, por me ndikim shumë më të madh në qarkullim për shkak të dendësisë së popullsisë dhe fluksit të lartë të mjeteve që vijnë çdo ditë nga qarqet përreth.

Kjo rritje e motorizimit tregon ,jo vetëm një rritje të standardeve të jetesës, por edhe një sfidë për infrastrukturën rrugore dhe transportin publik. Ekspertët paralajmërojnë se nëse nuk merren masa për menaxhimin e trafikut dhe zhvillimin e transportit të qëndrueshëm, kryeqyteti dhe zonat urbane të mëdha do të përballen me bllokime gjithnjë e më të shpeshta, ndotje dhe kosto të larta sociale.

Trump akuzon Sorosin për krim të organizuar dhe mashtrim: Nuk do t’i lëmë këta lunatikë të shkatërrojnë Amerikën

Presidenti i SHBA-së, Donald Trump, tha të mërkurën se financuesi miliarder dhe donatori kryesor demokrat, George Soros, dhe djali i tij duhet të akuzohen sipas Aktit të Organizatave të Ndikuara dhe të Korruptuara, ose RICO, por nuk ofroi prova për të mbështetur akuzat.

Trump ka nisur një fushatë kërcënimesh dhe padish kundër kundërshtarëve politikë, organizatave të lajmeve dhe firmave ligjore, duke përdorur një përzierje të padive, pushtetit ekzekutiv dhe ndikimit të tij në atë që aleatët e përshkruajnë si një përpjekje për t’i mbajtur të fuqishmit përgjegjës dhe kundërshtarët e quajnë një sulm të frikshëm ndaj disidencës.

Soros, një i mbijetuar 95-vjeçar i Holokaustit, është konsideruar prej kohësh një keqbërës nga Trump dhe baza e tij konservatore. Organizata e tij filantropike, Open Society Foundations, është një nga financuesit më të mëdhenj në botë të kauzave, duke përfshirë të drejtat e njeriut, transparencën qeveritare, shëndetin publik dhe arsimin.

George Soros dhe djali i tij i mrekullueshëm i së majtës radikale duhet të akuzohen për krim të organizuar për shkak të mbështetjes së tyre ndaj protestave të dhunshme dhe shumë më tepër, në të gjithë Shtetet e Bashkuara të Amerikës. Ne nuk do t’i lejojmë më këta të çmendur ta shkatërrojnë Amerikën, duke mos i dhënë kurrë as edhe një shans për të “MARRË FRYMË” dhe për të qenë të LIRË”, shkroi Trump në një postim në Truth Social.

“Soros dhe grupi i tij i psikopatëve i kanë shkaktuar dëme të mëdha vendit tonë! Kjo përfshin edhe miqtë e tij të çmendur nga Bregu Perëndimor. Kini kujdes, po ju vëzhgojmë! Faleminderit për vëmendjen tuaj ndaj kësaj çështjeje!”, përfundoi presidenti.

Një zëdhënës i Fondacioneve të Shoqërisë së Hapur denoncoi komentet e Trump.

“Këto akuza janë të skandaloze dhe të rreme. Fondacionet e Shoqërisë së Hapur nuk mbështesin ose financojnë protesta të dhunshme. Misioni ynë është të përparojmë të drejtat e njeriut, drejtësinë dhe parimet demokratike në vend dhe në mbarë botën”, tha zëdhënësi.

FIER-3 të rinj ne pranga – ishin shpallur në kërkim ndërkombëtar –

Tre shtetas të rinj janë arrestuar në Fier, pas një serie operacionesh të zhvilluara nga forcat speciale, pasi akuzohen nga drejtësia italiane si pjesëtarë të një grupi kriminal që merrej me trafikim lëndësh narkotike.

Operacionet e koduara “Operacionalja 61”, “Operacionalja 62” dhe “Operacionalja 63” çuan në pranga K. Sh., 24 vjeç, A. M., 29 vjeç, dhe E. F., 22 vjeç, të gjithë banues në Fier.

Sipas autoriteteve italiane, të arrestuarit dyshohet se gjatë periudhës qershor–dhjetor 2024, në bashkëpunim me persona të tjerë, kanë blerë dhe shpërndarë sasi të mëdha droge në qytetin e Riminit. Gjykata italiane e Riminit u ka caktuar ndaj tyre masën e sigurisë “Arrest me burg”, me një maksimum dënimi deri në 10 vjet.

Aktualisht, Interpol Tirana është duke ndjekur procedurat për ekstradimin e tyre drejt Italisë, në bashkëpunim me Interpol Romën.

Sulm me a*më në një shkollë katolike ne SHBA- Policia ek*ekuton autorin

Sulm me armë zjarri në një shkollë katolike në Minnesota të SHBA.

Policia dhe ekipet e emergjencës reaguan ndaj raporteve për të shtëna me armë zjarri në Kishën Annunciation në rrugën West 54th në Minneapolis.

Burime thonë se autoritetet kanë marrë thirrje për një burrë të armatosur, i veshur me të zeza dhe i pajisur me një pushkë. Ky incident është shpallur si një ngjarje me viktima. Zyrtarët thonë se deri tani ka rreth 20 të lënduar. Katër persona janë në gjendje kritike, ndërsa është konfirmuar se dy persona kanë ndërruar jetë.

Autori u vra nga policia.

Policia po heton gjithashtu raportet që një pajisje shpërthyese mund të jetë vendosur brenda ndërtesës së kishës. Guvernatori Tim Walz thotë se është informuar për situatën. Sot është dita e parë e shkollës për nxënësit nga Kopshti deri në klasën e 8-të.

Ky sulm me armë zjarri ndodhi më pak se 24 orë pasi një tjetër sulm masiv me armë zjarri ndodhi në të njëjtën qytet, ku një person humbi jetën dhe gjashtë të tjerë u plagosën. Ai ndodhi të martën pasdite rreth orës 1:30 pranë rrugës 29th Street East dhe Clinton Avenue. Një burrë i armatosur me një pushkë hapi zjarr mbi një grup njerëzish. Tre prej tyre pësuan lëndime që rrezikonin jetën, por fatmirësisht janë jashtë rrezikut për jetën.

1...151152153...308Faqja 152 nga 308