Çështja e imunitetit të Belind Ballukut ka rreth tre muaj që ka ndezur politikën shqiptare, duke qenë edhe kryefjala e seancave plenare të shoqëruara me tensione.
Partia Socialiste pritet të prezantojë sot në mbledhjen e grupit parlamentar, që nis në orën 10:00, raportin e nxjerrë nga Këshilli i Mandateve në lidhje me kërkesën e SPAK, të dorëzuar më 16 dhjetor, për heqjen e imunitetit dhe më pas arrestimin e Ballukut.
Në takim pritet të mbajë një fjalim edhe kryeministri Edi Rama.
Ndërkohë, në seancën plenare të 12 marsit pritet që dy raportet të hidhen për votim në Kuvend, ndërsa Partia Demokratike ka paralajmëruar gjithashtu mbajtjen e një proteste në të njëjtën ditë.
