Qytetarë dhe aktivistë janë mbledhur këtë të diel përpara Ministrisë së Brendshme në Tiranë, në shenjë proteste pas incidenteve të ndodhura në Zvërnec gjatë kundërshtimit të projektit ndërtimor në zonë.
Pjesëmarrësit në protestë kanë dënuar dhunën e ushtruar ndaj protestuesve dhe kanë kërkuar reagim nga institucionet përgjegjëse. Sipas tyre, banorët e Zvërnecit po mbrojnë pronat dhe mjedisin e zonës, të cilën e konsiderojnë të mbrojtur dhe me rëndësi të veçantë natyrore.
Gjatë tubimit janë bërë thirrje për mbështetje dhe solidarizim me banorët e zonës, ndërsa protestuesit kanë kërkuar zgjidhje të situatës përmes dialogut dhe respektimit të të drejtave të qytetarëve.
