I moshuari nga Durrësi që u sulmua pak ditë më parë nga një qen pitbull ka ndërruar jetë në spital. Gazetari Leonidha Musaj raporton se 84 vjeçari Halil Basha kishte marrë plagë të shumta në pjesë të ndryshme të trupit dhe në kokë. Ngjarja u regjistrua pasditen e së enjtes në lagjen nr. 13.
Sakaq, në pranga ra edhe pronari i qenit, ndaj të cilit rëndon vepra penale “Braktisja e kafshës të shoqërimit”. Mësohet se 44 vjeçari Armand Lala e mbante pitbullin në shtëpi por në një moment pakujdesie qeni ka mundur të shpëtojë dhe të dalë në rrugët e qytetit ku edhe ka sulmuar të moshuarin
Gjykata e Durrësit ka vendosur si masë sigurie ‘arrest me burg’ për shtetasin Armand Lala, pronari i qenit Pit-bull që sulmoi 84-vjeçarin Halil Basha.
Gjyqtari Rexhep Bekteshi pranoi kërkesën e prokurorisë që të vlerësohej i ligjshëm arrestimi i tij në flagrancë dhe vendosi si masë shteruese për të ‘arrest me burg’.
Kujtojmë që 84-vjeçari që u sulmua nga qeni ditën e enjte datë 2 nëntor, ndërroi jetë mëngjesin e së hënës së spitalin e Durrësit
