Një përplasje me armë zjarri është regjistruar në mes të qytetit të Memaliajt, duke shkaktuar panik te banorët.
Sipas informacioneve paraprake, nga të shtënat dyshohet se kanë mbetur të plagosur dy persona, të cilët janë transportuar për ndihmë mjekësore. Ende nuk dihet gjendja e tyre shëndetësore.
Ngjarja ka ndodhur në rrethana që mbeten të paqarta, ndërsa policia ka mbërritur në vendngjarje dhe ka nisur hetimet për zbardhjen e plotë të saj.
Forca të shumta policie po kryejnë kontrolle në zonë për kapjen e autorëve dhe sqarimin e motiveve të kësaj përplasjeje me armë.
