Policia e Shtetit ka bërë ndryshime në disa struktura drejtuese, me emërime të reja në drejtoritë e kufirit dhe komisariate.
Arbër Zemani është emëruar Drejtor i Kufirit në Vlorë, ndërsa drejtuesi i mëparshëm është transferuar si specialist në Drejtorinë e Antiterrorit.
Agim Basha, nga Akademia e Sigurisë, është emëruar Drejtor i Kufirit në Shkodër.
Altin Lila merr drejtimin e Kufirit në Durrës, ndërsa Ermal Lila është emëruar specialist në Policinë e Shtetit.
Gjithashtu, Alfred Cenaj është caktuar shef i Komisariatit nr. 2 në Tiranë.
