Policia e Kosovës ka konfirmuar vrasjen e tre agresorëve në Banjskë të Zveçanit dhe arrestimin e një prej tyre.
Përmes një komunikate për media, Policia ka thënë se ka arrestuar edhe katër persona tjerë të dyshuar, të cilat janë hasur nën posedim të radiolidhjeve, si dhe identifikimin e një sasie të konsiderueshme të armeve, municionit dhe pajisjeve të ndryshme.
Në orët e para të së dielës, si pasojë e sulmeve ndaj Policisë së Kosovës, është vrarë një zyrtar i këtij institucioni dhe dy të tjerë janë plagosur.
