Eurodeputetja gjermane Jutta Paulus ka njoftuar se do t’i bashkohet protestës së kësaj mbrëmjeje në Tiranë kundër, sipas saj, shkatërrimit të zonës së mbrojtur të Vjosë-Nartës.
Përmes një reagimi publik, Paulus u shpreh se do të dalë në rrugë “bashkë me shumë njerëz të guximshëm” për të kundërshtuar projektet që prekin ekosistemin e lagunës dhe habitatin e flamingove.
“Sonte në Tiranë japim së bashku një mesazh të qartë: Duart larg nga Vjosë-Narta! Duart larg nga natyra jonë!”, shkruan eurodeputetja, duke bërë thirrje për t’iu bashkuar asaj që e quan “Revolucioni i Flamingove”.
