ARTIKUJT E FUNDIT

Vrau me çifte xhaxhain e më pas veten, kush janë dy viktimat e krimit në familje në Vlorë

Genci Koreta, 39 vjeç, dhe  Jorgji Koreta, 64 vjeç, janë viktimat e krimit në familje që tronditi Vlorën mbrëmjen e sotme. 

Nipi 39-vjeçar Genci Koreta ka vrarë xhaxhanë e tij, Jorgji Koreta, 64-vjeç.

Më pas, 39-vjeçari ka vrarë edhe veten me po të njëjtën armë gjahu, e cila është sekuestruar nga policia. Ngjarja tragjike ka ndodhur në fshatin Mekat të Vlorës, ku dyshohet se xhaxha e nip kanë pasur një konflikt për motive të dobëta, duke çuar deri në vrasje

Krisma armesh ne Vlore,dyshohet për viktima

Një vrasje ka ndodhur pak minuta më parë në Vlorë.

Njoftimi:

Vlorë/Informacion paraprak

Në fshatin Mekat, Vlorë, dyshohet se shtetasi G. K, ka vrarë me armë gjahu në banesë xhaxhain e tij, shtetasin J. K, dhe më pas ka vrarë veten.

Në vendngjarje është gjetur dhe sekuestruar në cilësinë e provës materiale arma e gjahut.

Grupi hetimor nën drejtimin e Prokurorisë së Rrethit Gjyqësor Vlorë vijon punën për sqarimin e plotë të rrethanave të ngjarjes.

Brace perplaset me Bashen per autostradën Lushnje-Fier

Erion Braçe: Aq dinte aq dëm bëri, mua më intereson dicka tjetër. Dua të di që rruga u ngjesh me rul dhe ministri sipër rulit tani është bërë kanal sepse nuk mban ajo tokë është mocalore, po mbikalimet ku shkuan. Do ti kërkoj minitsres a ishin mbikalimet ku shkuan. këto kanë ngelur në ajër as hip as nuk zbret dot. Disa mbikalime kanë ngelur kështu.

Ndërsa ky këtu është nënkalim skandaloz! Pa diskutim që papaqët, biçikletat, veturat, unë, hymë këtu. Por kryetarit të opozitës i prishen flokët ndërsa kryetarit të qeverisë i këpusin kokën sepse është shumë i gjatë. Janë tunele që janë jashtë standartit. Këto nuk janë justifikime për paritnë socialiste. Ne na intereson që banorët të kenë askses në të dy krahjët e rrugës, akses në pronat e tyre. Nuk ka asnjë justifikim as për mua as për partinë e PS. Dua të di projekti ka qenë me mbikalime apo pa mbikalime dhe pastaj i takon qeverisë ti japë zgjidhje nga nyjet dhe deri të gjithë fshatrat që të lidhen me njëra tjetrën.

E dyta kam një shqetësim që vjen nga Berat Lushnjë dhe Divjaka, janë cmimet e plehrave kimike shumë të larta. Pa diskutim duhet të ndalem në tre gjëra, këto produkte nuk mbajnë ngarkesë fiskale të shtuara nëse janë pa tvsh ashtu të ngelen. këto produkte i zotëron një kartel i vetëm dhe nuk ka konkurrecnë që ndodhet në Vorë. Duhet asistencë për buqrit pasi kyu kartl i ka vendos bujqërit në përdorimin pa kufi të plehrave.

Basha: Pse kjo pengesë u zhbllokua menjëherë në vitin 2005 mund t’iua vërtetojnë ata. Por një gjë eshtë e sigurtë, jo vetëm kjo rrugë, por çdo rrugë tenderuar nga viti 2005 deri në vitn 2007, kursimi ishte 16%. Krahasoni pak me sot, numëroni me gishtat e dorës një tender që nuk fitohet me 99%. Pse ? sepse ky regjim është nona dhe baba e korrupsionit.

Braçe: Edhe njëherë tjetër dua ta theksoj. Kur flasim për korrupsion, në sallën e parlamentit, duhen prova dhe fakte. Nuk duhet as nona e as baba. As nipi dhe as tezja. Po të jetë për këta përgjigja është e qartë. Nona, baba, xhaja, tezja, nipi, mbesa, para drejtësisë të shkojë nga i pari deri në fund. Pa mbrojtje ligjore, politike dhe morale nga partitë e ndryshme politike. Pavarësisht çfarë është nona, baba, kryetar apo kryetare. Lidhur me këtë projektm, gjithë çfarë thashë është në raportin e KLSH. Ky ishte mbikalimi dhe nëse nuk ka pasur para për këtë si u bë kjo?

Basha: Mirë more zotëri, ai projekti me ndihmën e taksapaguesve të italianëve. Programi si quhej të kujtohet? Ai program i dha lekët për rrugën dhe u bë ajo rrugë. Po 8 vite në pushtet si nuk u kujtuat të bënit rrugën anësore, ato mbuikalimet pse nuk i bëtë. Përgjigja është këtu. Zambia, Shqipëria, këtu ësdhtë përgjigja. E dyta në botë për nivelin e rryshfetit. Tre herë më e lartë se në vitin 2013. Kjo është përgjigja.  Më vjen shumë keq. Ndoshta nuk janë në zonën tënde elektorale por janë në Lushnje. Përgjigjen e ke këtu midis Zambias. Shqipëria e dyta në botë për rryshfet. Ky është baba i korrupsionit, nona, e keqja që ka zënë për fyti socialistë dhe demokratë.

Basha për Indeksin e Studimit të Ligjit:“Shqipëria e fundit në Europë për sundimin e ligjit”

Kreu i PD Lulzim Basha gjatë fjalës së tij në Kuvend ka akuzuar kryeministrin Rama se e ka kthyer Shqipërinë një vend ku korrupsioni dhe mungesa e sundimit të ligjit nuk përbën më lajm.

Duke përmendur raportet e Transparency International, World Justice Project, Basha tha se Shqipëria renditet mes shteteve më të korruptuara.

“Pak ditë më parë, “World Justice Project”, një institut kërkimor ndërkombëtar me qendër në Shtetet e Bashkuara të Amerikës, publikoi Indeksin e Sundimit të Ligjit, 2020-2021, në të cilin Shqipëria renditej e fundit në Europë.

E 83-ta nga 139 shtete, është renditur vendi ynë, mes Algjerisë dhe Surinamit, një shtet për të cilin disa prej njerëzve në këtë sallë duhet të klikojnë në google për ta gjetur. Ndërsa unë e mbaj mend nga vitet e studimit në Holandë si vendi me një president në kërkim ndërkombëtar të akuzuar për korrupsion, trafik droge dhe vrasje politike. Këtu është katandisur Shqipëria 8 vite pas sundimit të këtij kryeministri, në një vend ku korrupsioni dhe mungesa e sundimit të ligjit nuk përbën më lajm. Në një vend ku mendjelehtësi marramendëse trajtohen me oreks të panginjshëm cdo lloj teme, mjaft që të  që eklipsojnë debatin mbi ato që realisht prekin jetën e njerëzve. Ky raport konfirmon atë që të tjera organizata ndërkombëtare kanë raportuar vitet e fundit për Shqipërinë. Pikërisht atë që Partia Demokratike ka denoncuar me forcë. Dhe mbi të gjitha atë që qytetarët dhe sipërmarrësit e ndershëm të këtij vendi, përjetojnë cdo ditë, kur përballen me padrejtësinë, abuzivizmin dhe mungesën e llogaridhënies: Shteti shqiptar nën Edi Ramën nuk është thjesht i korruptuar por një shtet i kapur nga korrupsioni.

Këtë nuk e them unë, por raporti i Transparency International. Dhe kur vjen fjala te korrupsioni, një nga faktorët e matur nga “Ëorld Justice Project”, Shqipëria e drejtuar nga ju mban vendin e 105-të në botë, pra jo vetëm korrupsionin më të lartë në Euroë dhe rajon, por na keni renditur pas Beninit, Egjiptit, që mbajnë vendin e 103-të dhe të 104 dhe ndiqemi nga Zambia dhe Mozambiku, të 106-tët dhe 107-tët. Shikoni, është i vetmi europian në listë. Ky është pozicioni në të cilin mertion të jetë Shqipëria? Fryhet lartë e poshtë ekraneve, duke nanuritur se po bën shtet. Ky është shteti që ke bërë?”- tha ai.

Helmohen dhjetra qytetar nga uji i pijshem në qytetin e Krujës

50 qytetarë kanë përfunduar në spitalin e Krujës me shenja helmimi, që dyshohet të ketë ardhur si pasojë e ujit të pijshëm.

Mësohet se qytetarët janë paraqitur në Urgjencë me thuajse të njëjtat simptoma. Ata kanë marrë ndihmën e nevojshme mjekësore dhe më pas janë larguar për në banesat e tyre.

Sipas mjekëve, kemi të bëjmë me intoksikim alimentar, por origjina e tij mbetet për t’u verifikuar.

Nga ana e personelit të Shëndetit Publik janë marrë disa mostra të ujit të rrjetit, të cilat janë dërguar për ekzaminim, por analizat vonojnë afro dy ditë.

Ndërkohë, nga ana e bashkisë dhe institucioneve të tjera nuk ka asnjë qëndrim apo lajmërim në lidhje me këtë situatë mjaft alarmante. Asnjë njoftim nuk ka që t’i paralajmeroje qytetaret qe te konsumojne ujin e rubinetit.

Asnje nga perfaqesuesit e institucioneve nuk prononcohet per kete situate, por nga ana e shendetit publik na u tha qe jane ne pritje te analizave te cilat do hedhin drite mbi shkakun e kësaj situate alarmante.

Pistat e hetimit/Vrasës me pagesë për biznesmenin ne FIER

Biznesmeni Demir Backa dyshohet se është qëlluar me 18 plumba mbrëmjen e të shtunës, 23 tetor 2021, nga vrasës me pagesë. Kjo pistë e policisë përforcohet nga mënyra e realizimit të atentatit dhe “zhdukja” e autorëve pa lënë asnjë gjurmë.

Makina tip Benz që dyshohet se u përdor nga vrasësit u gjet në zonën e Daullasit është dërguar breda drejtorisë së Fierit aty ku po i nënshtrohet ekspertizave. 

Sipas të dhenave paraprake targa e Kosovës që i përket një tjetër automjeti është vendosur në makinën e krimit për të humbur gjurmët ndërkohë që mjeti tip Benz nuk figuron i regjistruar në Shqipëri.

Brenda makinës autorët kanë lënë një kallashikov dhe një pistoletë ndërkohë që  të dy armët rezultojnë me numër serie të fshirë.

57 vjeçari Demir Baçka, ka marrë 3 plumba në qafë dhe 15 të tjerë në kraharor. Pas atentatit policia shoqëroi 15 persona por nga dëshmia e tyre nuk është përftuar asnjë detaj konkret për autorët e ngjarjes.

Largohet Zv/drejtor i policise Fier, zvendesime prekin disa drejtori ne vend

Nuk ndal levizjet ne polici, drejtori i Policisë së Shtetit i emëruar vetëm pak kohë më parë, Gledis Nano.Artur Shira nga zv.drejtor për hetimin e krimit në Durrës shkon me të njëjtin post në Fier.

Ilir Proda nga zv.drejtor për hetimin e krimit në Korçë shkon në të njëjtën pozitë në Elbasan.

Vendin e Prodës në Korçë e zë Ermal Muça.

Këto ndryshime në radhët e policisë së shtetit nuk janë të rastësishme, dhe as të parat në erën e re që po fryn me zgjedhjen e Gledis Nano në krye të drejtorisë së Përgjithshme.

Pak ditë më parë ai ndryshoi drejtues te policise ne 12 qarqe me përjashtim të Beratit, ndërkohë që ka dhënë mesazhe se askush nuk do të jetë i pazëvendësueshëm dhe të gjithë do të jenë në një provë.

Ai ka kërkuar rezultate konkrete në luftën kundër krimit, por duket se ka shumë rrugë përpara pasi vetëm në ditët e fundit një vrasje mafioze ndodhi në mes të Fierit, dhe një biznesmen ra pre e grabitjes me dhune në zonën e Niklës.

Rritja e rasteve me Covid, Italia mbyll kufijtë me Shqipërinë

Shqipëria del nga lista e vendeve D  e ministrisë së Shëndetësisë Italiane dhe hyn në listën E.

Italia ka mbyllur kufijtë me Shqipërinë si pasojë e rritjes së rasteve me Covid-19.Hyrja nga Shqipëria në Itali dhe i personave që kanë udhëtuar gjatë 14 ditëve të fundit në Shqipëri lejohen vetëm për motive  pune, shëndeti, urgjencë absolute apo rikthim në banesën e rezidencës.

Lajmi konfirmohet nga Ministria italiane e Shëndetësisë.

Ky vendim në fuqi prej datës 26 tetor 2021 deri në 15 dhjetor 2021.

Si rrjedhojë, duke filluar nga data 𝟮𝟲 𝘁𝗲𝘁𝗼𝗿, shtetasit nga:

– Shqipëria

– Maqedonia e Veriut

– Serbia

– Mali i Zi

– Bosnje Hercegovina

– Libani

– Azerbaxhani

– Moldavia

– Brunei Armenia

mund të hyjnë në Itali vetëm për motive të caktuara si:👇

-motive pune,

-motive shëndeti,

-motive studimi,

-motive urgjence,

-persona të cilët kthehen në vendin e tyre të rezidencës,

-familjarët e ngushtë të shtetasve shqiptarë të pajisur me leje qëndrimi të rregullt në Itali,

-personat të cilët kanë një marrëdhënie emocionale të provuar dhe të qëndrueshme me shtetas që janë rezident në Itali,

-sportist, teknik dhe gjykatës garash dhe shoqërues që marrin pjesë në aktivitete sportive olimpike, paraolimpike të certifikuara dhe me interes kombëtar.

Shtetasit që udhëtojnë nga Shqipëria drejt Italisë, pavarësisht nga nënshtetësia dhe që kanë qëndruar aty më shumë se 𝟭𝟮𝟬 orë do ti nënshtrohen edhe një vetë izolimi 𝟭𝟬 ditor, në fund të të cilit do kryejnë edhe një tampon molekular apo antigjenik.

🔴 Dokumentacioni i nevojshëm që kërkohet:

  1. a) prezantimi i “Passenger Locator Form” në format dixhital ose në kopje fizike

https://app.euplf.eu/

  1. b) prezantimi i testit me rezultat negativ molekular ose antigjenik, të kryer 72 orë përpara udhëtimit;
  2. c) qytetarët i nënshtrohen izolimit në mirëbesim prej 10 ditësh në adresën e deklaruar në “Passenger Locator Form”;
  3. d) i nënshtrohen testit molekular ose antigjeni, në përfundim të izolimit.

❗Këto masa janë të vlefshme deri më datë 𝟭𝟱 𝗱𝗵𝗷𝗲𝘁𝗼𝗿 2021