Dy incidente me lëndë plasëse janë regjistruar gjatë orëve të para të mëngjesit në Durrës.
Sipas policisë, rreth orës 03:50, në lagjen nr. 11, në derën e jashtme të një lokali në pronësi të shtetasit Gëzim Kajno është hedhur një sasi e vogël lënde plasëse. Nga shpërthimi janë shkaktuar vetëm dëme të lehta materiale.
Rreth 40 minuta më vonë, një tjetër incident është shënuar në zonën e Shkallnurit, përgjatë rrugës Plepa–Ndroq. Sipas policisë, lënda plasëse është hedhur në derën e garazhit të një automjeti, duke shkaktuar dëme materiale.
Grupet hetimore, nën drejtimin e Prokurorisë, kanë nisur punën për dokumentimin e ngjarjeve, mbledhjen e provave dhe zbardhjen e rrethanave. Vijon puna për identifikimin dhe kapjen e autorit ose autorëve.
