Një aksident rrugor është regjistruar në aksin Tepelenë-Krahës, pranë fshatit Iliras, ku dy automjete janë përplasur me njëri-tjetrin teksa lëviznin në drejtime të kundërta.
Si pasojë e përplasjes, kanë mbetur të lënduar tetë persona që udhëtonin në të dy mjetet.
Në vendngjarje kanë mbërritur shërbimet e Policisë Rrugore, të cilat po punojnë për zbardhjen e rrethanave dhe shkaqeve të aksidentit.
Të plagosurit janë transportuar në Spitalin e Gjirokastrës, ku sipas informacioneve paraprake ndodhen jashtë rrezikut për jetën dhe po marrin ndihmën e nevojshme mjekësore.
