Fier

Ndalohet një 41-vjeçar i shpallur në kërkim sepse ishte dënuar me 7 vjet burgim, pas njohjes së vendimit të një gjykate greke, për veprimtari kriminale në fushën e narkotikëve.

Specialistët e Seksionit për Hetimin e Narkotikëve të DVP Fier, në bashkëpunim me shërbimet e Komisariatit të Policisë Fier, në vijim të punës për kapjen e shtetasve të shpallur në kërkim dhe për nxjerrjen e tyre përpara përgjegjësisë penale, ndaluan shtetasin Alfred Koxhaj, 41 vjeç, banues në Ballsh.

Gjykata e Apelit të Vlorës ka njohur një vendim të autoriteteve gjyqësore të Greqisë, për dënimin e 41-vjeçarit, me 7 vjet burgim, për vepren penale “Prodhimi dhe shitja e narkotikëve”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Specialistët për Hetimin e Krimeve të Komisariatit të Policisë Fier ndaluan shtetasin M. N., 26 vjeç, banues në fshatin Ruzhdie, Patos, pasi dyshohet se ka ushtruar dhunë ndaj nënës dhe njerkut të tij, si edhe iu ka marrë me forcë një shumë parash.

Po nga këta specialistë u referuan materialet në Prokurori ku nisi procedimi në gjendje të lirë për shtetasit:

• A. M. (F)., 39 vjeç, banues në Fier, pasi dyshohet se për motive të dobëta, ka kanosur me mjet prerës, një shtetas;

-një shtetas 14 vjeç, banues në Zhupan, Fier, pasi dyshohet se është konfliktuar me një shtetas 18 vjeç dhe gjatë kontrollit personal, iu gjetë një mjet prerës (thikë), i cili u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Policia Rrugore Fier

Kontrolle nga Policia Rrugore, të përqendruara në drejtim të shkeljeve që janë burim aksidenti.

Gjatë muajit tetor: ✅janë arrestuar 12 shtetas që drejtonin automjetet, në gjendje të dehur, dhe ✅janë proceduar penalisht 8 shtetas që drejtonin mjetin, pa leje drejtimi.

Me qëllim parandalimin e aksidenteve, rritjen e parametrave të sigurisë në rrugë dhe lehtësimin e qarkullimit gjatë sezonit turistik, Policia Rrugore, e pajisur me mjetet e teknologjisë bashkëkohore, ka vijuar monitorimin e akseve rrugore në të gjithë qarkun, me qëllim konstatimin dhe ndëshkimin e shkeljeve të Kodit Rrugor.

Gjatë muajit tetor 2023, janë ndëshkuar administrativisht, në total, 8629 drejtues mjetesh, të ndarë konkretisht:

✅Janë ndëshkuar për përdorim të celularit gjatë drejtimit të automjetit, 469 drejtues;

✅Janë ndëshkuar 931 drejtues mjetesh për parakalime të gabura;

✅718 drejtues automjetesh janë ndëshkuar për mosvendosje të rripit të sigurimit;

✅300 drejtues motomjetesh janë ndëshkuar për mosvendosje të kaskës mbrojtëse;

✅4974 drejtues janë ndëshkuar për shpejtësi tej normave të lejuara.

➡️Janë bllokuar 33 automjete për detyrime të pashlyera dhe mungesë dokumentacioni.

Policia Rrugore e Fierit do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e aksidenteve rrugore.

Drejtoria Vendore e Policisë Fier falënderon drejtuesit e mjeteve dhe këmbësorët që respektojnë rregullat e qarkullimit rrugor dhe apelon për më shumë rregull e siguri në rrugë, në favor të jetës dhe të shëndetit të qytetarëve.

Deputetët e opozitës kanë bllokuar dyert e sallës ku zhvillohet mbledhja e Konferencës së Kryetarëve.

Të bërë gardh para dyerve, ata nuk lejojnë kreun e grupit parlamentar të Partisë Socialiste, Bledi Çuçi për të hyrë në ambientet e brendshme.

“Turp të keni që na keni përjashtuar”, dëgjohet midis të tjerash në video.

Në mbledhjen e sotme të konferencës së kryetarëve pritet të miratohet buxheti për vitin e ardhshëm, ndërsa i pranishëm do të jetë edhe ministri i Financave, Ervin Mete.