Në Qafën e Llogarasë kanë rinisur reshjet e dëborës, duke shkaktuar vështirësi në qarkullimin rrugor në këtë aks. Problemet janë evidentuar në segmentin nga fshati Dukat deri në zonën e Palasës, ku drejtuesit e mjeteve po lëvizin me kujdes të shtuar.
Shërbimet përkatëse ndodhen në terren për menaxhimin e situatës, ndërsa drejtuesit e automjeteve këshillohen të përdorin goma dimërore dhe mjete antirrëshqitëse.
