ARTIKUJT E FUNDIT

Covidi pushton Europën, mbyllet një tjetër vend.

Qeveria sllovene ka nisur me mbylljen e restoranteve, hoteleve, dyqaneve, me përjashtim të atyre që shesin gjërat e domosdoshme dhe transporti publik do të funksionojë me një të tretën e kapacitetit të tij.

Kopshtet dhe konviktet e studentëve gjithashtu po mbyllen, me disa përjashtime. Kryeministri Janez Jansa, thotë se regjimi do të ishte i ngjashëm me atë të marsit dhe prillit.

Masat do të zgjasin për një javë. Ndalimi i lëvizjes së lirë zgjat nga ora 21.00-06.00 të mëngjesit. Edhe pse kanë dy herë më shumë banorë, sllovenët sot kishin më shumë raste me Covid-19 sesa Kroacia.

Ndërkohë në Francë janë regjistruar 41,622 raste të reja me koronavirusit në 24 orët e fundit. “Vala e dytë është këtu. Ne po shohim një progres të shpejtë dhe shumë shqetësues të epidemisë në të gjitha vendet e Evropës. Askush nuk është kursyer. Situata është serioze,” tha Kryeministri Jean Castex duke njoftuar masa të reja kufizuese.

Një vendim pothuajse i pashmangshëm nëse përparimi i infeksioneve të reja vazhdon me ritmin aktual. Në pesëmbëdhjetë ditë, rastet janë dyfishuar dhe kanë arritur një shifër marramendëse: më shumë se një mijë në çdo orë, deri në të dhënat e fundit që rrezikojnë vërtet të shfryjnë bankën.

Greqia u detyrua gjithashtu të vendosë një shtetrrethim në Athinë dhe Selanik, tha kryeministri Kyriakos Mitsotakis.

“Situata është shumë e rëndë” në Gjermani paralajmëroi presidenti i Institutit Robert Koch, Lothar Ëieler, me ,287 infeksione të reja në 24 orë, duke parashikuar “që rastet serioze dhe numri i viktimave do të rriten”.

Ndërsa në Belgjikë infektimi është jashtë kontrollit, duke u bërë vendi i dytë në botë për numrin e vdekjeve (10,539 që nga fillimi i pandemisë) në lidhje me popullsinë. Infeksionet e reja arritën pragun mesatar ditor të 9,693 midis 12 dhe 18 Tetor, e barabartë me një rritje prej 75 përqind krahasuar me javën e kaluar, sipas Institutit të Shëndetit Publik Sciensano. Në terapi intensive përfunduan edhe ministri i Jashtëm dhe ish-Kryeministri Sophie Wilmes.

Do prangosen “peshqit e mëdhenj”?/ Ambasadorja Yuri Kim paralajmëron lëvizje: Do fillojmë të shohim rezultate nga SPAK

 Ambasadorja amerikane në Shqipëri, Yuri Kim është shprehur hapur se së shpejti SPAK do të bëjë goditje të forta në nivele të larta. Në një intervistë për emisionin “Opinion”, Kim tha se shumë shprejt do të shohim rezultate pasi SPAK ka lëshuar shumë aktpadi drejtuar zyrtarëve të lartë të vendit. 

PJESË NGA EMISIONI: 

Blendi Fevziu: Peshqit e mëdhenj, s’ka shkuar asnjë në GJykatë? Madje ata që ishin brenda po dalin?

Yuri Kim: Këto shpehjet, i përdorni si shpërqëndrim. Për shumë kohë njerëzit e pushtetshëm nuk janë ndëshkuar. Kësaj kohë po i afrohet fundi. Do fillojmë të shohim rezultate.

Blendi Fevziu: Problemi është që jemi vendi më i korruptuar në Europë? Asnjë nuk është dënuar? Kur do kemi rezultate kontrekte

Yuri Kim: Njerëzit kanë të drejtë të jenë të frustruar. Mendoj që shumë shpejt do të shohim rezultate

Blendi Fevziu: Besoni ende tek SPAK?

Yuri Kim: Po. Ka njerëz që janë ende pesimistë.

Rendohet gjendja e grave greviste ne Ballsh

Rëndohet gjendja e grevisteve në Uzinën e Përpunimit të Naftës në Ballsh.

Silvana Fejzaj ka kërkuar ndihmën e mjekëve. Në këto momente pranë saj ka shkuar urgjenca e spitalit Ballsh për t’i bërë një perfuzion( serum) 

Mësohet se grevistja pavarësisht gjendjes nuk do të largohet. Ajo ka pranuar të marrë mjekim në mjediset e grevës dhe nuk largohet. 4 gra te tjera greviste te urise kane pasur probleme te renda shendetesore

MSH publikon foton e te riut te prekur nga koronavirusi

Ministrja e Shëndetësisë Ogerta Manastirliu ka publikuar fotografinë e një të riu në spital, i cili po trajtohet nga koronavirusi. Ndonëse u tha se sëmundja prek më shumë moshat e treta dhe personat me sëmundje të tjera, nuk i ka kursyer aspak të rinjtë në të gjithë botën, përfshirë Shqipërinë.

Në fotografi duket një djalë i ri, i cili po qëndron i izoluar në ambientet e spitalit, ku po trajtohet për koronavirusin. Ndërsa mjeku mban në dorë fotografinë ku duket qartë se çfarë i ka shkaktuar Covidi mushkërive të tij.

Në imazhin e publikuar në Facebook, Manastirliu i bëri thirrje të gjithëve që të mos harrojnë të mbajnë maskën, të ruajnë distancën dhe të lajnë duart për të shmangur infektimin nga Covidi. Gjatë 24 orëve të fundit, është shënuar sërish një rekord me shifra të larta ku kanë rezultuar pozitivë 302 persona ndërsa kanë humbur jetën 3 pacientë.

302 raste te reja me COVID-19, 3 humbje jete

Ministria e Shëndetësisë: 1405 testime, 54 të shëruar, 302 raste të reja dhe 3 humbje jete në 24 orët e fundit

Ju informojmë lidhur me situatën epidemiologjike në 24 orët e fundit të COVID19 në Shqipëri: Janë kryer 1405 testime në 24 orët e fundit, nga të cilët kanë rezultuar pozitivë 302 qytetarë të prekur nga virusi SARS-COV2.
Janë shëruar 54 qytetarë, duke e çuar në 10395 numrin e të shëruarve në vend që prej fillimit të epidemisë.
Rastet pozitive të konfirmuara në 24 orët e fundit janë identifikuar në këto bashki:
173 të prekur në Tiranë e cila cilësohet vatra më e nxehtë e epidemisë,
30 raste në Lushnje, 12 raste në Fier, 10 raste në Gjirokastër,
9 raste në Elbasan, Kavajë, Mirditë, 8 raste në Gramsh,
5 raste në Krujë dhe Librazhd,
4 raste në Has dhe Peqin,
3 raste në Durrës, Korçë, Lezhë, Mat,
2 raste në Përmet, Delvinë, Tepelenë,
1 rast në Pukë, Pogradec, Dibër, Prenjas, Memaliaj, Kolonjë.

Aktualisht në spitalin Infektiv dhe “Shefqet Ndroqi” po trajtohen 258 pacientë, 19 në terapi intensive nga të cilët 6 pacientë janë të intubuar.
Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 62 vjeçar dhe një 80 vjeçar nga Tirana, një 63 vjeçare nga Mirdita, me sëmundje bashkëshoqëruese.
Ministria e Shëndetësisë dhe Mbrojtjes Sociale u shpreh ngushëllimet familjarëve.

Ministria e Shëndetësisë dhe Mbrojtjes Sociale ju bën apel qytetarëve të vendosin maskën kudo në ambientet jashtë shtëpisë, ruani distancën dhe kujdesuni për higjienën, vetëm kështu mund të parandalohet përhapja e infeksionit SARAS COV2.
Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.
Telefononi në linjën e gjelbër falas 0800 40 40për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (22 Tetor 2020)
Raste të reja ditore 302
Të shëruar ne 24 orë 54
Humbje jete në 24 orë 3
Testime ditore 1405

Testime totale 112,969
Raste pozitive 18250
Raste të shëruara 10395
Raste Aktive 7390
Humbje jete 465

Shpërndarja gjeografike e rasteve aktive sipas qarqeve:
Tiranë 3653
Durrës 724
Shkodër 494
Fier 487
Korçë 459
Lezhë 369
Elbasan 334
Vlorë 285
Berat 217
Kukës 178
Dibër 95
Gjirokastër 95

Ndëshkohen 810 qytetarë per mosmbajtje te maskes

Njoftimi i policisë:
Punonjësit e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.

Gjatë 24 orëve të fundit, shërbimet e Policisë kanë konstatuar se shumica e qytetarëve i kishin vendosur maskat mbrojtëse edhe gjatë orëve të mbrëmjes.
Gjatë kontrolleve janë konstatuar edhe qytetarë që nuk i kishin vendosur maskat dhe për këto raste, shërbimet e Policisë në të gjithë vendin kanë vendosur 645 masa administrative me vlerën 3.000 lekë secila.

Janë shoqëruar në ambientet e Policisë në të gjithë vendin, 11 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

Ndërkohë, gjatë 24 orëve të fundit, nga ana e shërbimeve të Policisë Rrugore në të gjithë vendin janë vendosur 165 masa administrative me masë 3.000 lekë secila, për pasagjerë të cilët nuk kishin lidhje familjare me drejtuesit e mjeteve private dhe ishin pa maska mbrojtëse në mjet, si dhe për pasagjerët pa maska mbrojtëse në mjetet e transportit publik.

Policia e Shtetit falënderon qytetarët që respektojnë këtë masë mbrojtëse dhe apelon që të gjithë të vendosin maskat mbrojtëse, pronarët e lokaleve të respektojë protokollet e sigurisë dhe të mos kundërshtojnë urdhrin e punonjësve të Policisë, pasi Policia e Shtetit është në shërbim të qytetarëve, për të mbrojtur jetën dhe shëndetin e tyre, ndaj dhe është i rëndësishëm zbatimi i kësaj mase mbrojtëse sepse parandalon infektimin me COVID-19.

Njëkohësisht, Policia e Shtetit fton qytetarët që të mbështesin akoma më shumë Policinë dhe të raportojnë në numrin 112 dhe Komisariatin Dixhital, çdo paligjshmëri që cenon rendin e sigurinë, jetën dhe pronën e qytetarëve, duke iu garantuar anonimat të plotë dhe reagim të menjëhershëm e të paanshëm.

Rama paralajmëron pronarët e lokaleve: Mos e sfidoni qeverinë për ca lekë më shumë, në të kundërt…

Kreu i qeverisë Edi Rama, teksa ishte duke folur në ceremoninë e dorëzimit të 60 respiratorëve nga NATO, si ndihmë për vendin tonë, paralajmëroi pronarët e lokaleve që të jenë të kujdesshëm në zbatimin e protokolleve të vendosura, pasi në të kundërt qeveria do të jetëe detyruar që të veprojë me pòlici.

“Dua të rikthehem aty ku e nisëm, në luftën më covid, dua t’ju lutem qytetarëve të mos e bëjnë këtë luftë më të vështirë, ju lutem e përgjërohem atyre që nuk e besojnë se sa e vështirë është kjo betejë, që mbyten në lugën e konspiracionit dhe thashethemeve.

Atyre që kanë restorante, bare iu them që të mos e përqeshin rrezikun, të mos e sfidojën shtetin dhe mirëkuptimin tonë mos ta marrin për dobësi, të mos vënë në rrezik njerëzit. Ka protokollë ku janë të përcaktuara rregullat. Nuk është e vështirë për ne të sulim pòlicinë, por a është kjo ajo që duam?

A duan të kontribojnë në mbylljen e lokali, të marrin goditje marramendese financiare, për shfrytëzimin e ca metrave katror më shumë për ca lekë më shumë”, u shpreh Rama në fjalën e tij, ku apeloi edhe ndaj qytetarëve që të jenë të kujdesshëm.

Rama paralajmëroi më herët se ky do të jetë një dimër i vështirë, dhe se të gjithë duhet të bëjnë sadopak për të eleminuar kolapsimin e sistemit.

Rritje e fortë e paundit britanik! Rritje e lehtë për euron, dollarin dhe frangën

Në tregun valutor vendas, dollari amerikan blihet me 104.50 lekë dhe shitet me  105.20 lekë. Në krahasim me një ditë më parë, dollari ka njohur një rritje të lehtë në blerje.

Euro blihet 123.70 lekë dhe shitet 124.20 lekë duke njohur një rritje të lehtë në krahasim me njëditë më parë kur shitej 123.60 lekë dhe shitej 124.10 lekë.

Franga zvicerane blihet 114.80 lekë dhe shitet 124.20 lekë .  Edhe Franga ka njohur një rritje të lehtë në krahasim me një ditë më parë.

Ndërkohë, paundi britanik blihet 136.50 lekë dhe shitet 137.60 lekë. Në krahasim me një ditë më parë, paundi britanik ka  njohur një rritje të konsiderueshme pasi blihej 135 lekë dhe shitej 136 lekë.