Të gjithë punonjësit e kopanisë OSHEE Group do të përfitojnë rritje pagash duke nisur nga ky muaj. Në fokus të këtij vendimi janë kryesisht punonjësit e terrenit duke nisur me elektriçistët e faturistët, por edhe kategoritë e tjera.

Vendimin e ka bërë të ditur Zëvendëskryeministrja, njëherësh Ministër i Infrastrukturës dhe Energjisë, Belinda Balluku e cila theksoi se rritja prek të gjithë punonjësit e OSHEE dhe vjen në kuadër të vendimit që ka marrë Qeveria Shqiptare për rritjen e pagave në administratën publike.

“Të gjitha pagat e OSHEE Grup do të afektohen nga një rritje e cila varion sipas sektorëve, pasi vëmendja jonë kryesore dhe e gjithë puna që kemi bërë me administratorin brenda Ministrisë, ka qenë për ti dhënë një shpërblim të merituar punonjësve të terrenit. Atyre që mbajnë peshën kryesore të rrjetit duke filluar nga elektriçistët, teknikët, inxhinierët dhe pse jo faturistët”, bëri të ditur Balluku.

Ministrja e Infrastrukturës dhe Energjisë, duke marrë për krahasim pagën e një elektricisti sot, me rritjen e re paga e tij do të shkojë nga 50 mijë në 70 mijë ndërsa kësaj shume do ti shtohet për herë të parë edhe koefiçienti i vjetërsisë në punë.

“Paga e elektricistit që deri më sot ka qenë rreth 50 mijë lekë, shkon në 70 mijë lekë, ashtu siç administratori tha, kini parasysh që do të aplikohet për herë të parë edhe vjetërsia në punë, duke u bazuar mbi atë skemë që tashmë është aplikuar edhe në administratën publike. 0.6% është llogaritja e vjetërsisë së punës për 10 vitet e para, 0.8% nga viti 10 deri në vitin e 20 dhe 1% për 10 vitet e treta në punë”, shtoi Balluku.

Sot ndodhemi në kushte dhe në parametra të tjerë, vijoi Balluku, duke shtuar se sot, kur mbledhja e të ardhurave ka arritur një shifër rekord edhe investimet do të jenë në një nivel tjetër.

“Shoqëria sot ka nisur një plan investimesh prej rreth 40 milionë eurosh. Nga ana tjetër, sot që flasim janë lidhur kontratat për të gjitha ato punime të cilat arrijnë një vlerë rreth 15 milionë euro. Kjo është çka tregon se tashmë po futemi në një fazë të re. Po futemi në një fazë të rëndësishme e cila ka të bëjë me investime të qenësishme në fushën e shpërndarjes të energjisë elektrike”, nënvizoi më tej ministrja.

Administratori i OSHEE, Enea Karakaçi, si dhe drejtori i OSSH, Blendian Dalipaj sqaruan se kjo rritje vjen si rezultat i përmirësimit të performancës së kompanisë. Pak ditë më parë, OSHEE hapi aplikimet për 309 poste të rinj elektriçistësh duke ju bërë ftesë të rinjve që ti bashkohen kompanisë. Deri më tani kanë aplikuar pranë drejtorive rajonale afro 270 të rinj.

Tensione para ambienteve të Kryesisë së Kuvendit, ku deputetë të opozitës janë përplasur me gardistët.

Deputeti demokrat, Ervin Salianji ka paralajmëruar gardistët që të mos guxojnë që ta prekin.

“Të afrohet njeri të më prekë me dorë e ta shohë. Të afrohet njeri të më prekë, guxo. Hajdutë, pisa. Juntë është kjo? Çfarë janë këta, gangsterë, gangsterë jeni ju, siç mbani pushtetin? Private e keni këtë? Le ta bëjnë shtëpi, le të mblidhen në shtëpi rehat. Do bëni luftë me të shtyrë? Private e keni këtë?”, tha Salianji.

Kryesia ka vendosur që deputetët opozitarë, të përjashtuar për disa ditë lidhur me dhunën e ushtruar në seancën plenare të javës së kaluar, që ata të mos lejohen të futen brenda në godinë.

Ndërkaq, deputeti Flamur Noka ka kaluar kangjellat për të hyrë brenda ambienteve të kryesisë

Deputeti i Partisë Demokratike, Bledion Nallbati ka shkuar sot në SPAK. 

Pas daljes së tij nga SPAK, Nallbati tha për mediat se nuk kishte qëlluar asnjë person. “Nuk kam qëlluar njeri, më tërhoqi dhe e tërhoqa. Në parlament ndodhin gjëra më të turpshme se kaq. Në parlament po vidhen çdo ditë qytetarët”, tha ai.

Nallbati është kallëzuar nga Partia Socialistë për dhunë ndaj deputetit Vullnet Sinaj, pasi u konfliktua me të në Kuvend.