Kryeministri Edi Rama ka reaguar ashpër përmes një postimi në rrjetin social X, lidhur me seancën e sotme në Gjykatën Kushtetuese, ku po shqyrtohet çështja e pagave të gjyqtarëve. Rama e cilësoi procesin si “farsën më të shëmtuar të imagjinueshme”, duke theksuar se sipas tij ajo është imponuar nga dy shoqata gjyqtarësh që synojnë rritjen e pagave përmes vendimeve gjyqësore.
Sipas kryeministrit, kjo nismë synon të thyejë piramidën shtetërore të pagave dhe të zhvendosë kompetencat kushtetuese të qeverisë dhe parlamentit për politikën e pagave. Rama u shpreh se kërkesa e shoqatave parashikon që gjyqtarët të kenë të drejtën ta rrisin vetë pagën sa herë që rriten pagat në sektorë të tjerë, duke e kthyer Shqipërinë, sipas tij, në një rast unik në botë.
Në reagimin e tij, Rama shprehu gjithashtu respekt për SPAK-un, duke vlerësuar faktin që nuk iu bashkua kësaj nisme, të cilën ai e cilësoi si një përpjekje të papranueshme për përfitime financiare përmes gjykatave
